DANIAL 7:2 - PATHIAN LEKHABU THIANGTHO (BSI)

² Keima Danial in, ka gaulam ah jan ah ka thil mu’lawk ah chun, van ah hui palite hung nung in, tuisuagiat lian tak chu a hun mût nawk zung zung a;

DANIAL 7:2 Referans Kwoze

THUPUAN 7:1

Ziazaw chun, khawmual leh tuisuagiat leh thing chung ah te, hui a hân lona ding in, lei ah hui kot palite chu khak bing dingin vansawlchâk pali ding ka mu.

THUPUAN 17:15

Chun, ama chun ka kiang in, “Nawchizuaknu chutna tui la mute chu mitinte, chitinte, namtinte leh pautinte chu a hiu a.

MATTHAI 24:31

Pengkul gi nasa tak tawh, a vansawlchâkte hun sawldok intin, kawl kil li ah kipat, van tawp langkhat lam ah kipat a langkhat lam tiang in, a mi têlchuamte chu hun lakhawm in au.

JEREMIAH 49:36

kawlkil li’ kipat hui palite chu Elam chung ah hun nunsak ding ka hi; tichun, zia hui palite lak ah chun thejak ing ka tin; Elamte jam lona gam him him um ta pua’n a.

DANIAL 2:19

Ziaphatchun, jan mang in Danial kiang ah zia thugûk chu hiatsak in a um ta’n; tichun, Danial in van Pathian chu a chawihoi tai.

DANIAL 7:7

Zia nung chun, gaulam ah jan ah ka thil mu’lawk lak ah gamsa, a pali’na chu ka mu ta’n; tizat um, lau um tak leh hât mêl pu ma ma khat ahi. Thîk hâ lianpi a nei ah, a nêk tâk chu a thainêl ah, a nêkbang cheng a chuanchil tai. A masang ah gam sahâng dangte kha tawh a kibang pua’n, kî le sawmkhat a nei hi.

DANIAL 7:13

Jan ah kilâkna ka et zing lai in, van sûmpi lak ah mihing mêlpu pakhat ka vak mu’n. Tuan ah tâng ah mi kiang lam a zuan in, a ma-âng in a pui lût tau a.

DANIAL 8:2

Mu’lawkna ka thil mu chu ka et leh, Elam gam khawpi Susa ah Ulai lui pang ah um in ka la kimu’n.

DANIAL 8:8

Ziaphatchun, kêlchal chu a hung khanglian ah; himaleh, a thahât lai tak in a kî challang tak chu a hung bong ta’n; chuleh, a kî umna chun kî kilang tak mai pali, van ah hui palite lam ngat in a hung pawtdok kit tau a.

DANIAL 11:4

Himaleh, a thilhitheina a pun zing lai in, a lenggam kek jak intin, a suan leh pâkte kiang ah hilo, a thuneina a vaihawm dan le hi diak lo in, van hui palite lak ah hop jak in um ta’n ah; a lenggam chu bawdaw ah um in, ziate bep hilo midangte kiang ah piak hita’n a.

ZEKARIAH 6:5

Vansawlchâk chun, “Ziate hi van ah huipi pali lei chung pumpi Lalpa âng ah a vakilâk zaw phat ua leh van ah hui pali hung pawtdok dingte chu a hiu.

ISAI 17:12

Katei, mipi tam tak tuisuagiat gi gual in, a so veng vung ui! Katei, namtin kitum in, tuisânglet husa gual in a kitum ui!

JEREMIAH 51:42

Tuisuagiat in Babulon chu a chûm ta’n, tui nasa tak ah kinawk chun a chûm tai.