AMOS 1:2 - PATHIAN LEKHABU THIANGTHO (BSI)

² Amos in: “Zion tâng ah kipat in Lalpa a kitum ah, Jerusalem ah kipat in a aw a sua hi; Belam chingte gan tatna hambuk a vuai in, Karmel tângvûm chu a keugawp tai,” a tii.

AMOS 1:2 Referans Kwoze

JOEL 3:16

Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

JEREMIAH 25:30

Ziaziakchun, nang Jeremiah in amau dodâlna thu zia zosia hi a kiang un, zia gual hin la vagen ding ahi: Lalpa chu chung lam ah kipat in a hung kiko in, a umna thiangtho ah kipat in a aw a hun sua hi; lei chung ah chêngte zosia do dingin, kul sung ah mite do in ngai tak in hung kiko intin, grep sûk ah kikote gual in kiko in a.

AMOS 9:3

Karmel tâng ah kisêl maleu hawldok in, hun kaidok ing ka; ka mulo dingin tuisuagiat li tual ah kisêl maleu, zia tak ah chun gulpi thu pia’ng ka tin, amau a la chu’n a.

JEREMIAH 12:4

Gam in bang chan sûn ah, gamlak hampa zosia bang ding ah vuaitha ding a hiu em? A sung ah chêngte nunsiat ziak leh, a gam ah mipite’n, “I um dan uh ei mu puai,” a ti ziak un, gam sate leh vachate zosia, phiatnâm a hitau hi.

ISAI 42:13

Sepai hangsan tak gual in Lalpa chu a kipan in, gâldo ah kuan gual in a kihântaw hi; a kiko in, ngai tak in a kiko hi, a hat dan a gâlte chung in a etsak tai.

NAHUM 1:4

Tuipi a vau ah, a kangtan ngal in, lui zosia le a hi’kang sik sek hi; Bashan leh Karmel a vuai ta’n, Lebanon pâklûn chu a chuai tai.

JOEL 2:11

Lalpa‘n a galdo mite ma-âng in aw a sua in; a sepai hon a tam nau e! A thupiak zawmte chu simsên gual lo a hiu. Lalpa ni chu a lopi hi; a tizat um na e! Kua a hem thuak zo ding?

HOSEA 13:8

Savom no kiluak gual in amau chu man ing ka tin, a lungchang tuamnau chu puai thêk piak ing ka; sakeibaknei in a nêk zaw gual in, amau chu val zo ing ka tin, gamsa’n a puaitel gual in hun puaitel ding ka hi.

JEREMIAH 50:19

Israelte chu a tatna mun un pui kit ing ka tin, Karmel leh Bashan ah ta kit in, Ephraim leh Gilead mualte ah chun vâ tak in ne ta’n au.

JEREMIAH 14:2

Judai gam in a sûn in, a kul kotkhak teule a ngui zo tau a; lungkham in lei tual in a kizam un, Jerusalem kâ thawm chu a chia to tai.

ISAI 35:2

thupi tak in hung lûn kit intin, kipak tak ah La sa’n lim ta’n a. Lebanon lopina chu, Karmel leh Sharon lalna chu tawh, a kiang ah piak hita’n ah. Lalpa lopina, I Pathian uh lalna chu mu ta’n au.

ISAI 33:9

Gam chun a sûn ah a chautha tai; Lebanon chu mualpho in a vuaitha tai; Sharon chu Arabah gamkeu a bang ta’n, Bashan leh Karmel chun, a dua zosiau a thingtha tau hi.

THUPILTE 20:2

Lengpa lungnatna chu sakeibaknei kitum gual ahi’n; kuale a chok lungna taphot chun a hinna chân in a.

1 SAMUEL 25:2

Maon khua mi pakhat in, Karmel tâng ah gam a nei a. Zia pa chu mi hausa tak a hia; Belam sang thum leh kêlcha sang khat a nei a, Karmel ah chun a belam mul mêt in a um hi.

SAM 46:6

Namtin a lungnau ah, lenggamte le a kilîng ah; a aw a sua leh leilung a tuitha zo tai.

JEREMIAH 28:8

Keima leh nang masang ah jawlneite khan, malai ah kipat gam tam tak leh lenggam hat takte chung ah kidona, kialna leh natpi tung dingte a la genlawk sek un.

HOSEA 11:10

Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

JOEL 1:19

Aw Lalpa, nangma ka hun ko hi. Mei in gamthip ah hampate a kângtum ta hen; meikuang in lou lai ah thing zosia, a kâng tum zo tai.

SAM 29:4

Lalpa aw chu thilhithei tak ahi’n; Lalpa aw chu lopina dim ahi.