EPHESA 5:3 - PATHIAN LEKHABU THIANGTHO (BSI)

³ Mithiangthote la hung hi’tâk ziak un, numei chung ah tatsualnate, buakna zosia leh ênna thute hi la lak un genkhâk le hita ki’hen.

EPHESA 5:3 Referans Kwoze

KOLOSSA 3:5

Chutichun, la taksau ah leilam thil doina umte hi that un: Tatsualnate, buaknate, huknate, nopna phalote, papnate, (papna chu milim hona ahi.)

EPHESA 5:5

Mi hûkte, mi buakte, mi du-âm leh milim ho-te haw hin, Khrista leh Pathian gam ah chun chan him him a nei puau hi, ti he tau in.

1 THESSALONITE 4:3

La thiantho ua, tatsual la kisûm uh hi Pathian lung lam ahi.

1 KORINTH 6:18

Thanhuaina hi haisan un. Gitlona dang hi taksa pawlam thil ahi’n, mi thanghuai chun vang a taksa chung ngei ah gitlo bawl ahi.

1 THESSALONITE 4:7

A buak dingin Pathian in ei ko pua’n, thiangtho dingin ei ko zaw ahi.

1 KORINTH 6:13

“An chu gilpi â ding ahi’n, gilpi chu an â ding ahi”; ahi’n, Pathian in hi’mangthai gêl gêl in a. Taksa hi tatsualna ding a hipua’n, Lalpa â ding ahi zawi; Lalpa chule taksa â ding ahi.

EPHESA 5:12

A gûk ah thil kihi’ te hi a gen le zâchâk a um sek ngal ah;

MATTHAI 15:19

Lunggil sung ah kipat chun tupgûkna phalo gilonate, tualthanate, ângkawmnate, tatsualnate, gûkchâknate, zuau gennate, mi hêknate leh gensiatnate hung pawt sek ahi.

THUPUAN 2:21

A lungheina dingin hun chomkhat ka pia’n; himaleh, a thanhuaina kipat chun a lung a hei diak him him puai.

1 KORINTH 10:8

Thanghuai puai tiu, a lak ua khenkhat a chutiu ah, ni khat ah sîng ni leh sang thum a thi tau kha.

THUPUAN 22:15

A pawlam in uichate, dawithiamte, thânghuaite, tualthatte, milim hote leh juau thu dawi leh juau thugen chîngte um in au.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

THUPUAN 2:14

Himaleh, demna neukhat ka nei hi; la lak ua Balaam thuhilna mang ah, Balak chu Israel chate kipalpâina ding ah milim hona sate ne ding ah, chuleh, thanghuai ding ah zilsakna kha zui la um ui.

1 KORINTH 5:1

La lak ua thanhuaina a um hi ti thu ei hil un, zia tawhbang thanhuaina chu Jentelte lak inle a kigen kha nai puai; mi pakhat in a pa ji a kichenpi ziang thu kha ahi.

EZEKIEL 33:31

Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.

PAWTDAWNA THU 20:17

La Invêngte thil nei awtcha kin; la Invêngpa ji a hem, a suakpa a hem, a suaknu a hem, a bawngchal a hem, sabiltung a hem a thilneite him him la ên lo ding ahi.

THUPUAN 9:21

A tualthanau leh a dawi thil matteu, a tatsualnau leh a gukchaknateu le a haisan diak puau hi.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.

HEBRAITE 12:16

Mithanghuai a hem, Esau gual ah Pathian jalo hung um kha’n lau; ama chun a cha upa hi’na chu an khatvei nêk in a khawng a,

2 KORINTH 12:21

Ka hung kit phat leh ka Pathian in la lak un ei himualpho khan tin, tu’ma lam ah thilhikhialte lak ah thilbuak hi’te, jawntatte leh hûk chîng ah haisan gaw lo mi tam tak chu kâ khum kha’ng ka ti le ka lau hi.

TITA 2:3

zia gual ma chun nupite le a umdan ua ja’um dingin, diklo tak ah mi lawttua lo dingin, zudawn chîng lo ding leh thilpha lam zilsaktu hi dingin thu hil inla,

2 TIMOTHI 3:2

Mite chu, ama bep kihepite, dangka ngainate, kiphatsakte, lochalte, mi hosiat chîngte, nu leh pa thumanglote, kipakna châng helote, thiangtholote,

NASEPTE 15:20

milim hona thil thianglo nêkte, jawn thanhuaite, samêklup leh thisan nêk haw hi haisan dingin a kiang un kizik zaw hen.

PAWTDAWNA THU 18:21

Chuleh, mipite lak ah kipat mi matthei, Pathian lau, mi thudik, golgûkna doilote chu têldok inla: zia gual mite chu sang khat chung ah te, za khat chung ah te, sawmnga ah chung ah te leh sawm khat chung ah te vaihawm dingin a chung un koi inla;

2 PETER 2:14

A mit uh ângkawmna dim, gitlona haisan theilote a hiu a; mi detlote a thêm pûk ua; ênna lungthim a puu ah; hânsia law chate a hiu hi.

