EPHESA 1:3 - PATHIAN LEKHABU THIANGTHO (BSI)

³ I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

EPHESA 1:3 Referans Kwoze

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

2 KORINTH 1:3

I Lalpau Jesu Khrista Pa, hepina Pa leh thamuanna zosia Pathian chu pâk in um ta hen.

EPHESA 2:6

Khrista Jesu ah chun ama tawh kigual in ei kaitho in, van mun ah te khin ei chutsak tai.

THILSIAM THU 22:18

Ka thu la zop ziak ah hin la suante ah kipat in khawvel chitin maljawlna piak hi’n au,” a ti’n.

EPHESA 1:20

Khrista ah a sep zaw tâk, chutia, ama mithi lak ah kipat kaitho ah, van mun ah te a chang lam ah chutsak ah;

SAM 72:19

A min lopi tak kumkhua’n pâk in um hen la; khawvel pumpi hi a lopina’n lua dim suak ta hen. Amen! Amen!

EPHESA 6:12

Taksa leh thisan ah mêlmate tawh kibuan I hi puau ah, lalnate, thuneinate leh zia khawvel thim chung ah vaihawmte tawh, van mun ah thagau gilote tawh kibuan I hizaw ngal un.

EPHESA 3:10

Chutia, Pathian pilna zosia chu van mun ah lalna leh thuneinate kiang ah, kochuamte mang ah tu’hun ah hiatsak ahi’na dingin.

GALATIA 3:9

Chutichun, ginna ah umte chu ginna nei Abraham tawh maljawl in a um khawm sek ui.

1 KHANGTHU 4:10

Jabez in Israelte Pathian min a ko ah, “Ei maljawl in la ka gamgi ei kêklet piak in; chuleh, la khut in ei umpi zing hen la, ei hi’na thei lak ah kipat in ei veng ta hen!” ti’n a don a, tichun, Pathian in a dotna chu a lawtinsak tai.

ISAI 61:9

A tu leh chateu chu, namtin lak ah minthang tak in um intiu in, a suan leh pâkteu chu, mi tin lak ah challang tak hung hita’n au; amau mu kha zosia chun, ziate hi Lalpa maljawlna dongte kha a hiu, ti he ziang thei in au.

SAM 134:3

Lalpa, lei leh van siampa chun, Zion ah kipat in hun maljawl ta hen!

JOHAN 17:21

amau hawle pumkhat ah a um theina ding un. Nang ka Pa, keima ah la um ah, keima le nangma ah ka um gual in; amau le eimau ah a um ua, khawvel in keima hi nang ei sawl ka hi ti a ginchâk theina ding un.

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

EPHESA 1:17

I Lalpau Jesu Khrista Pathian, lopina Pa chu, ama hetna lam thu ah, pilna leh hiatsakna thagau a piak theina dingin.

2 KORINTH 11:31

Lalpa Jesu Pathian leh Pa, (kumtuang in ama chu pâk in um zing hen!,) ama ah chun zuau ka gen puai.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

THILSIAM THU 14:20

chuleh, El Elyon chu pakchat in um ta hen, la gâlte la khut ah hun pepa chu,” a tia. Tichun, Abram in ama chu, gâllâk van zosia lak ah kipat in a sawm ah khat a pia tai.

1 KORINTH 12:12

Taksa hi pumkhat ahi’n, bâk tam tak a nei hi; a bâkte chu tam maleh taksa pumkhat ahi; Khrista chu zia gual chu ahi.

ROMTE 12:5

zia gual ah chun eihaw hile Khrista ah taksa pumkhat ah um in, I chang chiat un, bâkte lak ah pang I hi chiat ui.

DANIAL 4:34

A hunte chu a bei phatin, keima, Nebukadnezar in van lam ka etto ah, ngaituana pangai ka hun nei kit phatin; Hat Chungnung chu ka pâkcha tai. Ama kumtuang ah hingzingpa chu pâk in ka chawihoi ta’n: A lalna’n kumtuang a dai in, a lenggam in khang zosia a dai hi;

EPHESA 1:10

Zia a doilam lunggil chu, hunbî a hung tun phat leh, thil zosia: Van ah umte leh lei chung ah umte chu, Khrista ah gawm khawm in, suktua sik sek ding ti hi ahi.

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

ROMTE 15:6

I Lalpa Jesu Khrista Pa ngei Pathian chu lungthim munkhat leh kithu gual ah la hun suklopi theina ding un.

NEHEMIAH 9:5

Ziaphatchun, Levite, Jeshua, Kadmiel, Bani, Hashabneiah, Sherebiah, Hodiah, Shebaniah leh Pethahiah te chun, “Ding unla, Lalpa I Pathian uh chu kumtuang ah kipat kumtuang in pakcha tau in. Lalpa, la min lopi tak chu, maljawlna leh pâkna zosia chung ah choisa’n in um ta hen,” a hun ti tau a.

HEBRAITE 8:5

Mosi’n biakbûk a sak dingin Pathian in ahi ding dan a hil a, “Tâng ah ka hun etsak dungzui khan pha tak in en inla, bangkim zia gual tak ah khan bawl in,” a ti gual in; amau chun van lam thil etsakna a lim a la bawl ahi.

PHILIPPI 2:11

leh Lei zosia’n Pa Pathian lopina ding ah, Jesu Khrista chu Lalpa ahi, ti a puanna ding un.

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

HEBRAITE 9:23

Ziaziakchun, van ah thil umte chu ziate ah chun sukthian ding him a hi; van thil tak takte ahileh vang ziate sâng ah kithoina phazaw ah sukthiantho in a um diu ahi.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

JOHAN 14:20

Ziaphat chuleh, nang un keima Pa ah ka um leh, nangmau ah kei um ka hi’dante hi hun hechian ta’n lau.

LUKA 2:28

ama chun a la pâi a, Pathian a pâk a,

2 KHANGTHU 31:8

Hezekiah tawh a miliante chun a hung mu phât un, Lalpa leh Israel mipite chu a maljawl tau a.