AMOS 5:2 - PATHIAN LEKHABU THIANGTHO (BSI)

² Thodok kit talo ding ah kipûk chu, nungak thiangtho Israel ahi; ama gam ah nutsia a hita’n, ama kaitho ding khat le a um ta puai.

AMOS 5:2 Referans Kwoze

JEREMIAH 14:17

Zia thu hi a kiang ua la vagen ding ahi: Chanu thiangtho, ka mipite ngei chu, khetbûk ah jep pâi in a um un; beliam huaisia tak a nei tâk ziak un, a sun a jan chawlnga lo in, ka mitthi tuite chu luang ta hen.

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

AMOS 8:14

Samaria ah Ashimah sal ah kihaksial ah, ‘Aw Dan, la Pathian a hin gual in,’ ti leh, ‘Beer-sheba khua zotna lampi a hin gual in,’ tite chu kipûk in au; bangtik inle thokit ta pua’n au,” a tii.

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

HOSEA 6:2

Ni ni zaw leh ama’n ei hi’hal ding ahi; a ma-âng ah I hintheina ding un, ni thum ni leh ei kai tho kit ding ahi.

KÂ LATE 2:13

Aw Jerusalem chanu, bang hun gen piak ding ka hem? Bang tawh hun te’ ding ka hita’m? Aw Zion chanu thiangtho, ka hun thamuan theina ding ah, bang hun gen piak ding ka hita’m? La siatna tuak hi tuisuagiat gual in a lian hi; kua’n hun hi’dam thei ding a hem?

JEREMIAH 51:64

zia gual hin gen in: ‘A chung ah siatna ka hun tunsak dingte ziakin, Babulon chu thodok kit talo dingin tum ta’n ah,’ ti’n,” a gen a. Jeremiah thugen chu zia cheng chu ahi.

JEREMIAH 50:32

Mi kiletsak chu kisui intin, kuama a kaitho ding umlo in kipuk ding ahi; a khawpite chu mei ah hâl ing ka tin, a kîmvêl ah um zosia kâng tum ding ahi.

JEREMIAH 31:4

Aw, nungak thiangtho Israel, hun tungding kit ing ka tin, tundin kit hung hita’n la! Tichun, la khuang neute chu pan inla, kipakna siam ah lâmte lak ah pang dingin kipandok in.

JEREMIAH 18:13

Ziaziakchun, Lalpa‘n zia gual hin a gen hi: Namtin lak ah dong vêl tiam un: Zia gual thu chu kua’n a la he ngai em? nungak thiangtho Israel in vang, thil tizat um tak chu a la bawl tai.

JEREMIAH 4:20

Siatna a thua thua in a hung tung a, gam pumpi chu suksiat ahi tai. Ka puanbûkte chu phutlo halo ah suksiat ahi’n, ka puanjakte chule mitphet kâl sung ah, suksiat a hi zo tai.

JEREMIAH 2:27

thingbul kiang ah, “Ka pa la hi,” tite leh, suangtum kiang in, “Nang ei hin ka hi,” tite zosia chu zakcha’n au. A mai lam uh ei ngat lo in, ei nungngatsan zaw tau ah; a buai phat uh leh, “Hung kipan inla, ei hukdok in,” a ti sek ui.

ISAI 43:17

sakol leh a kângtalai, sepai leh gâlhat hun puidok ah; a chu suk un, thodok kit talo ah, thaumei kimutmit gual ah hi’mitpa, Lalpa chun zia gual hin a gen hi:

ISAI 37:22

ama chung chang ah zia gual hin Lalpa‘n a gen hi: Zion Chanu, nungak thiangtho, nang a hun musit ah, hun hosia ahi; Jerusalem chanu, la nung lam ah a luchang a hun thinkhum ta ahi.

ISAI 24:20

Zukham gual in lei hi a hoi dong dong in, bûkcha gual in lei hi a kilâwng hi; a bawsiatna a chung in a gik ma ma in, hung kipûk intin, thodok kit ta pua’n a.

ISAI 14:21

A pateu gitlona ziakin a chapateu, thalupna ding hun guanggal in, lei hun lua ding leh, khawvel pumpi khawpite siam ah lua dim kit dingin, hung thodok kit kha’n au.

ISAI 3:8

A kamsuak leh a thilbawl dan uh, Lalpa dodâlna leh pâmpaina ngen ahiziak in, Jerusalem chu a kisui ta’n, Judah chu a kipûk tai.

2 LENGTE 17:16

Tichun, Lalpa a Pathian uh thupiakte chu zui talo in, milim sunthaw bawngno lim pani leh dawikhuam a hun siam ua; van ah umte zosia a hun ho ua, Baal nâte a hun sêm tau hi.

2 LENGTE 15:29

Israel ah Lengpa Pekah vaihawm sung ah chun Assuria ah lengpa Tiglath-pilesar chu a hung kuanah, Aijon tawh, Abelbeth-maakah leh Janoah tawh, Kedesh leh, Hazor tawh, Gilead leh, Galili tawh, Naphtali gam zosiate chu a hun la ta’n, tichun amau haw chu Assuria lam ah sal in a pui tai.

JEREMIAH 8:4

A kiang un Lalpa‘n zia gual hin a gen hi va ti’n: Mi a kipûk phat leh, thodok kit ngai lo a hiu em? A gam man uh chun, hung kile’kit ngai lo a hiu em?

JEREMIAH 9:9

Zia haw zosia ziak ah chun gawt lo diak ding ka hem? Lalpa‘n a ti’n; zia gual namte chu, thuk lo thei ding ka hi em?

JEREMIAH 9:21

“Khawlai tual ah I chateu that ding leh, kiltin ah kipat tangvalte that dingin, thi’na chu I tukvan ua hung lut in, I lal Insungteu inle a lut tai”.