AMOS 8:8 - PATHIAN LEKHABU THIANGTHO (BSI)

⁸ Zia thil ziak ah chun gam hi kithing lo ah, a sung ah chêng zosia’n a sûn lo ah, a leng ua Nail luipi gual ah khang ah, Aigupta gam ah Nail luipi gual ah kinawk vêl ah, kiam lo ah um thei ding a hem?

AMOS 8:8 Referans Kwoze

AMOS 9:5

Lalpa, sepai honte Pathian chun, lei a suk khâk leh a tuitha zo in, a sung ah chêng zosia’n a sûn un, Nail luipi gual in a khansak a, Aigupta ah Nail luipi gual in a kiamsak hi;

HOSEA 4:3

Ziaziakchun, gam chun a sûn in, a sung ah chêng zosiate chule a thavai zo tau hi. Gamsate, chunglêng vachate leh, tuisuagiat ah sanga zosia pum in mangthai ta’n au.

JEREMIAH 46:8

Aigupta chu Nail luipi gual in a hung khang in, a luikam dimlêt gual in a hung lian hi. Amau chun, Hung kipan ing ka tin, khawvel hi chûm suak ing ka tin, khawpite leh a sung ah chêngte chu, susia dik dek ing ka, a tii.

SAM 18:7

Ziaphatchun, lei hi a kilîng in a kihot dup dup tai; a lungnat ziakin tângte chule, a kingakna pum in a kilok in, a puakjak tai.

ISAI 5:25

Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

MATTHAI 24:30

Zia tak chuleh, Mihing Chapa tepte’na chu van ah hung kilang intin, lei ah nam zosiate chun hun sûn intiu in, Mihing Chapa chu a lopina tawh, a thilhitheina tawh, van sûm chung ah hung chu a la mu’n au.

AMOS 8:10

La luaithenateu chu lusûnna chansak ka tin, la La sak zosia chu, kâ La chansak ing ka tin; kawng zosia saidip puan chên sak ing ka tin, mi tin chu lukol in umsak ing ka; zia chu chapa changkhat sûnna gual leh, a tawpna tiang ah haksa hisak ing ka.

HOSEA 10:5

Beth-aven ah bawngnote ziakin, Samaria ah chêngte chu lau in a kithing tau hi. A mipite chun sûn intiu in; a lopinau amau ah kipat lakdaw ah a um ziakin, a milim ho’na thiampute chun amau chu kâ in’au.

DANIAL 9:26

Hapta sawmguk leh ni zaw leh sathaunu’ ah um chu pai thâk in um intin, bangma nei ta pua’n a; chuleh, a hung ding lal sepaite chun khawpi leh mun thiangtho chu susia’n au. A tawpna tuisânglet gual hi’ntin, a tawpna dingin kido’na hung um in a. Siatna huaisia tung ding chu guatsa ahi tai.

JEREMIAH 12:4

Gam in bang chan sûn ah, gamlak hampa zosia bang ding ah vuaitha ding a hiu em? A sung ah chêngte nunsiat ziak leh, a gam ah mipite’n, “I um dan uh ei mu puai,” a ti ziak un, gam sate leh vachate zosia, phiatnâm a hitau hi.

JEREMIAH 46:7

Nail luipi gual ah hung khang ah, a luikam hung dimlêt gual ah lian hi kua ahi tam?

JEREMIAH 51:29

Babulon gam ah kuama chêng talo ah, a hawm ngawn ah nutsiasak ding leh, Babulon chung thu ah Lalpa thil guanggal dan a het un, gam pumpi lau ah kithing in a kilîng hi.

NAHUM 1:8

Tuisuagiat in a hi’siat gual in, a mêlmate chu hi’sia dim dem in a; ama do taphot chu a thi’na ding uh, thim lam in sawl lut ta’n a.