EPHESA 5:1 - PATHIAN LEKHABU THIANGTHO (BSI)

¹ Chuleh, a cha doitakte gual in, Pathian nunchan zui tau in.

EPHESA 5:1 Referans Kwoze

1 JOHAN 4:11

Doitakte, Pathian in zia gual lawm ah ei hepi chun, eihaw le I kihepitua chiat diu ahi.

EPHESA 4:32

Chuleh, kihepi tua ah, kilainatna nei in um unla, Pathian in Khrista ah a hun ngaidam gual in kingaidam tua tau in.

MATTHAI 5:48

Tichun, la Pau van ah um a phat bukim gual in nang uh le pha bukim in um un.

KOLOSSA 3:12

Chutichun, Pathian mi têl, mithiangtho leh doitakte gual in lainatna lungthimte, hepinate, kingaitawmnate, thunuaigolnate leh thok-hatnate chun kivan tau in;

THIAMPUTE LEKHABU 11:45

Keima Lalpa hi la Pathian uh ka hi’theina ding ah Aigupta gam ah kipat nanghaw hun puidokpa kha ka hi; keima ka thiantho gual in, la thiantho ding uh ahi.

JOHAN 1:12

Himaleh, ama a la lop ah, a min gingte chu Pathian chate hitheina a piai.

MATTHAI 5:45

la Pau van ah mi chate la hi’theina ding un; ama chun migilote leh miphate chung ah chun ni a suak sak gêl ah, mi dik leh dik lo chung ah le gua a zuksak sek hi.

JEREMIAH 31:20

Ephraim chu ka chapa dawi tak hilo a hem? Ka kipakna chu hilo a hem? Ama demna thu ka gen daw si’n leh, ama ka hezing hi. Ama ziakin ka lungthim a na ma ma hi; matheilo in a chung ah jaidaw ing ka, Lalpa‘n a tii.

HOSEA 1:10

Ahi’nla, Israel mipi chu tuisuagiat ah piaunêl te’ zaw gual lo leh simsên gual lo jat hi’n tiu in, a kiang un, “Ka mite la hipuau,” ti’na mun ah chun, amau kiang in, “Pathian hing chate,” ti hung hita’n au.

PHILIPPI 2:15

Khangthak gilo leh lungkawite, khawvel ah a lak ua aksi vâkte gual ah la chênnateu lak ah, Pathian cha gensiat bei leh thiangtho,