AMOS 1:6 - PATHIAN LEKHABU THIANGTHO (BSI)

⁶ Lalpa‘n zia gual hin a gen hi: Gaza bawsiatna pathumte ziak leh, palite ziakin, a chung ua gawtna ding chu lamang pua’ng ka; amau in Edomte kiang ah piak dingin nam pumpi chu, sal in a pui lût ngal un.

AMOS 1:6 Referans Kwoze

AMOS 1:11

Lalpa‘n zia gual hin a gen hi: Edom bawsiatna pathumte ziak leh palite ziakin, a chung ua gawtna ding chu lamang pua’ng ka; ama’n a suapi chemjam in a del in; lainatna zosia haisan ah, a lungnatna vop zing in, a thangtawmna a vop zing ziakin.

2 KHANGTHU 28:18

khawpite chu a la buluu ah, Beth-shemesh, Aijalon, Geereth, Soko leh a khawpelteu tawh, Timnah leh a khawpelte tawh, Gimzo leh a khawpelte zosia chu a la la zo tauah; tichun, zia khuate ah hin a la chêng den tau hi.

OBADIAH 1:11

La kilepsan ni ah, a go thil uh, mêlhet lote’n a puak mang niu ah, gamdang mite a kul kotkhak ah, a hung lut niu ah, Jerusalem chung ah âi a sân lai ua khan, nang le amau lak ah pang la hi.

AMOS 1:9

Lalpa‘n zia gual hin a gen hi: Tura bawsiatna pathumte ziak leh palite ziakin, a chung ua gawtna tung ding chu lamang pua’ng ka; amau in nam pumpi Edomte kiang ah a piakdaw ziak uh leh, ki-unauna thuthung a het zing lo ziak un.

1 SAMUEL 6:17

Lalpa kiang ah gitlo thoina ding ah lat ding Philistinte’n vunnatna lim sana a siamteu chu: Ashdod â ding ah pakhat, Gaza â dingah pakhat, Ashkelon â dingah pakhat, Gath â ding ah pakhat leh Ekron â dingah pakhat;

JOEL 3:6

Judah leh Jerusalem ah mipite chu a gamgiu ah kipat gamla tak in la thak mang un; Grikte kiang in la zuak mang zo tau a.

EZEKIEL 35:5

Masanglai ah kihuatna vop zing ah, Israel mipite’n gawtna tawp a tuak ua, haksatna huaisia tak a tuak hun ua a chung ua chemjam la lap ziak un,

ZEKARIAH 9:5

Ashkelon in zia chu mu’n tin, lau in a; Gaza inle mu’n tin, lungngai in zawitha ta’n a; Ekron le a kinepna zosia vuaitha ta’n tin; Ashkelon ah kuama um talo in, Gaza ah kipat leng chule mangthai ta’n a.

AMOS 1:3

Lalpa‘n zia gual hin a gen hi: Damaska bawsiatna pathumte ziak leh, palite ziakin a chung ua gawtna ding chu lamang pua’ng ka; amau in Gilead gam chu bu vokna thik ah a vok tâk ziak un.

JEREMIAH 47:1

Pharaoh in Gaza khawpi a sim masang in, Philistinte chungchâng thu, Lalpa‘n jawlnei Jeremiah kiang in zia gual hin a hun gen a:

NASEPTE 8:26

Ziaphatchun, Lalpa vansawlchâk pakhat hin Philip kiang in, “Kipan in la, gamkeu ah lampi, Jerusalem ah kipat Gaza lam zotna simlam zuan ah kithung kha zui in,” a ti’n.

JOEL 3:4

Aw Tura leh Sidon, Philistia gamkai zosiate haw, kei â ding in bang la hiu em? Lei dit kit him him awm? Ei dit kit hi leu chin kin tak in la luchung ngei un hun thuk kit pai ziang ding hiveng.

AMOS 1:7

Ziaziakchun, Gaza bâng kâng tum ding mei hun sawl ding ka hi; a kulpite kâng tum ding mei ngei chu.