2 TIMOTHI 4:2 - PATHIAN LEKHABU THIANGTHO (BSI)

² Thu chu gen in; a hun ah le, a hun lo ah le gunchu zingin; a thiamlo ziau hiatsak inla, zilgai inla, tilkhau inla, daw zo takin thu hil in.

2 TIMOTHI 4:2 Referans Kwoze

1 THESSALONITE 5:14

Chun, suapite haw, ka hun tîl la hiu, dan lo gual ah umte chu hil unla, lungkiate chu tilkhau unla, hatlote chu panpi unla, mi zosia lak in thuak-hat tau in.

TITA 2:15

Zia thute hi hil inla, zilgai in. Kuama’n hun simmaw kiu hen.

1 TIMOTHI 4:13

Ka hung masia mipi âng ah Pathian Thu simdaw leh tilkhona leh thuhilnate a la ngaikhawk in.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.

TITA 1:13

Zia a thugen chu a dik him hi. Ziaziakchun, ginna dik tak a neitheina ding un na tak in zilgai in.

2 TIMOTHI 2:21

Kuale zia thil phalo ka gente lak ah kipat a kihi’thiantho chun, bêl manpha, In neipa â ding ah a thiangthosa leh mat tâk, nasep pha zosia ah matthei ngal chu hi’n a.

GALATIA 6:6

Chun, thuhil ah umpa chun a hilpa kiang in thilpha zosia pia hen.

ROMTE 12:12

Kinepna lam ah chun kipak tak ah um in; thokna lam ah chun thuakzo tak in; gunchu tak in pauchap zing un.

2 TIMOTHI 3:10

Nang in vang ka hun thuhilte, ka umdan, ka hinkhua thiltup, ka ginna, ka dawtheina, ka hepina leh ka sekdonate hi la musa ahi’n,

1 TIMOTHI 5:20

Chun, gitlo bawl zingte chu mi zosia ma-âng ah zilgai in, midangte chu a lau theina ding un.

KOLOSSA 1:25

Pathian thu chu bukim tak ah het a hitheina dingin, nanghaw ziak ah Pathian in mawpuakna ei piak dungzui in, nasem ah pang ka hi tai;

ROMTE 10:15

Sawl a hilo ua leh bangti’n thu gen thei ding a hiu em? “Chanchinpha hun tuntute keng chu a mêlpha na lawm lawm e!” ti zik gual ah khan.

JONAH 3:2

“Kipan inla, Nineveh khua lopi tak ah chun chia’n la, a kiang ua la vagen ding ah ka thu hun hil kha va puangjak in,” a tia’.

NASEPTE 20:7

Cholkâl khat sung ah ni masa pen ni ah vaithum ne ding ah nungzuite sia ka kikhopnau ah chun, Paul in thu a gen a; a jing ah kipandok ta ding ahizik in, jankhang tiang in thu a gen a.

NASEPTE 16:13

Sabbath ni chun, khawpi pâm lui pang ah ka vapawtdok ua, pauchapna mun ding ah lemchâng tak hi’n ka hiau ah; tichun, ka kichukhawm ua, zia vêl ah numei umte kiang ah chun thu ka gen tau a.

LUKA 9:60

Jesu’n a kiang in, “Mithite chun amau mithi chu a la kivui tau hen; nang vang chia’n la, Pathian gam thu hi vagen jak ta’n,” a tia.

LUKA 7:4

Jesu kiang a hung tun phat un, ama chu panpi tâk tak ahi dan hung gen kawm in, phatchuamngai tak in a hung don tau a.

1 THESSALONITE 5:20

Jawlneite thute chu musit kiu in.

LUKA 7:23

Chuleh, keima ah lung hilona neilote chu mi hampha a hiu!” a tia.

SAM 40:9

Aw Lalpa, mipi kikhopna chun, la hukdawna thupha chu ka gen jak ta’n; ngaitia, ka mûk hin kisûm lo ah, gen ding ahi ti la he ta ngal a.

2 TIMOTHI 2:25

a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

HEBRAITE 13:22

Ahi’n, suapite haw, zia thuhilna hi a la ngaithei hâm dingin ka don la hiu; la kiang ua thu chomcha’n ka hun zik ahi.

NASEPTE 28:16

Rom ka tun phat un, Paul chu sepai pakhat a vêng ding a guat chuam uh chu tawh, a nop dan dan ah umsak dingin a phal piak tai.

NASEPTE 13:5

Salamis khua a tun phat un, Judate kikhopna chun Pathian thu a gen ngal un; chun, amau panpi dingin Johan kha le a pui pek ua.

KOLOSSA 4:3

Chuleh, suangkul ah ka tân lawna pen, Khrista thugûk chu ka taklat ding gual ah kichian tak ah ka taklat theina ding ah,

1 THESSALONITE 1:6

Thu chu sukgentheina thuak kawm in, Thagau Thiangtho ah kipak tak in la pom ua, kei uh leh Lalpa umdan zuitute la hitau hi.