DANIAL 8:5 - PATHIAN LEKHABU THIANGTHO (BSI)

⁵ Ka ngaitua zing lai in, tumlam ah kipat in kêlchal pakhat, khawvel pumpi hun paltheng ah, lei tual le chuan kha man lo ah kin tak ah hung pawtdok ka mu’n. Zia kêlchal chun a mit teni kikâl in kî pakhat a nei a.

DANIAL 8:5 Referans Kwoze

DANIAL 8:21

Kêlchal chu Grik lengpa ahi’n, a mit teni kikâl ah kilang tak ah a kî hung dawndok chu a leng masa pen uh ahi.

DANIAL 11:3

Ziaphat chuleh, gâlhat tak lal khat hung dingdok ta’n tin, ama chun lenggam lian tak chung ah vaihawm in, a nop dan dan in bangkim bawl ta’n a.

DANIAL 8:8

Ziaphatchun, kêlchal chu a hung khanglian ah; himaleh, a thahât lai tak in a kî challang tak chu a hung bong ta’n; chuleh, a kî umna chun kî kilang tak mai pali, van ah hui palite lam ngat in a hung pawtdok kit tau a.

DANIAL 7:6

Ziazaw chun, ka et zing leh a dang pakhat, gialbem tawhbang khat a hung pawtdok a. Zia gamsa chun a nungjang ah vacha thâ gual thâ pali tawh luchang pali a nei ah; chuleh, a kiang in lalna piak in a um a.

DANIAL 2:39

La nung hin nangma sâng ah thupilo zaw lenggam khat hung dingdok kit intin; ahi’n, lenggam pathumna lei chung zosia ah vaihawm ding, sum-eng lenggam chule hung um ding ahi.

DANIAL 2:32

Zia milim luchang chu sana thiang ahi’n, a awm leh a bânte chu dangka thîk ahi’n; a pum leh a malpite chu sum-eng ahi’n,

DANIAL 8:6

Lui pang ah belamchal pakhat, kî pani nei ka mu chu a hun zuan a; tichun, a hat theitawp in a hun del ta’n.