EPHESA 4:1 - PATHIAN LEKHABU THIANGTHO (BSI)

¹ Chutichun, keima, Lalpa ah suangkul ngâk hin, a kona tawh kiphutawk ah um ding leh,

EPHESA 4:1 Referans Kwoze

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

PHILIPPI 1:27

Banghitaleh, la umdan uh chu Khrista chanchinpha tawh kituak sak phot tau in; ka hung ah nang uh hung mu a hem, ahiloleh, ka umlo lai ah le thagau munkhat ah la dindet dan uh leh, lungthim munkhat nei ah chanchinpha ginna la pan dan uh chanchin ka hettheina ding in.

1 THESSALONITE 2:12

a lenggam leh lopina hun kolutpa Pathian â ding ah kilawm la hi’theina ding un, hun tilkhau leh thamuan in ka hun ni la hiu.

2 PETER 1:3

Ama lopina leh phatna ah ei kopa, a chanchin het ziakin Pathian thilhitheina’n hinna leh Pathian ngaisakna lam thu ah thil zosia ei pia ta ahi.

2 TIMOTHI 1:9

Ama chun I thilhite dungzui hilo in, ama thiltup leh a hepina dungzui in ei hukhing in, kona thiangtho in ei ko a. Zia hepina chu khawvel kisiam ma ah, Khrista Jesu ah ei piak a hita’n;

1 KORINTH 4:16

Ziaziakchun, ka hun ni la hiu, ka umdan entonte hitau in.

2 THESSALONITE 1:11

chutia, suklopi leh lamdang sak a hi’theina ding ah I Pathian in nangmaule ko tâk him a hunsak theina ding leh, phat nopna zosia leh ginna nasepna zosia ah thilhitheina a hun lawtinsak theina dingin, ka hun pauchap piak zing sek uh ahi.

EPHESA 4:17

Ziaziakchun, zia hi Lalpa ah chun ka pom in ka phût la hiu: lungthim kisathei tak ah um, Jentelte gual in um ta kiu in.

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

KOLOSSA 2:6

Ziaziakchun, Khrista Jesu, Lalpa chu la la pom tâk gual un, ama ah um zing un.

1 PETER 3:9

Thil phalo chu thil phalo in leh, hosiatna chu hosiatna’n thuk kiu in, zia sâng ah chun, maljawl zawu in; zia gual ah chu maljawlna chang ding ah ko la hingal un.

2 KORINTH 6:1

Pathian hepina chu phatchuampi lo ah chang la hilona ding un, ama seppite hin in ka hun ni’ la hiu.

2 JOHAN 1:5

Tu’hin vang, numei ja’um, thu piak thak hun pia hilo in, a lim ah kipat I la neisau gual in, kihepitua chiat hitiu ti’n ka hun zik ahi.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

1 PETER 2:11

Doitakte haw, mikhual leh malzin la hiziak un, thagau dosek taksa nopnate chu haisan dingin ka hun ni la hiu.

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.

PHILIPPI 3:14

Khrista Jesu ah, van lam ah Pathian kona sâng tak kipakman chu mu dingin kung lam chu ka del ham ham ahi.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

EPHESA 4:4

Ko la hi’nau, kinepna pakhat ah ko la hi gual un, taksa pakhat leh Thagau pakhat,

EPHESA 3:1

Ziaziakchun, keima Paul, nanghaw Jentelte ziak ah Jesu Khrista ah suangkul lut hin,

GALATIA 4:12

Suapite haw, ka hun ni la hiu, keima gual in um un, keile nang uh gual in ka um sek ah, ka chung ah bangma la hi’khial puau hi.

THILSIAM THU 5:24

Enok chu Pathian tawh a kivop zing nalai un; chun, ama chu Pathian in a lâkmang tâk ziakin, a um ta puai.

HEBRAITE 3:1

Ziaziakchun, suapi thiangtho, van kona chanpite haw, I thugin ua sawlchâk leh thiampu lianpen Jesu chu ngaitua tiam un.

2 KORINTH 10:1

Kei Paul, la mit muu ah thunuaigol tak ah um ah, la lak ua ka umlo phat leh khau sek hin, Khrista jaidamna leh nunnemna’n ka don la hiu.

JEREMIAH 38:20

Jeremiah in, Zia gual chun hun bawl pua’n au, la kiang ah Lalpa thu ka gen hi ngai mai in; chutileh, nang â dingin pha’n tin, chuleh, la hinna le humbit hiding ahi.

TITA 2:10

khutthem neilo ah, ginum tak ah nasep pha latsak ding leh, ei Hukhingpa Pathian thugin chu bangkim ah a choisa’n theina ding un hil in.

KOLOSSA 4:12

Epaphras, la lak ua mi, Khrista Jesu suak hin chibai a hun bûk hi; Pathian dawi gual taphot ah, piting leh muan um tak ah la dindet theina ding un, pauchapnate’n a pang sek hi.

2 KORINTH 5:20

Pathian in keimau mang ah a hun chial ziakin, Khrista palai chu ka hitau hi; ziaziakchun, Khrista thasâng in ka hun don la hiu: Pathian tawh kicham tau in.

NASEPTE 9:31

Zia hun sung ah chun, kochuamte chu Judea, Galili, Samaria gam ah chun muang tak ah um in a det tau hi. Lalpa lau kawm in Thagau Thiangtho thamuan in a um un, a pung deu deu tau hi.

ROMTE 11:29

Pathian in a thilthawnpiak leh a kona haw chu sukbei kit thei ahi puai.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.