DANIAL 3:6 - PATHIAN LEKHABU THIANGTHO (BSI)

⁶ Kua hileh, bokkhup ah, be nuam lo taphot chu kin tak ah tum meipi sung ah se’lût ngal ding ahi,” a hun tia.

DANIAL 3:6 Referans Kwoze

MATTHAI 13:50

Haltuina mei ah chun pai intiu in, zia tak ah chun kâ leh hagial chu um ta’n a, a tia.

MATTHAI 13:42

hâltuina mei ah pai in au; zia tak ah chun kâ leh hagial um ta’n a.

JEREMIAH 29:22

A chung ua thil tung ziak tak ah chun, Judai gam ah kipat Babulon lam ah saltângte lak in, “Babulon lengpa chun Zedekiah tawh Ahab mei ah a em gual khan hun bawl ta hen,” ti hi hânsialaw’na paukam in hun mang ta’n au.

DANIAL 3:15

Tu’hin, a la kiging unla, pengkulte, lilute, tingtangte, gawsemte, nawtgitte, tumgit pêng ni neite leh thil githei chitinte git la het phat ua leh, bokkhup unla, ka milim siam hi bia un; chutileh, bangkim pha mai ding ahi. Ahi’n la, la biak nop lo uh leh vang, meipi kuang sung ah kin tak ah selut ziang ding la hiu, ka khut ah kipat nang uh hukdok thei ding pathian chu kua a hem?” ti’n a gen a.

DANIAL 3:11

chuleh, kuale bokkhup ah ho lo taphot chu, meipi kuang sung ah se’lût ngal ding ahi, ti in.

THUPUAN 14:11

Amau a sukgentheinau meikhu chu kumtuang in khu to intin, sahâng leh a lim bia ah, a min tepte’na neite kha sûn leh jan ah chawldam ta pua’n au,” ti in.

THUPUAN 9:2

ama chun, leikawkhuk tawp neilo chu a hon leh, a khûk hawm ah kipat chun meikhu, haltuina mei nasa tak khû gual in a khudok luai luai a; meikhu ziak ah chun van leh nisa chu a hung thim tai.

MARKA 6:27

ama vêngte lak ah sepai pakhat chu Johan luchang vala dingin a sawl a. Ama chule a chia ah, suangkul ah um chu a lu a vatan piak a,

MATTHAI 4:9

A kiang in, “Ka ma hin bokkhup in chibai bûk in ei ho inla, zia zosia hi pia sik sek ing ka,” a tia.

DANIAL 6:7

Gam zosia chung ah vaihawmte, gambung tin ah vaihawmte, danthiam mi zosia leh thudot mite zosia hin, lengpa’n thupuan khat bawl hen la, khau tak in mi a zui leh a zui lo hetchian hihen la; tichun, kuale nangma, Aw lengpa, ni sawmthum sung nangma hun ho lo ah mihing a hem, pathian a hem, a dang khat ho taphot chu sakeibaknei kul sung ah pai lut ziang ding hi hen.

DANIAL 3:21

Tichun, zia mite chu a puanâkchual uh tawh, a tawka chual uh tawh, a lukhuk uh tawh, a kithuamnau dang zosia pum ah nungkale kân in, meipi kuang lak ah chun a sep lut tau a.

DANIAL 2:5

Lengpa chun Kaldaite kiang ah chun, “Zia hi mipi zosia het ah ka thupuan ahi: Ka mang leh a hilchetna lei hil theilo ua leh, sât tel in um in la tiu in, la In uh le suksiat sik sek hi’n a.

ISAI 44:17

A thing dang cheng chu pathian in a siam ah, a milim siam ma-âng ah bokkhup in a ho ta’n; a kiang in a pauchap a, “Ei hukdam in, nang ka pathian la hi’ngal a,” a ti’n.

PAWTDAWNA THU 20:5

Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.

THILSIAM THU 19:28

Sodom leh Gomorrah lam leh phâicham gam zosia chu a vak thîl ah; chuleh, zia gam ah meikhu chu hâltuina meikhu gual in a kitung to vung vung ziang tai.

DANIAL 3:7

Ziaziakchun, mipite zosia’n pengkulte, lilute, tingtangte, gawsemte, nawtgitte leh thil githei chitin git a het phat un, mitin, namtin leh pautin ah mite chu Lengpa Nebukadnezar milim siam ma-âng ah bokkhup in, a ho chiat tau a.

DANIAL 5:19

Zia gual ah lopina a piak ziak ah chun, mi zosia, nam zosia leh pau zosia’n, ama chu lau in a kithing sek ui. Ama’n a nop nop hawi in, a ja’bawl nopte chu ja’na a pia’n, a koi niam nopte chu a koi niam ngal hi.