DANIAL 7:4 - PATHIAN LEKHABU THIANGTHO (BSI)

⁴ A masa pen chu sakeibaknei mêlpu, mupi thâ gual a nei in. Ka et zing lai in, a thâte chu baw thâk in a hung um ah; chuleh, lei tual ah kipat dopdaw in a um ah, mihing gual in a keng pani’n dinsak in a um tai; chuleh, a kiang in mihing ngaituana lungthim piak in a um tai.

DANIAL 7:4 Referans Kwoze

JEREMIAH 4:7

La gam uh subuai ding leh, la khawpiteu kuama chêng talo ding ah, susia dim dem dingin, namtin hise ding sakeibaknei chu, nângbuk ah kipat in a hung pawtdok in, a umna’ kipat in a hung kipandok tai.

EZEKIEL 17:3

A kiang un: Lalpa Pathian in zia gual hin a gen hi: Mupi lian tak, a tha pawl bem bum, lian tak ah jak pal pakhat, Lebanon tâng ah Sidar thing lêk in a chu’n,

MATTHAI 24:28

Sapul umna taphot ah mulukolle um khawm in au, a tia.

DANIAL 4:36

Ziaphatchun, ngaituana pangai ka hun nei kit tai; tichun, ka lenggam lopina dingin, ka lopina leh ka thupi’na zosia chu piak kit in ka hung um tai. Ka thudot sekte leh ka milian milalte chun ei hung hawldok tau a; tichun, ka lenggam chung ah tundin kit in ka hung um a, lopina thupi zaw sêm piakbe in ka um tai.

EZEKIEL 28:9

A hun thatte kiang leh, a hun hi’liamte kiang in pathian hilopi, mihing thi thei hi’ngal in, “Pathian ka hi,” la ti tei tei nalai diam?

EZEKIEL 28:2

Tura lengpa kiang in, Lalpa Pathian in zia gual hin a gen hi, va ti’n: La lungthim in la kiletsak ah, “Pathian ka hi, pathiante chutna tuisuagiat lilai ah kichu ka hi,” la ti hen; pathian lungthim tawh kibang nei in kikoi malechin le, pathian hilo in mihing, a thi thei mai mai la hi nalai hi.

KÂ LATE 4:19

Ei delzuite hi van ah mupi sâng in, a chan-gang zawu ah; tâng ah chun ei delzui un, gamthip ah ei la chângguu a.

JEREMIAH 48:40

Lalpa‘n zia gual hin a gen a: En un, mupi gual in hun baw suk intin, a tha chu Moab do in hun jak pal in a;

JEREMIAH 25:38

Sakeibaknei gual in a kua a hun nusia ta’n, a chemjam huhamna leh a hachang thakna huaisia tak ziakin, a gam uh chu a sia zo tai.

JEREMIAH 4:13

En un! Sûmpi gual in a hung kuandok hi, a sakol kângtalaiteu chule chîmpei a bang hi; a sakolteu chule mupi sâng in, a chan-gang zaw’n, I chung uh a gik na e! Suksiat I hi ta’ngal un.

SAM 9:20

Aw Lalpa, amau chu hilau in; namtin in mihing bep a hiu ti kihe tau hen.

JOB LEKHABU 25:6

mihing, lungno tawhbang bep, mihing, tangtêl tawhbang bep hi, bangti’n thiang sathei ding a hem? ti in.

2 SAMUEL 1:23

Saul leh Jonathan chu a ngai um un a doi um nau e! Hin inle, thi inle a kikhen puau hi; mupi sâng in a chan-gang zawu ah, sakeibakneite sâng in a hatzawu hi.

DAN LEKHABU 28:49

Nangmau hun do ah, mupi’n a lâk gual ah hun ladok dingin, gamla tak, kawlkawdong lam pek ah mite, a pau uh la het ngai loteu Lalpa‘n hun sawl intin,

THUPUAN 13:2

Zia sahâng ka mu chu gialbem gual mêlpu a hia, a keng chu savom keng gual a hia, a kam chu sakeibaknei kam gual ahi. Dragon chun, a lalchutpha leh a thilhitheina, chuleh thuneina le a pia’n.

DANIAL 7:5

Gam sahâng dang khat, a pani’na chu savom tawhbang a hi’n. A nung lam keng ah dingin, a hâ te kikâl in hapi pathum a um a; chuleh, a kiang in, “Tho inla, mi tam takte taksa vane zo in,” a tiu a.

JEREMIAH 49:19

Jordan lui gâl nângbuk lak ah, sakeibaknei hung pawtdok in gantatna mun a hun zot gual in, Edomte chu phutlo halo in hun delmang ing ka tin; a chung ua vaihawm ding ah ka doitêl taphot hun guat ding ka hi. Kei tawhbang kua a hem um? Kua a hem ei ko ngam? Kua belampu a hem ei lang ngam um?

DANIAL 2:38

khawi ah chêng hitaleh mihingte, gamlak ah gamsa chi tinte leh chunglêng vachate zosia chung ah vaihawmtu hiding in lal in a hun koi a: a luchang sana chu nangma la hi.

DANIAL 7:12

Sahâng dangte chu, a lalnau lâk mang in a um un, a hinnau vang hun khat leh a kim khat â ding ah hisau a hiu.