EPHESA 3:4 - PATHIAN LEKHABU THIANGTHO (BSI)

⁴ zia kha la sim tak ua leh, Khrista thugûk ka het dan hi hethei in lau.

EPHESA 3:4 Referans Kwoze

KOLOSSA 4:3

Chuleh, suangkul ah ka tân lawna pen, Khrista thugûk chu ka taklat ding gual ah kichian tak ah ka taklat theina ding ah,

1 KORINTH 4:1

Keimau hi Khrista nasem leh Pathian thugûk enkolte gual in ei ngai un.

2 KORINTH 11:6

Thu gen lam thiamlo maleng, hetna lam ah chun ka mawl puai; zia chu bang lam leh bangkim in la kiang un ka tâklang tau hi.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

KOLOSSA 2:2

Pathian thugûk, Khrista ngei hi hetna a hun nei ua, hetchianna lam ah hausa tak ah a hung umtheina ding un, a lungthim uh tîlkho a hiu ah; hepina a kipumkhat theina ding uh chu ka doilam tak ahi ngal a.

EPHESA 6:19

Chanchinpha thugûk chu hangsan tak ah gen ding ah ka kam ka kât ah, thu ka gen theina dingin ei pauchap piak un,

EPHESA 5:32

Zia hi thugûk lopi tak chu ahi; ahi’n, Khrista leh kochuam a kikâl te’khinna ka mat ahi.

EPHESA 1:9

Khrista ah a thiltup, a doilam dungzui ah a lunggil thugûk chu ei hiatsak ta ahi.

LUKA 8:10

Ama chun, nanghaw â ding ah Pathian gam thugûk chu het ding phal ahi’n; midangte â dingin vang tekhinthu ah gen ahi: Mu zing ngal ah, a mulo ua, hezing ngal ah, a hiatthiam lona ding un, ti in.

1 TIMOTHI 3:9

Sia leh pha hetna thiang tak ah ginna thugûk vopdet mi ahi diu ahi.

1 KORINTH 13:2

Chuleh, thugen theina nei in, thugûk zosia hethei in, tâng chawntheina khop ginna kim nei maleng, hepina ka neilo chun, bangma ka hi puai.

MATTHAI 13:11

Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

ROMTE 11:25

Suapite haw, zia thugûk hi helo ah la um ding uh ka dawi puai, dan leh nangmau ngaidan mai in kipilsak kha tawl in lau; Jentelte bukimna a hung tun masia mu theilo dingin, zia tawhbang mitthûmna chu Israel lak ah khenkhatte chung ah le a um hi.

ROMTE 16:25

Tu’hin, ka chanchinpha gen leh, Jesu Khrista puanlat ah a umna dungzui leh, khang sawt tak puandaw lo ah a la um thugûk kilatdawna dungzui ah,

EPHESA 3:3

chuleh, thugûk chu ka kiang ah hiatsak ah a um dan, tu’ma chomcha ka zik gual khan;

EPHESA 3:9

Pathian, thil zosia siampa kiang ah kumtuang ah sêl ah a la um thugûk chu, mi zosia musak dingin.

KOLOSSA 1:26

zia thugûk chu, khang tam tak leh suan tam tak sêlgûk a la hitamaleh, a mithiangthote kiang in a hun taklang tai.