2 TIMOTHI 3:2 - PATHIAN LEKHABU THIANGTHO (BSI)

² Mite chu, ama bep kihepite, dangka ngainate, kiphatsakte, lochalte, mi hosiat chîngte, nu leh pa thumanglote, kipakna châng helote, thiangtholote,

2 TIMOTHI 3:2 Referans Kwoze

PHILIPPI 2:21

A leng un Jesu Khrista â ding hawl lo in, amau â ding bep a hawl chiat un.

SAM 10:3

Mi nunsia’n a duthusam chu a kisaktheipi in, lawkna ding hawl ah du-âmte chun Lalpa chu hânsialaw in, a pâmpai sek ui.

JUDA 1:16

Ziate hi mi phunchiak leh lungawi theilote a hiu ah; a hûkna gual un a um un; thu lopi takte gen in, a lawkna ding un mite a pakcha sek uh ahi.

2 TIMOTHI 3:4

juauhatte, thunung ngaitualote, kimisakte, Pathian hepi sâng ah ama kinoptelna ngaina zaw te;

1 TIMOTHI 6:10

Dangka sum ngainat hi gitlona chitin bul ahi ngal a; khenkhat in hausak nopna ziakin ginna chu jamsan in, amau leh amau lungngaina tam tak a kisunkhum sek uh ahi.

2 PETER 2:18

Thu manlo chu uang tak in a gen un, a diklo ah umte lak ah kipat taidokte chu taksa nopna hûkna lam in a thêm pûk sek ui.

JAKOB 4:6

Himaleh, hepina tam zaw diak a pesek hi; ziaziakchun, “Pathian in mi kilestsakte a do in, mi kingaitawmte chu doisakna a pesek hi,” ti ahi.

KOLOSSA 3:5

Chutichun, la taksau ah leilam thil doina umte hi that un: Tatsualnate, buaknate, huknate, nopna phalote, papnate, (papna chu milim hona ahi.)

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

1 TIMOTHI 6:4

ama chu mi kisathei, bangma helo, kinial leh kikalna lam ah ngolpi zaw ta ahi. Zia haw ah kipat chun ênna, kipawl khenna, kigen siatna leh kiginlânate a hung pawt sek a,

LUKA 12:15

Chuleh, Jesu chun, a kiang un, “Chingthei un! Huaihapna lak ah chun kiveng un! Nei leh lam leh thil hauna mai hi mihing dampi pen ahi puai,” a tia.

DANIAL 11:36

Lengpa chun a nop dan dan in bawl in a. Ama leh ama kichawisang intin, pathian zosia sâng ah lianzaw’n kingai intin, pathiante Pathian demna’n tizat um tak tak gendok in a. A chung ah lungnatna tunna ding huntiam a tun masia lawting ma ma intin; ahi’n, a thil tuak ding chu pumpel him him pua’n a.

THUPUAN 16:11

Nâsa’n, thuakgim kisa maleu, van Pathian chu a gensia zawu ah; a thil hiu ah kipat lung hei a gaw diak puau hi.

2 PETER 2:12

Himaleh, ziate hin thil a hetloteu chu a gensia sek ui. Amau chu ngaituana bei gancha, mat ah hi’bei kit ziang ding gual chu a hiu hi; ganchate gual in mangthai in au.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.

JAKOB 4:16

La chaponateu chu la suang zawu ah, zia gual kisuanna zosia chu a pha puai.

2 THESSALONITE 2:4

Ama chun, mite’n Pathian ah a ngai taphot uh leh, mite biak taphot chu dodâl in, ama kichawisâng intin; tichun, Pathian tempul ah chun Pathian gual hial in kitungdok in a.

ROMTE 11:18

a bâk chung ah chun kisathei kin. Nang a zung vâkpa la hi pua’n, a zung chu nang hun vâkpa ahi zawi.

