2 TIMOTHI 1:8 - PATHIAN LEKHABU THIANGTHO (BSI)

⁸ Chutichun, I Lalpau thu hiatsak leh, keima ama min ah suangkul ngâkpa hile ei jachatpi kin la; chanchinpha ziak ah thokgimna hi, Pathian thilhitheina dungzui in ei thokpi zaw’n.

2 TIMOTHI 1:8 Referans Kwoze

ROMTE 1:16

Khrista chanchinpha chu ka jachâkpi puai; kuale a ging tapo â ding ah hukhinna dingin Pathian thilhitheina ahi’n; zia chu a lim in Judate â dingin ahi’n, zia ban ah chun Grikte â ding a hung hi kit hi.

MARKA 8:38

Kuale tu’lai khangthak ângkawm leh gilo lak ah, keima leh ka thu japi tapo, Mihing chapa’n vansawlchâk thiangthote tawh, a Pa lopina kivan ah a hung phat leh, zia mi ngei chu hun japi thuk in a,” a tia.

2 TIMOTHI 4:5

Nang vang chingthei tak in umzing in, haksatnate thuak inla, chanchinpha gen in pang zing inla, la nasepna chu mualsua ta’n.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

2 TIMOTHI 2:9

Zia ding ah chun gimnate ka thuak ah, thilhi’khial gual ah kol busak hial in ka um tai. Himaleh, Pathian thu chu kol busak in a um puai.

2 TIMOTHI 1:12

tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

EPHESA 3:1

Ziaziakchun, keima Paul, nanghaw Jentelte ziak ah Jesu Khrista ah suangkul lut hin,

PHILIPPI 3:10

Chutichun, ama leh a thawkitna thilhitheina chu ka het ah, a thoknate kikoppi in, a thina ah ama ka kibatpi theina ding in;

LUKA 9:26

Kuale, keima leh ka thu japi tapo chu, Mihing chapa’n, ama lopina tawh, a Pa lopina tawh, vansawlchâk thiangthote lopina tawh a hung phat leh zia mi chu hun japi in a.

2 TIMOTHI 1:16

Lalpa‘n Onesiphora Inkuanpite chung in jangaina pia ta hen; ama chun ei la hi’hal jel sek in, ka thikkol hile ei jachatpi pawngal a;

EPHESA 4:1

Chutichun, keima, Lalpa ah suangkul ngâk hin, a kona tawh kiphutawk ah um ding leh,

THUPUAN 1:9

Keima Johan, la suapiu leh la thok gimpiu, a lenggam â ding leh Khrista ah thok gunchuna lam ah le la thokpiu hi, Pathian thu ziak leh Jesu Khrista thu tak ziakin, Patmos tuikual khum gam ah chun ka la um a.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.

2 TIMOTHI 2:3

Khrista Jesu â ding ah sepai pha tak gual in haksatna ei thokpi in.

1 THESSALONITE 3:4

La kiang ua ka um lai ua khan, soisakna thuak ding him ka hi dan uh ka hun hil masau kha, zia gual ah chu um ding him I hiu ti la he tau hi.

PHILIPPI 1:7

Nanghaw zosia lam ah zia gual lungthim put chu kei â dingin a kilawm him ahi, la lunggil un lei hezing ngal ua; ka kolbuna leh, chanchinpha ka panpina leh ka sukdetna ah le, la leng un Pathian lungsiatna chu lei kikoppi ngal un.

EPHESA 3:13

Chutichun, nanghaw ziak ah ka thokgimnate ziak ah hin lungkham lo dingin ka ni la hiu; ziate hi la lopinau ahi.

ROMTE 16:25

Tu’hin, ka chanchinpha gen leh, Jesu Khrista puanlat ah a umna dungzui leh, khang sawt tak puandaw lo ah a la um thugûk kilatdawna dungzui ah,

1 JOHAN 4:14

Pa chun Chapa chu khawvel Hukdampa hiding in a hun sawl hi, ti ka muu ah, ka hiatsak uh ahi.

