HAGGAI 2:5 - PATHIAN LEKHABU THIANGTHO (BSI)

⁵ Aigupta ah kipat la hung pawt lai ua, la kiang ua thu ka la tiam gual ah khan, la lak un ka thagau a chêng zing hi; lau kiu in.

HAGGAI 2:5 Referans Kwoze

PAWTDAWNA THU 34:10

Ama’n a kiang in, “Ngai in, thuthung ka siam hi. Khawvel pumpi leh kua nam lak ah le kibawl kha ngai lo, la mite zosia mit mu ah hin thilmak kidang hun bawl ding ka hi; tichun, la kiang la kîm ah um zosiate hin Lalpa thilbawl chu mu’n tin uh, nang â ding ah ka thilbawl guat hi huaisia tak ahi ngal in,” a tia.

NEHEMIAH 9:20

Amau zilsak dingin la thagau pha chu la pia; a kam ua kipat in la Manna la jukdok kit pua’n, a dangchâknau sudai dingin tuile la pia ahi.

ISAI 41:13

Keima, Lalpa la Pathian in, la khut changlam ka tuzing ngâl a. La kiang ah: “Lau kin, hun panpi ding ka hi,” tipa chu keima ka hi’ngâl a.

ZEKARIAH 8:13

Aw Judah Inkuan leh Israel Inkuante haw, nam tin lak ah hânsia dong ah la umnau ah kipat khan hun hukdok ing ka tin, maljawlna bulpi’n hun siam ding ka hi tai. Lau him him kiu inla, la khutteu chu hi’hat tau in.

ZEKARIAH 8:15

Jerusalem leh Judah Inkuante chung ah thilpha bawl piak kit ding ka ti ahi; lau him him kiu in; sepai honte Lalpa chun a ti ahi.

NASEPTE 27:24

ka kiang in, ‘Paul, lau kin, Lengpa Kaisar âng ah ding ngei ngei ding la hingal in, Long ah la chuan khawmpite zosia hile Pathian in a vênbit ei tai,’ ei ti hen.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

THUPUAN 1:17

Zia gual ah ama ka mu phât chun a kengbul ah mithi gual in ka kipûk ta’n. Chuleh, ama chun a khut changlam ka chung ah koi in, “Lau kin, a masa pen leh a nunung pen chu ka hi.

MATTHAI 28:5

Vansawlchâk chun numeite kiang in, “Nang haw vang lau kiu in, Jesu a khetden uh kha hawl la hiu ti ka hia’i.

ZEKARIAH 4:6

“Zia hi Zerubbabel kiang ah Lalpa thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte Lalpa chun a ti’n.

NEHEMIAH 9:30

Kum tam tak a chung un la dawthei ah, la jawlneite mang in la thagau chun la vauhil zing ah; himaleh, a ngaitha nuam diak puau hi. Ziaziakchun, a gam ah mite khut in la la pedok ta ahi.

2 KHANGTHU 20:17

Aw, Judai gam leh Jerusalem khua mite haw, zia kidona hin nanghaw la pan uh ngai pua’n ah; la panmun chiat un ding chil chel un la, nanghaw â ding ah Lalpa‘n a hun zaw piak dan chu en mai un! Lau kiu in la, lungdong ziang kiu in; jing leh gâldo dingin kuandok un la, Lalpa‘n hun kithuapi ding ahi,” ti’n a gen a.

JOSHUA 8:1

Ziaphatchun, Lalpa‘n Joshua kiang in, “Lau kin la, lunglel diak kin; gâl kap thei zosia pui inla, tu’hin Âi khua chiatopi ta’n. Ngai in, Âi khua lal leh a mite, a khawpi leh a gam zosiau la khut ah ka hun piak ahi tai.

PAWTDAWNA THU 34:8

Mosi’n kin tak ah leitual sî bokkhup in chibai a bûk ta’n.

PAWTDAWNA THU 19:4

Aigupta mite chung ah ka thilbawl dan leh mupi thâ ah ka hun puakdaw dan leh, ka kiang ah um ding ah ka hun pui dante hi la mu tau in;

PAWTDAWNA THU 19:6

Chuleh, kei â dingin nang uh chu thiampu lenggam leh nam thiangtho hiding la hiu. Zia thute hi Israelte zosia kiang ah la gensawn ding ahi,” ti’n a gen a.

PAWTDAWNA THU 24:3

Tichun, Mosi a hung ah, Lalpa thugen tawh a thuguat zosiate chu mipite a hil ah: mipite chun kigual tak in, “Lalpa’n a gen zosia chu bawl ing kau,” ti’n a hun dawnhu tau a.

PAWTDAWNA THU 24:8

Mosi’n thisan chu a la, mipite chu a the’khum ah, a kiang un, “Lalpa’n a gen dungzui ah, nanghaw tawh kikâl ah thisan ah thuthung a siamna hi en un,” a tia.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

1 SAMUEL 12:20

Samuel in mipite kiang ah chun, “Lau kiu in; zia gual khop ah chun a la bawlkhial ta maleu chinle, Lalpa nusia kiu inla, la lungthim zosiau in Lalpa na sêm tau in;