DANIAL 3:5 - PATHIAN LEKHABU THIANGTHO (BSI)

⁵ pengkul, lilu, tingtang, gawsem, nawt git leh tumgit pêng ni neite leh thil githei chitin git la het phat ua leh, Lengpa Nebukadnezar milim siam ma-âng ah la bawkhup chiat ua, la biak diu ahi.

DANIAL 3:5 Referans Kwoze

DANIAL 3:15

Tu’hin, a la kiging unla, pengkulte, lilute, tingtangte, gawsemte, nawtgitte, tumgit pêng ni neite leh thil githei chitinte git la het phat ua leh, bokkhup unla, ka milim siam hi bia un; chutileh, bangkim pha mai ding ahi. Ahi’n la, la biak nop lo uh leh vang, meipi kuang sung ah kin tak ah selut ziang ding la hiu, ka khut ah kipat nang uh hukdok thei ding pathian chu kua a hem?” ti’n a gen a.

DANIAL 3:10

Aw lengpa, nangma’n thu la pia’n, mi zosia’n pengkulte, lilute, tingtangte, gawsemte, nawtgitte, tumgit pêng ni neite leh, thil githei chitin a het phat phat uh leh, tual ah bokkhup in, sana milim a ho chiat ding uh ahi;

DANIAL 3:7

Ziaziakchun, mipite zosia’n pengkulte, lilute, tingtangte, gawsemte, nawtgitte leh thil githei chitin git a het phat un, mitin, namtin leh pautin ah mite chu Lengpa Nebukadnezar milim siam ma-âng ah bokkhup in, a ho chiat tau a.

DANIAL 2:46

Ziaphatchun, Lengpa Nebukadnezar chun a mâi ah lei tual si’n, Danial chu chibai a bûk ta’n; chuleh, thâi thillat leh gimtui a kiang ah lân dingin thu a pia tai.

SAM 115:4

A milimteu chu dangka leh sana, mihing khutsuak ngen ahi.