DANIAL 4:1 - PATHIAN LEKHABU THIANGTHO (BSI)

¹ Lengpa Nebukadnezar in khawvel pumpi ah mi zosia, nam zosia leh pau zosia kiang in: Nasa tak ah maljawl in um tau in!

DANIAL 4:1 Referans Kwoze

DANIAL 6:25

Ziaphatchun, Lengpa Darius in, khawvel pumpi mi zosia, nam zosia leh pau zosiate kiang in lekha a zik ta’n: La lak un vangphatna sukpun in um ta hen!

1 PETER 1:2

thu mang ding leh, Jesu Khrista thisan thêkhum ding ah Thagau in a sukthian, Pa Pathian hetlawk gual ah têlte kiang ah, la chung un hepina leh chamna um ta hen.

DANIAL 3:4

tângsam pa chu ngai tak in a hung kiko ah, “Aw mitin, namtin leh pau tinte haw,

EPHESA 1:2

I Pau Pathian leh Lalpa Jesu Khrista ah kipat hepina leh chamna um ta hen.

DANIAL 3:29

Ziaziakchun, thupiak ka bawl tai: mitin, namtin leh pautin lak ah kipat Sadrak, Meshak leh Abednego Pathian gensia thugen taphot chu sât tel in um hen la, a In uh le suksiat ding ahi; zia gual ah hukdok thei pathian dang him him a um paw’ngal in,” ti’n a gen tai.

EZRA 4:17

Lengpa’n a dawnhuna zia gual hin a thot ah: “Gam awppa Rehum leh lekha zikpa Shimshai leh a lawiteu, Samaria gam leh Luipi Gâl langkhat lam ah chêng zosia chibai!

1 KHANGTHU 12:18

Ziaphatchun, Sawmthumte lak ah hotu Amasai chu thagau in a hun thuam ah, zia gual hin a hun gen tai: “Aw David, nang â ka hiu hi; Aw Jesse chapa, nang lam ah pang ka hiu! La chung ah thamuanna, thamuanna tung ta hen la, nang hun panpite chung inle thamuanna tung ta hen! La Pathian chu a hun panpipa ahi ngâl a,” ti in.

1 TIMOTHI 1:2

ginna ka chapa Timothi kiang ah: I pau Pathian leh Khrista Jesu I Lalpau kiang ah kipat hepina leh jangaina leh chamna um ta hen.

ROMTE 1:7

Rom khua Pathian doichuam tak, mithiangthote hiding ah ko zosiate kiang a chun: Pathian, I Pau leh Lalpa Jesu Khrista kiang ah kipat hepina leh chamna la kiang un um ta hen.

NASEPTE 2:6

Zia husa ziak ah chun mipi a hung khawm tau ah, a thugen uh chu mitin chun amau pau chiat ah a het ziak un, a lungkham ma ma tau a.

ZEKARIAH 8:23

Sepai honte Lalpa chun zia gual hin a gen hi: Ziaphat chuleh, chitin leh pautin ah kipat pawsal sawmkhat jel in Judah mi pakhat a puanchual ah man in, “Hun zui ing kau, Pathian in a hun umpi hi ti ka he ngal un hun ti ta’n au,” ti hi.

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

DANIAL 6:27

Ama’n hukdok in a humbit ah, lei leh van ah tepte’na leh thilmakte a bawl ah; sakeibaknei thilhitheina kipat in Danial a hukdok ta’ngal ah, a ti tai.

ESTHER 8:9

Lengpa lekha zikte chu zia hun ma ma ah, Sivan, tha thumna, a ni sawmni leh thum ni’ chun a ko khawm tau a; Mordekai thupiak dungzui in Judate kiang leh, hotu liante leh, India ah kipat Ethiopia tiang huap ah gambung za sawmni leh sagite ah gam awpte leh lamkaite kiang ah thot dingin lekha chu a zik tau a; gambung tinte â ding in amau lekhamal leh amau pau chiat in, Judate â dinginle amau lekhamal leh a pau un a zik tau a.

ESTHER 3:12

Tichun, tha khatna, a ni sawm leh thum ni chun, lengpa lekhazik ah pangte chu ko khawm in, Haman in a dawi dan tak in, vaipawte, gambung tin leh nam tin lakah hotute kiang chiat ah thot dingin, thupiak chu gambung tin ah nam tin amau lekhamal leh a pau chiat un, Lengpa Ahasueras min ah zik in, lengpa min namna khutsebi ah namdet in a um tai.

EZRA 5:7

Zia gual hin lekha chu zik in, thil um dan a hil tau hi: Lengpa Darius kiang ah thamuanna um ta hen!