AMOS 1:11 - PATHIAN LEKHABU THIANGTHO (BSI)

¹¹ Lalpa‘n zia gual hin a gen hi: Edom bawsiatna pathumte ziak leh palite ziakin, a chung ua gawtna ding chu lamang pua’ng ka; ama’n a suapi chemjam in a del in; lainatna zosia haisan ah, a lungnatna vop zing in, a thangtawmna a vop zing ziakin.

AMOS 1:11 Referans Kwoze

2 KHANGTHU 28:17

Edomte chun Judai gam hung do kit in, a hungzo tau ah, sal in a pui mang tau hi;

MALAKI 1:4

Edom mite chun, “Sukchakvai in um ta maleu hin, kile’kit hitiu in, mun sesate chu siampha kit hitiu,” ti ziang maleule, sepai honte Lalpa chun, “Siampha kit ngei in au; himaleh, susia kit tho tho ing ka tin; amau chu gam phalo a hiu, ti ahi masia, kumkhua’n a chung un Lalpa chu lungna zing ahi ngal a,” a la ti’n au.

JOEL 3:19

Judate chung ah thagum sua ziak leh, a gam sung ah midik thisan a sua ziak un, Aigupta gam suksiat in um intin, Edom gamkeu gamthip hung suak in a.

SAM 137:7

Aw Lalpa, Jerusalem suk siat hun ah, Edom mite’n, “Puaichim in! Puai chim in! A suangphûm tiang in puai chim in!” a tiu kha hezing in.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

THUGENTU 7:9

Lungna pai ziang kin, lungnatna hi mingolte laigil in a chêngden sek hi.

DAN LEKHABU 23:7

Edomte lak ah khat chale la kidak bawl lo ding uh a hiu, la chanau kinaipiu ahi ngâl un. Aiguptate lak ah khat chale la kidak bawl lo ding uh ahi, a gam un malzin in la vachêng ta ngâl un.

EPHESA 5:1

Chuleh, a cha doitakte gual in, Pathian nunchan zui tau in.

MALAKI 1:2

Ka hun hepi la hiu Lalpa chun, a ti’n. Himaleh, nang un, “Bang ah khan a hem lei hepi?” lei tiu a. Lalpa chun, “Esau kha Jakob suapipa hilo a hem? Ahi’n, Jakob ka hepi in,

ISAI 57:16

A kum a khua’n hun mawsak zing pua’ng ka tin, la chung inle lungna zing diak pua’ng ka; achutiloleh, ka ma-âng in thagau leh, a hinnau ka siam piak nasan chu, basam zo mai ding ahi ngal in.

SAM 85:5

Kumkhua ka chung ua lungna ding la hem? A khang a khang ah ka chung ua lungna ding la hem?

ZEKARIAH 1:15

chuleh, kinoptel tak ah um namte chung in ka lung a na ma ma hi; ka lungnatna neucha ahi lai in siatna huaisia zaw diak a hun bawl un.

2 KHANGTHU 20:10

Tu’hin en in, Aigupta gam ah kipat Israel chate a hung pawt daw lai un a do ua, a sukchimit ding uh la la phal lo–Ammonte, Moabte leh Seir tâng ah chêngte hi,

2 KHANGTHU 20:11

ka lua ding ua lei piakna gam ah kipat ei nawdok dingin a hung kuan tau hilam.

HOSEA 8:3

Israel in thilpha chu a pêk mang in, mêlma chun ama delzui in a.