2 TIMOTHI 1:9 - PATHIAN LEKHABU THIANGTHO (BSI)

⁹ Ama chun I thilhite dungzui hilo in, ama thiltup leh a hepina dungzui in ei hukhing in, kona thiangtho in ei ko a. Zia hepina chu khawvel kisiam ma ah, Khrista Jesu ah ei piak a hita’n;

2 TIMOTHI 1:9 Referans Kwoze

ROMTE 16:25

Tu’hin, ka chanchinpha gen leh, Jesu Khrista puanlat ah a umna dungzui leh, khang sawt tak puandaw lo ah a la um thugûk kilatdawna dungzui ah,

TITA 1:2

khawvel um masang ah Pathian zuau gen ngailo in a tiam, kumtuang hinna kinem ah um,

ROMTE 9:11

A chate chu a pianmau in, sia leh pha a sepdaw mau in, thil hi’ziak hilo in, a kopa dawi ziak hi zaw’n, têlna lam thu ah chun Pathian thil guat chu a dettheina dingin a kiang in:

JOHAN 17:24

He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

EPHESA 1:11

Ama doidan leh lemguat dan ah thil zosia sêm in, a tup gual ah a guatlawkna chu, ama golua I hi’na ding uh ahi.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.

1 PETER 1:20

Ama chu leilung siam masang ah guatlawk hisa, hun nunung lam ah nang uh ziak ah hilat ahi tai.

JOHAN 17:9

Amau haw â ding ah don ka hi; khawvel â ding ah don ka hi puai; nang in kei lei piakte â ding bep ah don ka hi; nangma â a hiziak un.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

HEBRAITE 3:1

Ziaziakchun, suapi thiangtho, van kona chanpite haw, I thugin ua sawlchâk leh thiampu lianpen Jesu chu ngaitua tiam un.

EPHESA 2:5

I sukkhialnateu ziak ah thi I hi zing lai un, Khrista tawh kigual in ei suhing ta’n, hepina ah hukhin la hitau hi.

1 THESSALONITE 4:7

A buak dingin Pathian in ei ko pua’n, thiangtho dingin ei ko zaw ahi.

1 KORINTH 1:18

Kros thu chu mangthaite â dingin ngolhuai ahi’n; eihaw hukdam hi zingte â dingin vang Pathian thilhitheina ahi zawi.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

THUPUAN 17:8

Zia sahâng la mu kha a la umsa um lo kit, lei kawkhûk tawp nei lo ah kipat hung pawt kit ding leh manthaina lut kit ding chu ahi. Um zet ta ah, um lo kit sahâng chu a hung pawt kit lei ah mite, khawvel kisiam tîl ah kipat Hinna Lekhabu min kikhumlote chun a hun mu kit tak ua leh mak sa ma ma in au.

EPHESA 3:11

Khrista Jesu, I Lalpau ah sep a guat, a kumtuang lemguat dungzui ah chun;

ROMTE 3:20

Ziaziakchun, “Dan thil hi ah kuama ama mit mu in thiamchang ding a um pua’n,” dan ziakin gitlo kihiatna um a hibep ngal a.

1 TIMOTHI 1:1

Paul, I hukdampau Pathian leh Khrista Jesu I kinepnau, thupiak dungzui ah Khrista Jesu sawlchâk hin,

EPHESA 1:9

Khrista ah a thiltup, a doilam dungzui ah a lunggil thugûk chu ei hiatsak ta ahi.

ROMTE 9:24

Judate lak ah kipat bep hilo in, Jentelte ah kipat leh kodawsa eihaw â ding inle a la bawl hitaleh, bangti ding a hem?

LUKA 10:21

Zia lai tak ah chun, Jesu chu Thagau Thiangtho in a hung kipak ma ma ta’n: “Aw he pa, lei leh van Lalpa, zia thilte hi mipilte leh mithiamte lak ah la îm ah, nausente kiang ah la puandaw ziak hin, la chung in ka kipak hi; ahi ngût hi, He pa, namgma mit mu ah ziate chu hi’ding ah kilawm leh pha lasak him ahi.

MATTHAI 1:21

Chapa hing intin, a min in Jesu la sak ding ahi; ama chun a mite a gitlonau ah kipat hukdok ding ahi ngal in,” a ti’n.

NASEPTE 2:47

Pathian a pâk zing ua, mitin doisakna a chang un. Chuleh, nisi’n in Lalpa‘n a lak un hukdam ah um dingte chu a hun belap jel tai.

NASEPTE 15:18

zia zosia chu khawvel siam lim ah kipat, Pathian in a la hiatsak ahi tai,’ ti’n a la gen hi.

ROMTE 11:14

Chutichun, ka chipite chu ka mitthîpsak ah, a lak ua mi khenkhatte bêk ka hukhin theina dingin.

ROMTE 11:29

Pathian in a thilthawnpiak leh a kona haw chu sukbei kit thei ahi puai.

PHILIPPI 3:14

Khrista Jesu ah, van lam ah Pathian kona sâng tak kipakman chu mu dingin kung lam chu ka del ham ham ahi.

2 TIMOTHI 1:1

Paul, Khrista Jesu ah um hinna thutep dungzui ah Pathian doi gual ah Jesu Khrista sawlchâk hin: