HAGGAI 1:11 - PATHIAN LEKHABU THIANGTHO (BSI)

¹¹ Lei chung ah te, tâng chung ah te, bu chung ah te, uain thak chung ah te, sathau chung ah te, lei ah kipat thil hung pawt him himte chung ah te, mihing chung ah te, gan-gual chung ah te leh khut nasep zosia chung ah khawkhâlna ka ko ta ahi.

HAGGAI 1:11 Referans Kwoze

HAGGAI 2:17

Nangmau leh la sepgimnau ga zosia chu kumthu, muatna leh gial in ka hun sugam ta’n; himaleh, kei kiang ah la hung kile’kit nuam puau hi, LALPA‘n a tii.

DAN LEKHABU 28:22

Lalpa chun, kumjawnna, khawsikna, vûnnatna, ti sat hut hutna, khawkhâlna, lung leh hisian hun gawt intin, la manthai masiau hun delzui in a.

2 LENGTE 8:1

Tichun, Elisha’n a chapa thisa a kaithaw kit numei kiang ah khan, “Kipan inla, la In sung mite tawh chiau inla, la chêntheina na un va chêng un; Lalpa‘n kial tunsak ding a hita ngal ah, zia gam ah hin kum sagi kial hung tung ding ahi,” ti’n a gen tai.

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

AMOS 9:6

ama’n a pindan chungnung van ah a siam in, lei chung khû dingle a siam hi; tuisuagiat ah tuite a kodok ah, lei tual ah gawtui zuksak pa, a min chu Lalpa ahi.

AMOS 7:4

Zia hi Lalpa Pathian in ei etsak chu ahi: Lalpa Pathian in mei a ko ah, zia mei chun tuisuagiat leh gam chu a kâng tum tai.

AMOS 5:8

Bombial leh sizuhei suktun siam a, khawthim tak jingkal chansak a; khawvak chu janthim ah chansakpa, tuisuagiat ah tuite kodawk ah, lei chung ah gawtui zuksakpa chu, a min Lalpa ahi’n;

KÂ LATE 1:21

Ei thamuantu ding umlo ziak ah, ka thûm dan a he ngâl un. Ka mêl huatte zosia’n, ka buaina a hechiat ui; zia hi nangma bawl ahi ti, a het ziak un a kipak ma mau hi. La puan tâksa ni ah chun tun sak inla. Keima tuak hi amau le tuak sak in

JOB LEKHABU 34:29

A la thip hiat hiat leh, kua a hem awimaw thei diak ding? A mai ah sêl mang leh kua nam hi’n, kua mimal hileh a mudok zo ding kua a hem um?

JEREMIAH 14:2

Judai gam in a sûn in, a kul kotkhak teule a ngui zo tau a; lungkham in lei tual in a kizam un, Jerusalem kâ thawm chu a chia to tai.

MALAKI 3:9

Keima lei suam ziak un, la nam pumpiu hânsia pua la hitau hi.

MALAKI 3:11

Khaubepite hun vau dai piak ing ka tin; tichun, la lou thâichiteu suksiat piak ta pua’n a; chuleh, la lou lai ua grep gui le hût ta pua’n a, sepai honte Lalpa chun a ti ahi.

HAGGAI 2:19

Bubûk ah buchi ding ah nutsia a um nalai em? Grepte, theichang kung, theibufai leh Oliv kungte chun ga sua nai lo a hiu em? Tu’ni kipat hin hun maljawl ding ka hi.