2 TIMOTHI 3:16 - PATHIAN LEKHABU THIANGTHO (BSI)

¹⁶ Pathian Lekha thu zosia hi Pathian hat khum ah kizik ahi’n, thuhilna, zilgaina, bawl phatna ding leh dikna lam kizilna dingin a phachuam hi;

2 TIMOTHI 3:16 Referans Kwoze

ROMTE 15:4

Pathian Lekha thu, ngilneina leh kitilkhona chung ah kinepna I nei thei zawkna ding un, malai ah thu a la kizikte kha, eimau kihilna ding ah zik a la hingal a.

HEBRAITE 4:12

Pathian thu hi a hing ah, thil ahi’thei ah, chemjam hiamtua zosia sâng inle a hiam zaw’n, hinna leh thagau, gutua leh theng kikhen khop hial ah sun thei ahi; lungthim ah ngaitua leh tupte chu a hethei ngal ahi.

MARKA 12:24

Jesu’n amau haw chu a dawnhu ah, a kiang un, “Pathian lekha thu leh Pathian thilhitheina la het lo ziak ua ngaikhial sek hilo la hiu em?

SAM 119:9

Khangdawng in la thu dungzui ah, a um dan a venphat lo ngal leh, bangti’n a um dan hithiangtho thei ding a hem?

THUPILTE 6:23

Thupiak chu thaumei ahi’n, thuhilna chu vâk ahi; thununna ah sukdikna chu hinna lampi ahi;

2 TIMOTHI 4:2

Thu chu gen in; a hun ah le, a hun lo ah le gunchu zingin; a thiamlo ziau hiatsak inla, zilgai inla, tilkhau inla, daw zo takin thu hil in.

SAM 119:11

La chung ah thil ka hi’khial lona dingin, la thu ka lunggil in ka khol khawm hi.

SAM 119:130

La thu hilchet hin mite vakna a pia’n; mimawlte hiatthiamna a piai.

2 SAMUEL 23:2

Lalpa thagau in keima kipat thu a gen ah, a thu ka lei ah hin a um hi.

THUPILTE 15:31

Zilgaina piting pomtheite chu mipil lak in chêng in au.

2 TIMOTHI 2:25

a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

DAN LEKHABU 4:36

A thu hilna la hettheina ding un van ah kipat in a aw a hun hiatsak ah. Lei chung ah mei kuang lak ah kipat a aw la het zing lai un, a meipi nasa tak a hun etsak tai.

NASEPTE 20:20

himaleh, nangmau phatna ding ahi’phot leh bangma kipadam lo in, mipi lak inle thu ka gen tho ah, thu tam tak ka hun hiatsak ta’n, a In In ah le ka chuantha chiat ahi kha;

JOHAN 3:20

Thil phalo bawl tapo in vâk a dawi puau in, vâk inle a hung nuam puau hi.

MATTHAI 13:52

Ama chun a kiang un, Chuti ahileh, lekhazik ah pang hingal ah van-gam thu ah nungzui a hung um tapo chu, Inneipa a gobawm ah thil lui leh thil thak suadok sekpa gual chu ahi, a tia.

NASEPTE 18:25

Ama chu Lalpa Lampi thu zilsak leh, Johan baptisma bep he mi himaleh, lungthim ah phatchuamngai tak ahiziak in, Lalpa chanchin chu phatak in a gen a.

ROMTE 2:20

mingolte sudiktu, naupangte hiltu le la hi ah, dan leh thutak chu he ah la kingai leh:

NEHEMIAH 9:20

Amau zilsak dingin la thagau pha chu la pia; a kam ua kipat in la Manna la jukdok kit pua’n, a dangchâknau sudai dingin tuile la pia ahi.

GALATIA 3:8

Chuleh, Pathian Lekha thu chun Pathian in, ginna ziak ah Jentelte thiamchansak ding ahi ti hemasa’n: “Nangma ah chun mi zosia maljawl in hung um in au,” ti’n Abraham kiang in chanchinpha chu a la genlawk tai.

HEBRAITE 3:7

Ziaziakchun, Thagau Thiangtho in; “Tu’ni hin a aw la het ua leh,

1 KORINTH 12:7

Ahi’n la, mi zosia’n a phatchuampi theina dingin Thagau kilatnate chu mitin kiang ah piak ahi.

NASEPTE 20:27

la kiang un Pathian thiltup gen ka kipadâm pua kha.

THUPILTE 15:10

Lam dik pêtsante chung in hânsia a um in, thununna ngaidate chu thi ding a hiu.

JOHAN 10:35

Pathian thu hung tunnate bep bawn, ‘pathiante’ a ti leh, zia Pathian Lekha thu chu sukkek thei a hipua’n,

MATTHAI 26:56

Himaleh, Pathian lekha thu, jawlneite’n a gen haw kha a guitunna ding in zia thilte hi tung ahi, a tia. Nungzuite zosia khan a taisan ua, a jam mang tau hi.

NASEPTE 1:16

“Unaute haw, Jesu mante mapui ah pang, Juda chung thu, Thagau Thiangtho in David kam ah a la gen, Pathian lekha thu kha a guitung ding him ahi.

MATTHAI 21:42

Ziaphatchun, Jesu’n a kiang un, Pathian lekha thu ah: Insate’n a doilo uh suang kha, a kil ah suang poimaw pen chu a la hi: Zia hi Lalpa thilbawl chu ahi’n, I mit muu in a mak ahi, ti ah kizik kha sim kha lo la hiu em? a tia.

ROMTE 4:23

Tu’hin zia thute hi ama ziak bep ah kizik a hipua’n,

HEBRAITE 11:1

Ginna hi thil kinepnate um ngei ah hetna, thil I mu nailote hetchianna ahi.

ROMTE 3:2

Bang lam lam inle a phachuam hi, Pathian thute a kiang ua vopsak ah a um ziak ahi pen hi.

NASEPTE 28:25

Tichun, a kithutuak theilo phat un, a peljak masang un Paul in thu kam khat a gen a, Thagau Thiangtho in jawlnei Isai mang ah la pu leh pateu kiang ah a la gen kha a dik ngei hi:

MARKA 12:36

David khan la, Thagau Thiangtho in, a kam ngei in, ‘Lalpa chun ka Lalpa kiang ah: La mêlmate la keng nuai ah ka koi piak masia, ka changlam ah kichu’n,’ a la ti’n,” a tia.

MIKAH 2:7

Israel mipite hi hânsia dong ah la bawl a hem? Lalpazaidaw zo lo a hita a hem? Zia gual tak ah chun bawl lawm lawm ding a hem? dik tak ah bawlte chu, nem tak in a kiang ua thu gen lo ding a hem?” a tiu a.

MATTHAI 26:54

Himaleh, zia gual ah chun hi taleng bangti’n Pathian Lekha thu guitung thei ding a hem? a tia.

MATTHAI 22:43

Ama chun a kiang un, aleh, bangtidan ah David khan ama chu Thagau ah Lalpa, tithei a hem?

DAN LEKHABU 29:29

Thil kisêlgute chu Lalpa I Pathian uh â ahi’n; a hin la, tâklat ah umte vang eimau leh I suanteu â dingin zia dan zosia hi kumkhua I zoptheina ding un ahi.

ZEPHANIAH 3:2

Kuama thu a mang pua’n, kuama hilna thu a ngai puai. Lalpa ah ginna a nga pua’n, a Pathian a nai puai.