DANIAL 1:4 - PATHIAN LEKHABU THIANGTHO (BSI)

⁴ Israel tangval mêlpha leh pian bukim, pilna lam zosia ah thiam, hetthiamna leh lungthim pil, lengpa Inpi ah nasêm thei ding bang jat a hem hun têldok ah, Kaldaite lekha leh pau zilsak dingin thu a pia.

DANIAL 1:4 Referans Kwoze

DANIAL 5:11

La lenggam sung ah hin pathian thiangthote thagau chênna mi pakhat a um hi. La pa dam lai ah khan, ama chun pathiante gual ah thil kisêlgu hiattheina, hetdik theina leh pilna a nei hi. La pa Nebukadnezar in ama chu mitvaidawi thiamte, âisân thiamte, Kaldaite leh dawithiamte zosia chung ah hotu’n a la siam a;

NASEPTE 7:22

Tichun, Mosi chu Aigupta pilna zosia zilsak a hung hi’zaw phatin, thugen leh nasep ah thilhithei tak a hung hi tai.

THUPILTE 22:29

Mi khutthiam taima la mu kha em? Ama chun lengte na sep piak intiu in, mi vantângte na sêm ngai pua’n au.

2 SAMUEL 14:25

Zia lai ah chun, mêlphat lam ah gen phat dingin Israelte zosia lak in Absalom gual khop ah mêlpha a um puau ah; a kengpek ah kipat a lujang tiang ah demna ding neuchâle umlo ahi.

DANIAL 2:10

Kaldaite chun lengpa kiang in, “Lengpa thildot hedok thei ding khawvel ah mihing khat le um pua’n a! A dik tak in, bang gual ah lal leh thunei inle, dawithiamte leh âisân thiamte leh Kaldaite chu zia gual chun a dong kha ngai puau.

NASEPTE 7:20

Zia hun lai ah chun Mosi a hung piang ah; ama chu Pathian mit mu in a mêlpha ma ma ah. A pa Insung ah chun tha thum etkol in a um a;

DANIAL 5:7

Dawithiamte, Kaldaite leh âisân thiamte hun ko dingin a kikojak ta’n; chun, Babulon ah mipilte kiang ah chun lengpa’n: “Kuale zia lekha kizik hi sim ah, ei hilchian piak thei taphot chu, puansandup silsak ah, a ngawng ah sana khi awsak hi’ntin; chuleh, ka lenggam ah vaihawm a pathumna pansak ding ka hi,” ti’n a gen a.

DANIAL 4:7

Tichun, mitvaidawi thiamte, Kaldaite leh âisân thiamte chu a hung khawm un, ka mang chu a kiang un ka hil ah; himaleh, a hilchian thei a um puau hi.

THUGENTU 7:19

Khawpi sung ah vaihawmtu mi sawmkhat sâng in, pilna chun mipil chu a hi’hat zawi.

VAIHAWMTE 8:18

Ziazaw chun, Zebah leh Zalmunna kiang in, “Tabor tâng ah la mi tha’teu kha bang gual mi a hiu em?” ti’n a dong ah. Amau inle, “Nangma gual in, a bawn un leng chapa gual ngen a hiu,” ti’n a dawnhuu a.

EPHESA 5:27

a kochuam chu mêlhêmna bei leh thiangtho tak ah, ama â ding ah mêlpha leh gun tak ah a umtheina ding un a kipumpiak tangal a.

DANIAL 3:8

Zia hun ah chun Kaldai mite lak ah khenkhat hung pawtdok in, Judate chu a hung hêk tau a.

DANIAL 2:2

Tichun, lengpa chun mitvaidawi thiamte, âisân thiamte, dawithiamte leh Kaldai mipilte chu lengpa mang hilchian dingin a ko khawmsak tai. A hung phat un, lengpa kiang in a hung ding tau a;

ISAI 36:11

Ziaphatchun, Eliakim, Shebna leh Joah chun Rabshakeh kiang in: “Lungsiat tak in la suakte kiang ah hin Aramaic pau in thu gen in, zia chu ka hethei ngâl un; kulbâng chung ah mite hetthei ding Hebrai pau in vang thu gen kin,” a tiu a.

JEREMIAH 5:15

Aw Israel, gamla tak ah namte chu, nangma do dingin hun pui ding ka hi, Lalpa‘n a tii. Nam sekdo tak, kumlui tak leh, a pau uh la het ngailoteu leh, a gen uh la hiatthei lo teu a hiu.

DANIAL 9:1

Ahasueras chapa Darius, Mede mi chu Kaldaite gam zosia chung ah leng ah a hung pan,

ZEKARIAH 2:4

a kiang in, “Tai inla, zia tangval kiang ah sawn, Jerusalem chu a sung ah mihing leh gancha a tam bêk ziakin, khawneu kulbâng bei gual mai ah lua dim ah hung um ding ahi, ti vagen in.

THILSIAM THU 41:46

Aigupta lengpa nasem ding ah a lût kum ah chun Joseph chu kum sawmthum mi ahi ta’n. Chuleh, Joseph chu Pharaoh ma-âng ah kipat in a pawtdok ah, Aigupta gam chu a chuan suak tai.