DANIAL 7:25

Ama’n Chungnung Penpa demna thu gen intin, Chungnung Penpa mi thiangthote suchau zo ta’n tin, hunbî thiangthote leh dante chu, hun sukdanglam gua’n tin; chuleh, mithiangthote chu a thunuai ah, hun khat, hun ni leh a kimkhat sung piak hi’n au.

THUPUAN 16:21

Van ah kipat in gial lian tak tak, pakhat gik dan chu talent khat bûk chu mihingte chung in a ke ta’n; zia gawtna chu a nasa ma ma ah, zia gual ah gawt ahi’nung unle mite chun Pathian a gensia nalai ui.

JAKOB 2:8

Pathian Lekhathu’n, “Nangma la kihepi gual in la Invêngte hepi in,” ti lenggam dan chu la zop ua leh a bawlpha hi’n lau.

1 TIMOTHI 3:3

zudawn mi hilo, khutthâk chîng lo ah mi nunnem hizaw, kinak chîng lo leh dangka ngaina lo ahi ding ahi.

1 TIMOTHI 1:20

ziate lak ah chun Humenai leh Aleksander le a hiu in; amau chun Pathian a gensiat tâk lona ding un Setan kiang in ka pedok tai.

NASEPTE 5:36

Tu’ma lam deu khan Theuda a hung kipan ah, mi khat ka hi, hung kiti’n mi tam tak, za li vel in a la zui un; himaleh, ama chu tha in a hung um ah, ama zuite zosia chule thejak ah um in, a kisêlmang zo tau hi.

LUKA 16:14

Pharisai sum thangaite chun zia thute chu a het phat un, a nuisan un.

THUPUAN 16:9

Tichun, mihingte chu satna huaisia tak in a hâlkang ta’n; himaleh, zia gawtna chung ah thilhitheina neipa Pathian min chu chawihoi sâng in, a gensiau ah, a lung uh a hei diak puau hi.

THUPUAN 13:1

Sahâng pakhat luchang pasagi leh kî sawm nei; a kîte ah chun lallukhuk sawm leh a luchangte ah chun Pathian gensiatna min kizik, tuisuagiat ah kipat hung pawt chu ka mu’n.

2 KORINTH 5:15

A hingte chu amau â ding ah a hin lo ua, a sik ua thi’ thokitpa â ding ah a hin zawkna ding un mi zosia sik in a thi tai.

MATTHAI 15:6

Nangmau thugosia ziakin Pathian thupiak chu la botsia tau ahi.

ISAI 10:15

Heichapi’n ama mangte chung ah kiletsak tak ah kisuang in, chuleh, thing âtna’n ama mangte chung in a kiletsak thei em? Mol le a mangte chung in a kiletsak diak puai!

THUPILTE 6:17

Mittêt chapote, lei zuauthei te leh mawna neilote thisan sua’na khutte;

SAM 49:6

a hausaknau muang ah, a neinungnau thupi tak kisuanpite chu, bang a hem ka lau ding?

SAM 52:1

Aw mihat, bang ding ah kiletsak tak ah, Pathian ngaisak mi siatna ding ngaitua sek la hem? Sun nitum in mi siatna ding la ngaitua hi.

LUKA 6:35

Himaleh, la mêlmateu hepiu inla, a phatna ding uh bawl un, mu ding kinem lo hial in thunglâksak un; tichun la kipakman ding uh chu thupi intin, Chungnung penpa chate hiding la hiu; ama chu kipakna châng helote leh mi nunsiate chung inle a jangai thei ma ma ngal a.

1 TIMOTHI 1:9

Ziate hi a umzia hetchian ding ahi, Dan chu miphate â ding ah kibawl a hipua’n, Dan kãl mite leh Dan botsete, migilote, mithianglote, mibuakte, pa ahiloleh nu thatte, mithatte haw leh,

2 PETER 2:10

Taksa nopna buak zui leh vaihawmna simmawte chu koidan a he diak hi. Ngolhân leh chapo a hiu a, vansawlchâkte a gensiat unle a kithing puau hi.