2 PETER 2:10

Taksa nopna buak zui leh vaihawmna simmawte chu koidan a he diak hi. Ngolhân leh chapo a hiu a, vansawlchâkte a gensiat unle a kithing puau hi.

1 PETER 5:2

La khut ua vopsak ah um, Pathian belam hon chu chingtup un; hi’ ding a hiziak bep hilo in, Pathian thu gual ah thanuam tak zaw’n, lawkna hawl ziak le hilo in, lungthim ah dawi tak zaw’n,

TITA 1:11

Zia gual mite chun lawkna dik lo ngaitua in, thu hilo lo gen in mi a Inkuan kuan in a susia sek ua, ziate chu a kam uh huk piak ding a hiu.

TITA 1:7

kochuam hotu chu Pathian sum enkoltu ahiziak in, dem kâi lo ahi ding a hia; ama thu bep dawi hilo, lungna vak lo, zu dawn chîng lo, khut tha pai ziang lo, diklo tak ah lawkna hawl lo;

1 TIMOTHI 3:3

zudawn mi hilo, khutthâk chîng lo ah mi nunnem hizaw, kinak chîng lo leh dangka ngaina lo ahi ding ahi.

1 TIMOTHI 2:10

nasep phate’n kivan zawu hen; zia chu numei Pathian ngaisak kitite â ding ah kilawm him ahi.

PHILIPPI 1:27

Banghitaleh, la umdan uh chu Khrista chanchinpha tawh kituak sak phot tau in; ka hung ah nang uh hung mu a hem, ahiloleh, ka umlo lai ah le thagau munkhat ah la dindet dan uh leh, lungthim munkhat nei ah chanchinpha ginna la pan dan uh chanchin ka hettheina ding in.

ROMTE 16:2

Lalpa min ah mithiangthote chung ah hiding gual in la la lop theina ding uh leh, la panpiu a ngaina phot ah la panpi theina ding un; ama ngei inle mi tampi a la panpi ta’n, keima ngei le ei panpi sek hi.

ROMTE 6:13

Chuleh, la taksa bakteu hile gitlo lam ah dik lona matchâk dingin pia phal kiu inla; thina kipat hing kit gual in, Pathian lam ah dikna matchâk dingin pia phal zaw tau in.

ROMTE 1:29

Tichun, diklona zosia: Tatsualna tinchengte, nunsiatnate, îtsiknate, du-âmnate, huaihapnate, tualthanate, kinialnate, mithep hatnate, kidawha bawlnate, kihoguk hatnate,

NASEPTE 20:33

Kuama dangka leh sana leh sil leh chên ka eng ngai puai.

LUKA 16:14

Pharisai sum thangaite chun zia thute chu a het phat un, a nuisan un.

MIKAH 2:2

Midangte lou a awtchau ah, zia chu thagum in a lak piak sek un; midangte In a eng un, zia chu thagum in a lak piak sek un; In leh a neitu chu a bawl genthei ma ma sek un, mihing leh a gochanteu a nuaisiau hi.

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

THUPILTE 28:16

Vaihawmtu hetthiamna tasam chu mi bawl genthei ah pang bep ahi; himaleh, lawkna diklo dawilote damsung chu hisau in um in a.

SAM 119:36

La thu hetsak lam ah ka thinlung kaihei inla, keima â ding bep ah lawkna hilo dingin.

SAM 10:3

Mi nunsia’n a duthusam chu a kisaktheipi in, lawkna ding hawl ah du-âmte chun Lalpa chu hânsialaw in, a pâmpai sek ui.

1 SAMUEL 8:3

Himaleh, a chate hin ama umchan zui lo in, amau lawkna ding bep a ngaituau ah; golgûkna a lau ah, diklo tak in vai a hawm tau hi.

JOSHUA 7:21

Gâllâk thil ah Shinar puan hoi tak leh, dangka shekel za ni leh sana tum shekel sawmnga ah gik ka mu phât in, ka en lâ ta lua’, ka la lâk mai ahi. A leng in ka puanbûk sung ah, lei nuai ah ka sêlgu’n, dangka chu a nuainung pen ah ka koi ahi,” a tia.

KISIMNA LEKHABU 25:1

Israelte Shittim mun ah a châm sung un, Moab numeite tawh a hung thanghuai kha tau a.

PAWTDAWNA THU 23:13

La kiang ua ka gen zosia hi pha tak in ngai un; pathian dangte min him him sua ki’un la, la kam ua kipat in gitdawsak him him kiu in.

1 TIMOTHI 6:10

Dangka sum ngainat hi gitlona chitin bul ahi ngal a; khenkhat in hausak nopna ziakin ginna chu jamsan in, amau leh amau lungngaina tam tak a kisunkhum sek uh ahi.

LUKA 12:15

Chuleh, Jesu chun, a kiang un, “Chingthei un! Huaihapna lak ah chun kiveng un! Nei leh lam leh thil hauna mai hi mihing dampi pen ahi puai,” a tia.

THIAMPUTE LEKHABU 15:18

Numei tawh pawsal a lup khawm ua, a chi’u a pawt chun, a pani un a kisil ding uh ahi; nitâk lam masia a buak ding uh ahi.