AMOS 5:4 - PATHIAN LEKHABU THIANGTHO (BSI)

⁴ Lalpa‘n Israel Inkuan kiang in zia gual hin a ti ngal a: Ei hawl un, tichun hing in lau;

AMOS 5:4 Referans Kwoze

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

SAM 14:2

Pil leh hethiam ah Pathian hawl a um awm, ti’n Lalpa‘n van ah kipat in, mihing chate a hun en suk ah.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

MATTHAI 7:8

kuale a don tapo chun a mu sek ui; kuale a hawl chun a mu sek ui; kuale kot kiu tapo chu hon piak hi’n au.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 20:3

Jehoshaphat chu a lau ma ma ziang ta’n; Lalpa a hun hawl phatin Judai gam pumpi anngawl ah pauchap ding thu a hun puang tai.

AMOS 5:6

Lalpa chu hawl unla, hing tau in; achutiloleh, Joseph In sung ah kipat in, meikuang gual in pawtdok intin, Bethel kâng tum intin, a phelmit ding kuama um pua’n a.

SAM 69:32

Thunuaigolte chun zia chu muu hen la, kipak tau hen; nang uh Pathian hawlte haw, la lungthim uh hihal in um ta hen.

SAM 27:8

Ka lunggil in, “Hung inla ka mêl hung hawl in!” a ti’n. “Lalpa, la mêl ahi ka hawl,” ka ti’n.

SAM 22:26

Migentheite chun ne’n tiu in vâ in au; ama hawlte chun Lalpa pakcha’n au. La lungthim uh kumtuang in hing zing ta hen!

2 KHANGTHU 34:3

Kum giat bep mi ahi ah, naupang cha ahi in vai a hawm pan ah, a pu David gual in a Pathian lung lam chu a hawl ah; a lal kum sawm leh ni’na chun Judai gam leh Jerusalem khua chun thoimualte, dawikhuamte leh milim kisiam haw chu a subei thiang zo tai.

DAN LEKHABU 4:29

zia kipat chun, Lalpa la Pathian uh chu, la lungthim leh ngaituanau zosia ah, la hun hawl phat ua leh mu kit bep ta’n lau.

DAN LEKHABU 32:46

a kiang un: “Tu’ni la kiang ua ka thu hun hiatsak zosia ah hin la lungthim uh nga det unla, zia dan thu zosia hi gunchu tak ah zui ding leh bawl dingin la chateu thu piau in.

DAN LEKHABU 32:47

Zia hi thil mai mai hilo in, la hinnau ma ma ahi ngâl a; zia thu ziak hin Jordan luigâl la vakai ua, la luanau gam ah chun la dam sawt theina ding un,” a tia.

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

EZEKIEL 18:9

ka thuguatte a zui ah, ka dan thute chingthei tak ah a vop ah, ginum tak ah a um nâk chun zia gual mi chu midik hi’n a: ama chu hing ding ahi, Lalpa Pathian in a tii.

2 LENGTE 20:3

“Aw Lalpa, ka lungthim zosia ginum tak ah la mit mu ah ka umdan leh la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

2 KHANGTHU 20:4

Judah mipite chu Lalpa lung lam hawl in a hung khawm tau ah; Judai gam ah khawpi zosia kipat in Lalpa lung lam hawl dingin a hung khawm tau hi.

SAM 69:33

Lalpa‘n tasamte chu a ngaitua sek in; ama mi têl, mi tângte chu a mutawm ngai puai.

JEREMIAH 38:20

Jeremiah in, Zia gual chun hun bawl pua’n au, la kiang ah Lalpa thu ka gen hi ngai mai in; chutileh, nang â dingin pha’n tin, chuleh, la hinna le humbit hiding ahi.

HOSEA 10:12

Dikna nang uh â dingin kituu inla, ja’ngaina ât tau in; la pâmtûl lou uh kikhet nêl tau in; Lalpa chu a hung ah, la chung ua dikna gua a zuk sak theina dingin, ama chu hawl hun ahi.