AMOS 1:1 - PATHIAN LEKHABU THIANGTHO (BSI)

¹ Judai gam ah lengpa Uzziah leh Israel gam ah lengpa Joash chapa, Jeroboam vaihawm hun lai in, lînlîng masang kum ni ah, Tekoa mun ah belam ching mi lak ah mi, Amos in Israelte chung thu a mu chu:

AMOS 1:1 Referans Kwoze

ZEKARIAH 14:5

Chun, Lalpa tâng kikâl ah phâizawl ah chun tai mang inla, zia tâng kikâl ah phâizawl chun Azal tiang tung in a; tichun, Judai gam ah Lengpa Uzziah dam lai ah linlîng ziak ah la jamsiat gual uh khan jam ta’n lau. Tichun, Lalpa ka Pathian chu a mithiangtho zosia tawh hung ta’n a.

AMOS 7:14

Ziaphatchun, Amos in Amaziah dawnhu in, a kiang in, “Jawlnei ka hipua’n, jawlnei chapa le ka hi diak puai; himaleh, kei chu gan-gual chingpa leh theipi kung enkol bep ka hi hen;

JEREMIAH 6:1

Aw nanghaw Benjamin chate haw, Jerusalem ah kipat taidok in, la bitna ding un jam tau in! Tekoa ah chun pengkul mût unla, Beth-hakkherem ah chun hetsakna tâkdok un; siatna huaisia tak leh susia ding tizat um, mallam ah kipat in a hung kuandok hi.

2 KHANGTHU 20:20

A jing ah chun ma tak ah tho in Tekoa gamthip lam in a chiauah; a kipatdaw ding phat un Jehoshaphat chu hung dingdok in, zia gual hin a hun gen a: “Aw Judah mipite leh Jerusalem khua chêngte haw, ka thugen hi ngai tiam un! Lalpa la Pathian uh chu ging un; chutileh, phudet in um bep ding la hiu; a jawlneite hile gingcha tau in,” ti’n a gen a.

2 KHANGTHU 11:6

Beth-lehem, Etam, Tekoa,

1 LENGTE 19:19

Tichun, zia kipat chun a kipandok ah, Shaphat chapa Elisha loukai lai chu a vamu ta’n. A ma-âng in bawngchal ngawngkol kitua sawm leh khat a um un; ama chun a sawm leh ni’na chun lou a kai ah. Elijah chun a kiang a vahaw ah, a puanâkchual chu a se’khum tai.

2 SAMUEL 14:2

Tekoa khua numei pil tak pakhat vako dingin Joab in mi a sawl a. Zia nu kiang ah chun, “Lusûn gual in kisiam in la, lusûnna puan ah kithuam in sathaule kinu’ lo in, hun sawt tak mithi sûn ta gual in kisiam in.

JEREMIAH 1:1

Judai gam ah Lengpa Amon chapa, Josiah hun lai ah, a lal kum sawm leh thumna chun,

ISAI 1:1

Amoz chapa Isai in Judai gam ah lengte: Uzziah, Jotham, Ahaz leh Hezekiah a lal lai un, Judah leh Jerusalem chung thu ah kilâkna a la mu lawk a.

2 LENGTE 14:23

Ziazaw chun, Israel ah Joash chapa, Leng Jeroboam in Samaria ah vai a hun hawm panah; kum sawmli leh pakhat vai a hawm hi.

1 KORINTH 1:27

Himaleh, mi pilte chu a mualpho theina ding un, Pathian in khawvel thil ah ngolhuai chu a têl zaw ta’n; chuleh, khawvel ah thil zawngkhâlte chu Pathian in a têl ah, a hatte a mualpho theina ding un.

MIKAH 1:1

Judah gam ah lal Jotham, Ahaz leh Hezekiah hun lai ah, Lalpa thu Moreseth khua um Mikah in Samaria leh Jerusalem chungchâng ah thil hung tung ding a la mu lawk chu:

HOSEA 1:1

Judai gam ah lengte, Uzziah, Jotham, Ahaz chuleh Hezekiah leng a hilai in leh, Israel lenggam ah Lengpa Joash chapa, Jeroboam Leng a hilai ah, Beeri chapa, jawlnei Hoshea kiang ah Lalpa’n thu a hun gen chu.

2 LENGTE 14:21

Judah mipite zosia chun Azariah, kum sawm leh guk ah upa chu a hun pui ua, a pa thasângah leng dingin a siam tau hi.

JEREMIAH 7:27

Ziaziakchun, zia thu zosia hi a kiang ua la vagen ding ahi; himaleh, la thu gen chu ngaitha pua’n au. Ko in la tin, himaleh, hun dawnhu pua’n au.

PAWTDAWNA THU 3:1

Mosi chun a sungpa Jethro, Midiante thiampupa belamte chu a ching ah; belamte chu gamthip khêl lam ah, Pathian tâng, Horeb tiang hial in a vaching a.

MATTHAI 4:18

Galili Dil gei ah Jesu a vâkvêl lai in, unau pani, Simon, Peter a tiu chu a suapi Andria tawh Dil ah lênsep lai a mu’n, sanga man mi a hiu a.

JEREMIAH 28:8

Keima leh nang masang ah jawlneite khan, malai ah kipat gam tam tak leh lenggam hat takte chung ah kidona, kialna leh natpi tung dingte a la genlawk sek un.