EPHESA 2:7 - PATHIAN LEKHABU THIANGTHO (BSI)

⁷ Chutichun, hun hung tung kit ding ah te chun Khrista Jesu ziak ah I chung ua nunnem in, a hepina lopi hau dan te’gual lo chu ei musak theina ding in.

EPHESA 2:7 Referans Kwoze

TITA 3:4

Himaleh, Pathian, I Hukhingpau in mihingte a lungsiatna leh hepina a hung latsak nung ah hin,

2 THESSALONITE 1:12

Chutichun, I Pathian leh Lalpa Jesu Khrista hepina dungzui in, I Lalpa Jesu min chu nangmau ah suklopi ah a umtheina ding leh, nangmaule ama ah suklopi ah la umtheina ding un.

EPHESA 2:4

Ahi’n la, Pathian chun, hepina a hau dungzui ah ei la hepi ziakin;

ISAI 60:15

Nangma chu nutsia leh huat ah um in, kuama a hun limsak um talo maleu, kumtuang ah lopi tak dingin, hun bawl ing ka tin, khang tam takte kipakna pen hung hita’n la.

EPHESA 3:5

Zia chu tu’lai ah sawlchâk thiangthote leh jawlnei thiangthote kiang ah, Thagau hiatsak ah a um gual ah hin, tu’ma lam ah khan mihing chate kiang ah hiatsak ahi ngai pua’n; zia thu chu zia hi ahi:

EPHESA 3:21

suan zosia tiang in, kochuamte leh Khrista Jesu ah chun kumtuang in lopina um ta hen. Amen!

SAM 106:48

Lalpa, Israel Pathian chu, kumtuang ah kipat kumtuang tiang in pâk in um ta hen. Mi zosia’n, “Amen,” ti tau hen. Lalpa chu pâk tau in!

1 PETER 1:12

Amau â ding hilo in, nang uh â ding ah sêmgim a hiu ti hiatsak a hiu hi. Zia thute chu van ah kipat sawl Thagau Thiangtho jal ah chanchinpha hun hilte’n a hun hil tau hi; zia thilte chu vansawlchâkte’n le a het nop uh ahi.

SAM 41:13

Lalpa, Israel Pathian chu, kumtuang ah kipat kumtuang tiang in, chawihoi in um ta hen. Amen, Amen.

ROMTE 2:4

Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.