2 TIMOTHI 1:7 - PATHIAN LEKHABU THIANGTHO (BSI)

⁷ Pathian in launa thagau ei pepua’n, thilhitheina leh hepina leh kithununna thagau ei pia zaw ngal a.

2 TIMOTHI 1:7 Referans Kwoze

ROMTE 8:15

Lau tak ah um kit ding ah suak hi’na thagau la chang puau in, cha hi’na thagau la chang uh a hizawi. Tichun, “Abba! He pa!” ti ah I ko phat ua leh,

1 JOHAN 4:18

Hepina ah chun launa a um puai, hepina bukim chun launa a nawdok zawi; launa hi gawtna ziak ahi’n, kuale launa nei chun hepina bukim a nei puai.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

LUKA 10:19

Ngai un, gûlte, ainuvette chotden theina leh mêlma chung ah thuneina ka piak la hiu; bangma’n hun hi’liam thei pua’n au.

NASEPTE 1:8

Himaleh, Thagau Thiangtho chu la chung ua a hung tun phat leh, thilhitheina nei ta’n lau; tichun, Jerusalem, Judea gam leh Samaria gam leh kawlkil tiang ah, ka thu hiatpite hung hiding la hiu,” ti’n a dawnhu a.

ZEKARIAH 4:6

“Zia hi Zerubbabel kiang ah Lalpa thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte Lalpa chun a ti’n.

THUPILTE 2:7

mi lamzangte pilna a guan in, mi diktatte â dingin phaw ahi’n,

THUPILTE 8:14

Lemguatna leh hetna dik tak chu ka nei in, hiatthiamna leh hatna ka nei hi.

ROMTE 5:5

Zia kinepna chun ei mualphosak pua’n tin; Thagau Thiangtho ei piak chu mang in Pathian chun I lung sung ua hin a hepina chu a hun sung lut tangal a.

HEBRAITE 2:15

Chuleh, thi lau ziak ah dam sung suak ah umte chu a thâdaw theina ding in.

NASEPTE 20:24

Himaleh, ziate chun ei hi’lungkia diak puai; ka kitaisiakna lampi ka mabâk hi, kipak tak ah zaw ngei ding leh, Pathian hepina zia chanchinpha hiatsak ding ah Lalpa Jesu kiang ah, zia nasepna na ka mu hi sêm zo phot leng, ka hinna hile thâkla tâk in ka ngai puai.

1 KORINTH 2:4

Ka thugente kha le mihing pilna leh jawlthiamna panglo in, Thagau leh a thilhitheina mang in ka gen zaw ahi kha;

LUKA 24:49

Ngai un, ka Pa tiamsa chu la chung un hun sawl ding ka hi; zia chung lam ah kipat thilhitheina ah thuam ah la um masang siau chu, Jerusalem khawpi hin um zing un,” a tia.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

MIKAH 3:8

Keima ka hileh vang Jakob kiang ah a bawsiatnau, Israel kiang ah a gitlonau ka hiatsak theina dingin, Lalpa thagau ziak ah chun thilhitheinate, vaihawmnate leh hatnate ah chun ka dim zing tho hi.

SAM 119:80

Ka mualpho lona dingin, ka thinlung in la thu guatte chu, dem kâi lo in zui zing ta hen.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

NASEPTE 21:13

Paul chun, “Bang ding ah keima lunggimna ding bep ah zia gual ah chu kap la hiu em? Lalpa Jesu min ziak ah Jerusalem ah kânna bep hilo in, thi le ka huam ahi,” a tia.

KOLOSSA 1:8

Ama chun la hepinau chu, thagau lam in kei uh ei hiatsak ta a hi.

NASEPTE 6:8

Chun, Stephen, hepina leh thilhitheina ah dim chun, mipite lak ah chun thilmak leh tepte’na thupi takte a bawl a.

NASEPTE 9:22

Himaleh, Saul chu a hung hat deu deu ah, Jesu chu Messiah ahi ngei nai, ti thu chu puang in Damaska khua Juda umte chu a nial dong tai.

LUKA 8:35

Chuleh, thil umdan en ding ah hung pawt in, Jesu kiang in a hung ua, zia tak ah chun Jesu kengbul ah thitha buak voppa kha thithate’n a nutsia tâk uh, puan sil leh chêng in, lungthim dik tak pu’n a la kichu a vamuu ah, a lau ma ma tau hi.

NASEPTE 26:25

Himaleh, Paul chun, ja’um pen Festa, ka ngol him him puai. Pilna lam thu, thu tak kichian tak chu ka gen zaw ahi.

LUKA 15:17

A hung kihetdaw phatin, “Ka pa kiang ah suak sumlawte’n nêksên lo a nei tam siat uh tawh, kei la zia hin gilkial ah thi ding ka hi ta’n!

NASEPTE 26:11

Chuleh, sunagog tin in ka gawt sek a; Jesu chu gensiatsak ka gaw hâm hâm sek ah; a chung un ka gitlo ma ma ziakin, gam dang khawpi tiang inle ka vadel zui sek hi.

ISAI 11:2

Pilna leh hetthiamna Thagau, lemhetna leh hatna Thagau, hetna leh Lalpa launa Thagau, Lalpa Thagau ngei chun hun thuam ta’n tin,