EPHESA 5:8 - PATHIAN LEKHABU THIANGTHO (BSI)

⁸ Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.

EPHESA 5:8 Referans Kwoze

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

KOLOSSA 1:13

Ama chun thim thuneina lak ah kipat ei hukdok in, a chapa doichuam gam ah chun ei lângkâi tai;

JOHAN 12:46

Kei khawvel salvâk ding ah hung ka hi, kuale ei ging chu thim lak ah a um zing lona ding un.

EPHESA 4:18

Amau chu a hetnau sukthim piak a hiu ah, a lungthim mawl leh tâk ziak un, Pathian ah hinna chu chang talo a hiu hi.

JOHAN 12:36

Vâk la lak ua a um sung hin vâk hi gingcha tau in, vâk chate la hung hitheina ding un,” a tia. Jesu’n zia thu chu a gen zaw chun a chia mang ah, amau lak ah kipat chun a kisêl mang tai.

ISAI 9:2

Thim nuai ah chiate’n vâk nasa tak a mu tau; thimpi’n a jinkhumna gam ah chêngte chung ah chun, vâk a hung suak tai.

EPHESA 2:2

malai khan zia khawvel dan gual hin la um un, beingawn ah thuneina lal, thu awilo chate sung ah sêm zing pa thagau dan gual ah chun la um ui.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

LUKA 16:8

A pu chun, sumkol ginumlo chun pil tak ah thil a bawl ziak ah chun a pakcha ta’n, vâk chate sâng in zia khawvel chate hi a tu’lai thuu in a pilzawu hi.

ISAI 2:5

Aw Jakob Inkuan ah mite haw, hung unla, Lalpa vâk ah hin leng dial dial tai tiu!

EPHESA 6:12

Taksa leh thisan ah mêlmate tawh kibuan I hi puau ah, lalnate, thuneinate leh zia khawvel thim chung ah vaihawmte tawh, van mun ah thagau gilote tawh kibuan I hizaw ngal un.

2 KORINTH 3:18

Ei un vang mai khu’lo in, lîmet gual in Lalpa lopina salvâk in, lopina kipat lopi zaw diak in, ama kibatpi hiding in Lalpa Thagau ah hi’danglam in I um ui.

LUKA 1:79

thim lak leh thina lim nuai ah a la chute, salvâk ding leh thamuanna lampi lam ah, I kengteu pui dingin,” a tia.

2 KORINTH 6:14

Ginglote tawh kituak takin ngawngkol bât khawm kiu in; dikna leh diklona’n bang a hem kivopna a nei uh? Ahiloleh, thim leh vâk in bang kipawlna a hem a nei uh?

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

ROMTE 2:19

nangma ngei chu mitthûmte vengtu la hi’na chun la kimuan ma ma ah, thim lak ah umte salvâktu ah la kihiat ah;

JOHAN 1:9

Vâk dik tak, mitin salvâk ding chu khawvel ah hung ahi.

MATTHAI 4:16

‘Thim nuai ah chu te chun vâk lopi tak chu a mu tau in, thina lîm guam ah chu te chung ah chun, vâk a hung suakdok tai,’ tia a gen kha a hung guitun theina dingin”.

ISAI 49:9

Suangkul tângte kiang in: “Hung pawtdok un,” a ti’n; thim lak ah umte kiang in: “Hung kilangdok un,” a ti’n. Lamlian dung ah ne malam pek intiu in, tâng gawchâk zosia chu, hampa hing phatna mun hita’n a.

GALATIA 5:25

Thagau ah hing I hiu chun, Thagau ma ma’n kalsuan hitiu.

ROMTE 1:21

Pathian he maleu, Pathian ahi’na gual tak in a chawihoi puau ah, a chung ah kipakna châng le a hepuau hi; ziaziakchun, a lungthim suangtuanau in thil manlote bep a ngaitua tâk ziak un a lungthim ngol tak uh chu a thim zo tai.

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

NASEPTE 17:30

Pathian in I mawllai hunteu ah ei ngaithiam ah; ahi’n la, tu’hin gamtin ah mi zosia chu lunghei dingin thu a pia ta ahi;

SAM 74:20

Ka kiang ua la thuthung siam kha hezing inla; lei mun thimnate chu nunsiatna’n a dim zo ta’ngal a.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

MATTHAI 3:8

Gitlo haisanna tawh kilawm ga chu hun sua phot tau in.

JOHAN 12:35

Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

ROMTE 13:12

jan hi a bei vâng vâng ta’n, khua hung vâk ding ei tai; zia ziak chun, khawthim ah thilhite chu paitha’n vâkthuam in kithuam hitiu.

KOLOSSA 1:12

vâk ah mithiangthote goluapi ding ah hun siampa, Pa kiang ngei ah chun kipak thu gen un.