DANIAL 2:6 - PATHIAN LEKHABU THIANGTHO (BSI)

⁶ Himaleh, ka mang leh a hilchetna lei hil thei uh chun, thilpiak leh kipakman leh choihoina thupi tak hun pia ding ka hi. Ziaziakchun, mang chu a hilchetna tawh ei hil un,” ti’n a dawnhu ta’n.

DANIAL 2:6 Referans Kwoze

DANIAL 5:7

Dawithiamte, Kaldaite leh âisân thiamte hun ko dingin a kikojak ta’n; chun, Babulon ah mipilte kiang ah chun lengpa’n: “Kuale zia lekha kizik hi sim ah, ei hilchian piak thei taphot chu, puansandup silsak ah, a ngawng ah sana khi awsak hi’ntin; chuleh, ka lenggam ah vaihawm a pathumna pansak ding ka hi,” ti’n a gen a.

DANIAL 2:48

Tichun, lengpa chun Danial chu a koisâng ta’n, thilpiak thupi tak tak le a pia’n, Babulon lenggam zosia chung ah vaihawm ding leh, Babulon mipilte zosia chung ah thunei in a koi tai.

DANIAL 5:29

Ziaphat chun, Belshazzar in Danial chu puan sandup silsak in, sana khi hun awsak un ti’n thu a pia; chuleh, a gam sung ah vaihawm liante lak ah a pathumna pang dinginle thupuan a bawl tai.

KISIMNA LEKHABU 24:11

Tu’hin, kichia mang ta’n! La In lam ah chia ta’n! ‘Kipakman tam tak hun pia’ng ka,’ ka ti hen; himaleh, Lalpa‘n kipakman ka hun piak ding a zanuam puai,” a tia.

KISIMNA LEKHABU 22:37

Balak in Balaam kiang in, “Nang hung ko ding ah mi ka hun sawl hilo a hem? Bang ding ah hung ziang lo la hem? Kipak man hun petam zo ding ah lei gingcha pua a hem?” a tia.

KISIMNA LEKHABU 22:17

kipak man tam tak hun pia ding ka hi; ka kiang ah la gen taphot chu bang hilehle hun bawl piak mai ding ka hi; a bang hileh hung inla, zia mite hi hânsia hung lawkhum phot mai in,’ a ti ahi,” ti’n a hung gen tau a.

KISIMNA LEKHABU 22:7

Tichun, Moab upate tawh Midian upate chu a khut ua âisân man ding chawi in a pawt tau a; chuleh, Balaam kiang a hung tun phat un, Balak thugente chu a hil tau a.