EPHESA 4:11 - PATHIAN LEKHABU THIANGTHO (BSI)

¹¹ Tichun, khenkhatte chu sawlchâk hiding in, khenkhatte chu jawlnei hiding in, khenkhatte chu Pathian thugen dingin, khenkhatte chu kochuam vâk ding leh khenkhatte chu zilsak ah pang dingin thilpiak a pechiat a;

EPHESA 4:11 Referans Kwoze

JEREMIAH 3:15

Tichun, ka lungthim gual tak pu belamchingte hun pia’ng ka tin, amau chun hetna leh hetthiamna’n hun vâk in au.

EPHESA 2:20

Khrista Jesu ngei chu a kil ah suang poimaw pen ahi’n, sawlchâkte leh jawlneite suangphûm chung ah sak la hiu hi.

2 TIMOTHI 4:5

Nang vang chingthei tak in umzing in, haksatnate thuak inla, chanchinpha gen in pang zing inla, la nasepna chu mualsua ta’n.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

EPHESA 4:8

Ziaziakchun, “Chung lam ah a chia to lai khan, matte chu sal in a pui ah, mite kiang ah chun thilpiakte a piai,” ti ahi.

EPHESA 3:5

Zia chu tu’lai ah sawlchâk thiangthote leh jawlnei thiangthote kiang ah, Thagau hiatsak ah a um gual ah hin, tu’ma lam ah khan mihing chate kiang ah hiatsak ahi ngai pua’n; zia thu chu zia hi ahi:

ROMTE 12:7

nasêm ding I hi’leh sêm mai dingin, zilsakna lam ahi’ chun zilsak mai dingin,

2 KHANGTHU 15:3

Israelte chu hun sawt tak Pathian dik tak nei lo in, amau thuhil ding thiampu leh dan nei lo in a la um tau a;

HEBRAITE 5:12

A hun ngaitua in vang zilsakpa hithei ding hialte la hitau hi; himaleh, Pathian thubul pen ah kipat hun hil ding mi la ngai zaw na lai ui; bugum nethei nailo in, nawitui ngai nalai gual la hiu hi.

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

NASEPTE 21:8

A jing in ka kipan kit ua Kaisaria ka tung tau a; zia tak ah chun, thugen sek sawlchâk Philip In ah ka lut ngal ua, ama chu upa pasagite lak ah pakhat a hia, ama kiang ah chun ka um tau a.

NASEPTE 13:1

Antiok khua kochuamte lak ah chun jawlnei leh mihilte le a pang un; ziate chu: Barnaba, Simeon, Niger le a ti sek uh kha tawh, Kurini ah um Lukia tawh, gam awptu Herod tawh seilian khawm Manaen tawh, Saul a hiu a.

THUPUAN 21:14

Khawpi kulbâng chun suangphûm kingakna sawm leh ni a nei a, ziate ah chun sawlchâk sawm leh nite min a chuang a.

JUDA 1:17

Himaleh, doitakte haw, nang un vang I Lalpa Jesu Khrista apostolte thu genlawkte kha hezing un.

1 KORINTH 12:4

Thilpiak chuam chuam a um ah, Thagau vang pakhat ahi;