2 TIMOTHI 2:5 - PATHIAN LEKHABU THIANGTHO (BSI)

⁵ Chuleh, gualsiak kidemna ah chunle, min dan gual ah ahiloleh khuksak in a um ngai puai.

2 TIMOTHI 2:5 Referans Kwoze

THUPUAN 3:11

Hung vak ziang ding ka hi; kuama’n la lallukhuk ding chu a lâkpiak lona ding in la neisate kha pha tak in vopdet zing ta’n.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

KOLOSSA 1:29

Zia ding ziak ah hin, ama’n ei suk-hatna dungzui ah kimang in, gim tak ah sêm in, ka kihabawl ma ma hi.

HEBRAITE 12:4

Gitlona do in thisan pawt khop in la pang kha nai puau hi.

LUKA 13:24

“Kotkhak neu ah chun lut ham ham un; ka hil la hiu, mi tam tak in lutna ding hun hawl intiu in, himaleh, lut thei pua’n au.

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.

HEBRAITE 2:9

himaleh, Jesu chu vansawlchâkte sâng ah niam zaw koi ah um tadi chu, Pathian hepina ah mitin â ding ah thina chu a tepna dingin, thina chu a hung thuak ah, choihoina leh za umna hung chang ta chu I la mu tau hi.

HEBRAITE 2:7

Amau chu vansawlchâkte sâng ah nuainung zaw deu in la siam tadi in, lopina leh za umna la khuk sak in, a keng nuai ah bangkim la koi a,” ti in.

PHILIPPI 1:15

Mi khenkhat chun mitthîpna leh langpanna ziakin Khrista thu a tângkopiu a; khenkhat in vang a pha doina ziakin a tângkopi sek ui.

1 PETER 5:4

Tichun, Belampu Lianpen a hung kilat phat leh, lopina lallukhuk chultheilo chu mu’n lau.

THUPUAN 4:10

upa sawmni leh palite chun lalchutpha kichû chu, a ma-âng ah bokkhup in a ho sek un; kumtuang ah hing zing pa ma ah chun a lallukhukteu chu a koithâu ah, chibai a bûk sek ui.

THUPUAN 4:4

Chuleh, lalchutpha kîmvêl ah chun lalchutpha sawmni leh pali a um a; zia lalchutphate chun upa puan vâm sil sawmni leh pali chû le ka mu; a luchung ua chun sana lallukhuk a khuk chiat ua.