AMOS 7:8 - PATHIAN LEKHABU THIANGTHO (BSI)

⁸ Lalpa‘n ka kiang in, “Amos, bang la mu em?” ei hun ti’n. Keima’n, “Ettuakna,” ka ti’n. Ziaphatchun, Lalpa‘n: “Ngai in, ka mi Israelte lak in ettuakna koi ding ka hi; a chung ua gawtna tung ding chu lamang kit ta pua’ng ka tin;

AMOS 7:8 Referans Kwoze

AMOS 8:2

Ama’n, ka kiang in, “Amos, bang la mu em?” ei ti’n. Keima’n, “Nipi theiga bawm khat ka mui,” ka ti’n. Ziaphatchun, Lalpa‘n ka kiang in: Ka mipi Israelte chung in tawpna chu a tung tai; a chung ua gawtna tung ding chu, thul him him ta pua’ng ka.

KÂ LATE 2:8

Lalpa‘n Zion chanu bâng chu sukchip a gaw tai; suksiatna ding chan tepte’na a siam ta’n; a khut chu susia lo dingin juk kit pua’n a; a kulsâng leh bângte chu, sûn dingin a siam ta’n, a lung gim khawm tai.

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

ISAI 28:17

Vaihawmna dik chu a khauzang in mang ing ka tin, dikna chu a suangkhai in mang ding ka hi; zuautheina kisêlte chu gial in tokmang intin, a kisêlna dailîm uh chu tuisânglêt in chûm mang in ah’ ” ti’n a gen a.

2 LENGTE 21:13

Jerusalem chung ah chun Samaria khua leh Ahab Inkuan telneng khai chu kaizan ing ka tin; mi pakhat in kuang a nawt gual mai in Jerusalem chu nawt ing ka tin, nawt lumlet in lekkhup mai ding ka hi.

ZEKARIAH 5:2

Ama chun, “Bang la mu em?” ei hun tia. Ke’nle, “Lekhabu zial lêng tawl tawl pakhat ka mu’n; a dunglam chu tong sawmni ahi’n, a vailam chu tong sawm ahi,” ti’n ka dawnhu a.

ISAI 34:11

Ahi’n, a gam chu muthîl leh saphute’n lua ta’n tin uh, simbu leh va-ak chêng ta’n au. A chung ah lungjinna khauzang leh, a miliante chu buaina suang chun hun delkhum ta’n a.

AMOS 7:7

Zia hi ei hun etsak kit a: Lalpa chu ettuakna tawh kithua ah bâng kibawl pang ah hin a ding ah, a khut in ettuakna a chawi a.

ZEKARIAH 4:10

Kuale, thil neucha nite musit taphot chu hung kipak intin; Zerubbabel khut ah etdikna um chu a la mu ngei in au. Zia mit pasagite hi Lalpa mit, kawlkil zosia mu suak chu a hi, a ti’n.

HOSEA 1:6

Amanu’n nau a vop kit ah, chanu khat a hing ta’n. Ziaphat ah chun, Pathian in a kiang in, “A min in Lo-ruhamah a sa’n; Israel Inkuan chung ah lainatna’n le ngaidam ta pua’ng ka tin,

ZEKARIAH 4:2

Ka kiang in, “Bang la mu em?” ei hun ti’n. Keima’n, “Sana thaumei tunna a chung ah belbuneu khat um; chuleh, a chung ah thaumei pasagi leh a phita sagi chiat kitua ka mu’n.