2 TIMOTHI 4:17

Himaleh Lalpa‘n ei dinpi in, ei hi’hat a; chutia, keima ziak ah chanchinpha gen kim ah um ding leh, Jentelte zosia’n a hettheina ding un. Tichun, sakeibaknei kam ah kipat hukdaw in ka um tai.

PHILIPPI 4:13

Ei hi’hatpa Khrista jal ah chun bangkim bawlthei ka hi.

ROMTE 9:33

“Ngai in, Zion ah kipalna suang leh, dâlna suangpi ka koi in, kuale ama ging tapo chu mualpho pua’n au,” tia kizik gual khan.

NASEPTE 5:41

Vaihawm pawlte lak ah kipat a pawt daw phat un, zia min ziak ah mualphona thuak tâk ah ngai a hiziak ua chun, a kipak ma mau a.

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.

THUPUAN 1:2

ama chun Pathian thu leh Jesu Khrista chanchin hiatsak ah um leh a thil mu zosia chu a zik a.

1 KORINTH 1:6

Khrista chanchin ka hiatsakteu kha nangmau ngei ah sukdet a hita’n;

JOHAN 19:35

(Zia chu a vamu ngei ngei pa chun a gen ahi, a thugen chu a dik ngei ahi; ama chun a dik ahi ti a het ngei chu a gen a hin, zia chu nang unle la taksan theina ding ua a gen ahi.)

SAM 119:46

La thutanna thute chu, lalte ma’nle gen ing ka tin, zakcha ngai ngai pua’ng ka.

KOLOSSA 1:24

Nangmau ziak ah tu’ ka thokgimnate ah hin ka kipak ahi; chuleh, a taksa, a kochuamte ziak ah Khrista thokgimnate chu ka taksa ah hin ka subukim pek ahi.

EPHESA 4:17

Ziaziakchun, zia hi Lalpa ah chun ka pom in ka phût la hiu: lungthim kisathei tak ah um, Jentelte gual in um ta kiu in.

2 KORINTH 6:7

thutakna leh Pathian thilhitheinate chu nei in, changlam leh veilam ah dikna gâlvan ah kivan in;

ROMTE 8:36

“Nangma ziakin nitum in tha in ka um sek un; belam tha ding gual ah sim in ka um ui,” ti ah zik gual khan.

JOHAN 15:27

Nangmaule a lim ah kipat ka kiang ah um la hiziak un, keima chanchin genjakte hung hiding la hiu, a tia.

ISAI 51:7

Nanghaw a dik hete haw, ka hilna thu lungthim ah vopte haw, ngai un; midangte hun vauna chu lau kiu inla, a hun engho lai unle lungthuai kiu in.

SAM 19:7

Lalpa dan chu a pha bukim in, hinna a chok-hal sek in; Lalpa thu hiatsak chu a dik in, mimawl a hipil sek hi;

1 TIMOTHI 2:6

ama chu mi zosia tatna dingin a hung kipe tai, zia thu chu a hun tak ah taklat in a um tai.

KOLOSSA 1:11

Kipak tak ah bangkim thuak-hat tak ah la umtheina ding un, a thilhitheina nasa tak ah kipat hung pawtdok chun, bangkim in hun suhat hen la,

ISAI 8:20

Zia gual ah thugente chun phalvak mu him him pua’n au!

2 TIMOTHI 1:10

himaleh, tu’hin, I Hukdampau Khrista Jesu hung kilat ziakin hi’lat in a um tai; ama chun thina chu hi’bei in, chanchinpha ah chun hinna leh thi theilona a hun tâklang tai.

2 TIMOTHI 2:8

Mithi lak ah kipat thokit, David suan ah mi, Jesu Khrista chu hezing in, ama chu ka chanchinpha chu ahi.