HAGGAI 1:9 - PATHIAN LEKHABU THIANGTHO (BSI)

⁹ Tam tak mu la kinêm un, ngai un, tawmcha la muu a; In ah la hun puak tung phat uh leh le ka mût mang kit sek a. Bang ziak ahi em? Sepai honte Lalpa chun a tii. A ziak chu ka In a sesa’ a um zing lai in, mi tin in la In ding chiat uh la ki-awlmaw tau a.

HAGGAI 1:9 Referans Kwoze

HAGGAI 1:4

Zia In hi suksiat ah um zing in nanghaw, In nuam tak ah la chên hun uh ahi em?

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.

MALAKI 2:2

Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi

HAGGAI 1:6

Tam tak tak la tuu ah, tawmcha cha la la khawm ui; la neu ah la vâ diak puau in; puan la sil ua la kuama lum sa la um diak puau; kilaw ah sêmte’n le sakhau tawvang sung ah thun ding bep ah kilaw la hiu, a tii.

ISAI 40:7

Lalpa hun a hun mût phat leh, hampa chu a vuai ah, pakcha le a tuai sek hi; mi zosia hi hampa gual chu ahi takzet ui.

THUPUAN 2:4

Himaleh, demna khat ka hun nei hi, la hepina masa kha la nusia tai.

JOB LEKHABU 10:2

Pathian kiang in, ei awimaw kin la, lei kinakpina ziak ei hil in, ti’ng ka.

2 LENGTE 19:7

A la ngai leu chin, ama chung ah chun thigua hun hânsak ing ka tin, thuthang khat hun hia’n tin, zia tak chuleh ama gam lam ah chun chia kit ta’n a; himaleh, ama gam sung ngei ah chun chemjam ah pûk nalai ding ahi, ti’n,” a tia.

2 SAMUEL 22:16

Ziaphatchun, tuisuagiat lampite chu a hung kilang ta’n, Lalpa‘n a nâk hawm ah a hu thâdaw ah, a vauna ziakin, khawvel leilung kingaknate chu suklat ahi tai.

2 SAMUEL 21:1

David hun lai ah chun kum thum sung a kizom in kial a hung tung ta’n; tichun, David in Lalpa a dong a. Lalpa‘n a kiang in, “Saul in Gibeon mite a thalup ziakin, ama leh a Inkuante’n thisan maw a puau hi,” ti’n a hun dawnhu a.

THUPILTE 27:20

Sheol leh Abaddon in hun leh hai a neilo gual un, mihing mit inle hun leh hai a hepuai.

THUGENTU 1:8

Thil zosia hi buaina ngen ah dim ahi; kuama’n gen sêng pua’n a; mit in a thilmu a chim pua’n, bil inle a thil het a khop diak puai.

EZEKIEL 21:31

La chung in ka lungnatna buntha’ng ka tin; la chung ah ka hachang thakna mei sêm ing ka. Mi hiamngam, mi tha thiamte khut in hun pedok ing ka.

THIAMPUTE LEKHABU 19:25

Himaleh, kum nga a tin phat leh, nang uh â ding ah a ga a tam sem theina dingin la nêk ding uh ahi; Keima hi Lalpa la Pathian uh ka hi’ngâl a.

DAN LEKHABU 28:38

Lou ah chun buchi tampi the’ maleu chin, tawmcha bep lakhawm in lau; khauphâkte’n ne zo ding ahi ngâl un.

THUPILTE 11:24

Hawm jak tam chu pun zawk diakna ahi’n; a piak dingsa ziang le pedok nuamlote chun tâksapna tuak in au.

ISAI 5:10

Grep huan chîng sawm in bath khat khêl kihêkdok pua’n tin; buchi homer khat in ephah khat khêl ga sua pua’n a.

JEREMIAH 12:13

Gehu bu a chîng un la lingga a ât tau a; tha chawl tak in sêmgim maleu le, bangma lawkna a mu puau hi. Lalpa lungnatna huaisia tak ziakin, a ga luak uh chu mualphopi ta’n au.