EPHESA 6:1 - PATHIAN LEKHABU THIANGTHO (BSI)

¹ Naupangte haw, Lalpa ah chun la nu leh pateu thu zawm un; zia chu thil dik ahi ngal in.

EPHESA 6:1 Referans Kwoze

THUPILTE 23:22

Nangma hun hingtu la pa thu ngai inla, la nule a teksiat nung in musit diak kin.

THUPILTE 6:20

Ka cha, la pa thupiak zawm inla, la nu hun hilna le kihetmawsak kin.

THUPILTE 1:8

Ka cha, la pa zilgaina chu ngaitha’n la, la nu hilna chule ngaidau kin;

DAN LEKHABU 21:18

Kua a hem khat in chapa lochal tak leh thukhel tak nei hen la, a nu leh pa thu zui nuam lo in, a thununnau le ngaisak lo leh,

THIAMPUTE LEKHABU 19:3

mi tin in a nu leh a pateu a ja ding uh ahi: chuleh, ka sabbath nite a chan ding uh ahi: Keima hi Lalpa la Pathian uh ka hi.

1 TIMOTHI 5:4

Meithâi pakhat chun chate a hem, tute a hem a nei chun, ama Insung ah sakhaw lam ah a mawpuakna zil masa hen la, a nu leh pate chung ah phatna thuk hen; zia chu Pathian mit mu ah kipak um ahi ngal a.

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

THUPILTE 30:17

A pa simmaw leh a nu thu ngainêpte mit chu, phâigam va-âk in kheldok intin, musanete’n a sa le ne’n au.

ROMTE 7:12

Ziaziakchun, Dan chu a thiangtho ah, thupiak chule a thiangtho ah, a dik ah, a pha ahi.

LUKA 2:51

Ziaphatchun, amau chu a zui ah, Nazareth khua a hung tung kit tau ah; a thuu mang tak in a um a; himaleh, a nu chun a thugen zosia chu a tepte zing hi.

JOB LEKHABU 33:27

Zia mipa chun midangte kiang in, “Ka la bawl khial ta’n, a dik chu ka la pêt mangsan ta’n; ahi’n la, thuk in ka um puai.

1 PETER 2:13

Lalpa min in mihing kivai hawmnate chun kitulut un, vaihawmtu lianpen Lengpa kiang ah hihen la,

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

THUPILTE 30:11

A pateu hânsialaw ah, a nuteu maljawlna pelo mile a um ui.

THILSIAM THU 28:7

Jakob in a nu leh a pa thu awi in Paddan-aram gam lam in a chia tai, ti a hun he ta’n.

SAM 19:8

Lalpa thununna chu a dik in, thinlung a kipaksak sek hi; Lalpa thupiak chu a kichian in, mitte a hi’vâk sek hi;

ESTHER 2:20

Mordekai in a hil gual in, Esther in kua mi leh kuate chanau ahi’na a kigendok nai puai; Esther in a la etkol lim ah kipat Mordekai thu a la nial kha lo him him ahi gual in.

1 KORINTH 15:58

Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un.

ROMTE 16:2

Lalpa min ah mithiangthote chung ah hiding gual in la la lop theina ding uh leh, la panpiu a ngaina phot ah la panpi theina ding un; ama ngei inle mi tampi a la panpi ta’n, keima ngei le ei panpi sek hi.

SAM 119:75

Aw Lalpa, la thutannate a dik hi ti leh, la ginumna’n lei hi’genthei sek ahi, ti ka hechian tai.

THILSIAM THU 37:13

Israel chun Joseph kiang in, “La u te’n Shekhem lam ah hilo a hem gan a chin uh? Hung tiam in, a kiang un hun sawl ing ka,” a ti’n. Ama chun, “Ei sawl in” a ti ta’n.

JEREMIAH 35:14

Rekab chapa Jonadab in a suan leh pâkte him him in uain dawn lo ding ti thu a la piak chu a la mang tau ah; a pu bul uh thupiak chu a mat ziak un, tu’ni tiang hinle kuama uain dawn a um nai puau hi. Keima’n gunchu tak in la kiang un thu ka gen zing ah; maleh, ka thu la ngai puau in;

NEHEMIAH 9:13

Sinai tâng ah khan van ah kipat in la hung kum suk ah; tichun, a kiang un thu la gen ah; chuleh, vaihawmna dan leh ki-etkolna dan dik takte leh thuguat leh thupiak pha takte chule la pia ahi kha;

1 SAMUEL 17:20

David chu jingkal ma tak ah tho in, a belamchinte chu mi pakhat kiang ah pedok in, nêktheite chu pua’n, a pa Jesse thupiak dungzui in a chia tai. Gal do ding ah a kiko veng vung lai tak un, a giamun uh a tung a.

SAM 119:128

La dan thute dungzui in kãl ka suan hi; umdan diklo zosia hi ka hua ahi.

RUTH 3:5

Ruth in a kiang in, “Lei hil zosia chu bawl ing ka,” a tia.

JEREMIAH 35:8

Ka pu bul uh Rekab chapa Jonadab in thu ei piak zosia chu zui in, kei uh hi’n, ka jiteu, ka chapateu leh ka chanuteu inle ka dam sung siau ah uain him him dawn lo ding ka tiu a;

JEREMIAH 35:18

Himaleh, Rekabte sunghaw kiang in Jeremiah in zia gual hin a la gen a: Sepai honte Lalpa, Israelte Pathian in zia gual hin a hun gen hi: La pu bul uh Jonadab thupiak leh a dan thuthung zosia vopdet ah, a hun thupiak la zui ziak un;

THILSIAM THU 48:12

Joseph in a chate chu a pa malpi kikâl ah kipat chun a kaidok ah, a mai ah leitual si’n chibai a bûk a.

THILSIAM THU 50:12

Chutichun, a chapate chun a duthusam gual ah chun a bawl piak tau a.