DANIAL 11:2 - PATHIAN LEKHABU THIANGTHO (BSI)

² Tu’hin, la kiang ah thudik hil ta’ng ka. Persia lenggam ah Leng dang pathum hung dingdok nalai in au. A lak ua a pali’na chu a dang cheng sâng in hausa zaw’n tin, a hausakna ziak ah hi’hat a hizaw phat leh, Grik lenggam do dingin mi zosia hun choktho in a.

DANIAL 11:2 Referans Kwoze

THUPUAN 21:5

Lalchutpha chung ah kichu chun, “En un, bangkim ka siamthak tai,” a tia. Chun, ka kiang in, “Zik in, zia thute hi a dik in a ginum hi,” a tia.

DANIAL 8:26

Nitâk lam leh jingkal lam thu, mu’lawkna la kiang ah hun kihil hi a dik ahi. Ahi’n la, ni tam tak nung lam ah thil hung um ding kigenna ahi ziakin, nang in vang la thil mu hi îmchak phot mai in, a hun ti tai.

JOHAN 10:35

Pathian thu hung tunnate bep bawn, ‘pathiante’ a ti leh, zia Pathian Lekha thu chu sukkek thei a hipua’n,

AMOS 3:7

A dik tak in Lalpa Pathian in a suak, jawlneite kiang ah thugûk hil masa lo in, bangma a bawl ngai puai.

DANIAL 11:25

Sepai tam tak tawh simlam lal do dingin a thilhitheina leh a hânsanna chu choktho intin; simlam lal chunle sepai nasa tak ah tam zaw mang in hun do ta’n a. Himaleh, lengpa annete ma ma’n a siatna ding a gûk ah a ngaitua ziak un lawting diak pua’n a.

DANIAL 8:4

Zia belamchal chun tumlam, mallam leh simlam vaksi’n ka mu’n. Gam sahângte lak ah khat chan le a lang zo puau hi; ama ah kipat hukdok thei le a um puau hi; a nop dan dan in a bawl ah, a hung hât ma ma tai.

DANIAL 7:5

Gam sahâng dang khat, a pani’na chu savom tawhbang a hi’n. A nung lam keng ah dingin, a hâ te kikâl in hapi pathum a um a; chuleh, a kiang in, “Tho inla, mi tam takte taksa vane zo in,” a tiu a.

THUPILTE 22:21

thu dik leh kingakna tâk thu chu hun etsak ding leh, a hun sawltute dawnhuna dik tak la piak theina ding ah ka zikdaw piaksa hilo a hem?

DANIAL 10:1

Persia Lengpa Kuras a lal kum thumna’n, Danial, Belteshazzar a tiu kiang in thu khat taklat in a hung um a. Zia chu thudik tak, kidona nasa tak hung um ding thu ahi. Mulawkna thute hiatthiamna neisa ahi ziakin, zia thu chu a hechian ma ma ziang hi.

DANIAL 8:21

Kêlchal chu Grik lengpa ahi’n, a mit teni kikâl ah kilang tak ah a kî hung dawndok chu a leng masa pen uh ahi.

EZRA 4:7

Chuleh, Artaxerxes lal lai in, Bishlam, Mithredath, Tabeel leh a lawite zosia’n Persia Lengpa Artaxerxes kiang in lekha a zik un; zia lekha chu Aramaik pau ah a zik uh kiletdok ahi.

EZRA 4:24

Zia kipat chun Jerusalem ah Pathian Insakna chu Persia Lengpa Darius lal hun kum ni’na tiang hial in cholsan ahi tai.

ESTHER 1:1

Ahasueras, India gam ah kipat Ethiopia tiang ah gambung za sawmni leh sagi chung ah vaihawmpa, zia Ahasueras ma ma lal lai ah chun zia gual hi a hung tung a.