2 TIMOTHI 1:10 - PATHIAN LEKHABU THIANGTHO (BSI)

¹⁰ himaleh, tu’hin, I Hukdampau Khrista Jesu hung kilat ziakin hi’lat in a um tai; ama chun thina chu hi’bei in, chanchinpha ah chun hinna leh thi theilona a hun tâklang tai.

2 TIMOTHI 1:10 Referans Kwoze

1 JOHAN 1:2

Zia kumtuang hinna, Pa kiang ah um leh kei uh kiang ah latsak ah um ta chu la kiang un ka tâklang tau hi:

ROMTE 16:26

ahi’n la, tu’hun ah hung kipuangdok leh kumtuang Pathian thupiak dungzui ah, jawlneite’n lekha zik mang ah, ginna thuzopna um dawsak theina ding a ti, Jentelte kiang ah hiatsak ah um, a hun hi’hat thei Pathian–

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

TITA 2:11

Pathian doisakna chun, mi zosia â dingin hukdamna a hun kilatsak tangal a;

1 KORINTH 15:26

Mêlma nunung pen sukmanthai ah um ding chu thina ahi.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

2 TIMOTHI 1:1

Paul, Khrista Jesu ah um hinna thutep dungzui ah Pathian doi gual ah Jesu Khrista sawlchâk hin:

EPHESA 1:9

Khrista ah a thiltup, a doilam dungzui ah a lunggil thugûk chu ei hiatsak ta ahi.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

HOSEA 13:14

Sheol thuneina lak ah kipat in amau tandok ding ka hem? Thi’na kipat amau hukdok ding ka hem? Aw thi’na, khoi ah hem la gû chu? Aw Sheol, khoi ah hem la suksiat theina chu? Lainatna kiti chu ka mai ah kipat in sêl mang ahi tai.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.

THUPUAN 22:14

Hinna thing chung ah thu a neitheina ding uh leh, khawpi kul kotkhak ah a lût theina ding un, a pua’n uh sawp thiangte chu a hamphau hi.

THUPUAN 18:1

Ziazaw chun, vansawlchâk pakhat, thilhitheina nasa tak tawh van ah kipat hung suk ka mu’n, a lopina chun lei a salvâk a.

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.

2 PETER 3:2

Jawlnei thiangthote thugen lawk leh, la sawlchâkteu kam ah Lalpa leh Hukdampa thupiak chu la het zingna ding un.

2 PETER 2:20

Lalpa leh Hukdampa Jesu Khrista a het ziak ua khawvel buaknate a taisan nung un, zia ma chun a kihên awk kit ua, thatzaw ah um kit in, a umdan nunung uh chu a masa sâng in a sia zaw tai:

2 PETER 1:11

Tichun, Jesu Khrista I Lalpa leh Hukdampau kumtuang gam ah lûtna chu musak in au.

2 PETER 1:3

Ama lopina leh phatna ah ei kopa, a chanchin het ziakin Pathian thilhitheina’n hinna leh Pathian ngaisakna lam thu ah thil zosia ei pia ta ahi.

HEBRAITE 10:32

Ziaziakchun, sukvak ah la um nung ua, sukgentheina nasa tak ziak ah la thoknateu kha hedok kit unla,

TITA 3:4

Himaleh, Pathian, I Hukhingpau in mihingte a lungsiatna leh hepina a hung latsak nung ah hin,

TITA 2:13

kinepna kipak um, I Pathian lopi tak leh Hukdampa Jesu Khrista kilâkna chu ngâk dingin ei hil a.

2 THESSALONITE 2:8

Zia chu lakmang ahi’phat leh, dan susepa chu hung kilang intin, Lalpa Jesu’n ama chu a kam ah hu thâ khum in that intin, a hung kilâkna chun hi’mangthai in a.

EPHESA 1:18

Chutia, la lungthim mitteu chu hi’vâk a hung hi ah, la hettheina ding un, ama kona kinepnate, mi thiangthote golua ding a lopi dante,

GALATIA 5:4

Nang uh dan ah thiamchan gawte haw, Khrista tawh la kikhen tau ah, hepina chu la puksan tau hi.

2 KORINTH 5:4

Zia In ah I um sung un puakgik pua’n thûm leh mâu in I um un; sil lo ah um I nop ziak uh a hipua’n, silthua ah I um nop ziak uh ahi; a thithei hi hinna’n a valzaw theina dingin.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

ROMTE 6:6

I gitlonau taksa hi suksiat ah a um ah, gitlona suak ah I um tâk lona ding un, I mihing lui uh hi ama tawh khetden in a um tai ti I hiau hi.

ROMTE 3:31

Ahileh, ginna ziak ah dan chu I paithâk uh a hem? Hilo e, dan chu I sudet zawu ahi.

NASEPTE 13:23

Zia pa suan ah kipat chun, Israelte Hukdampa ding Jesu chu a thutiam dungzui in a hun pia ta’n;

NASEPTE 5:31

Ama chun Israelte kiang ah lungheina leh gitlo ngaidamna a piak theina dingin, Pathian in Lalpa leh Hukdampa hiding in a khut changlam in a chawisâng tai.

JOHAN 20:31

himaleh, zia lekhabu hi, Jesu chu Pathian Chapa Messiah chu ahi ngei hi, ti la hun taksan ua, ama ging ah, a min ah kumtuang hinna la neina ding ua zik ahi zawi.

JOHAN 5:40

Himaleh, hinna la neina ding un ka kiang in la hung nuam puau hi.

JOHAN 4:42

Chuleh, amau chun, numei kiang ah chun, “Tu’hin vang nang thugen ziak ah gingcha ka hita puau in, keimau ngei in a thu ka hiau ah, zia hi Messiah, khawvel hukhingpa chu ahi ngei hi ti ka he tau hi,” a tiu a.

JOHAN 1:9

Vâk dik tak, mitin salvâk ding chu khawvel ah hung ahi.

LUKA 13:7

Grep huan kaituapa kiang ah chun, ‘Ngaitia, kum thum hial zia theichang kung ah hin a ga ka vahawl sek in, pakhat chale ka mu ngai puai; phûk mai ta’n, munle a lua hilo a hem?’ a tia.

LUKA 11:36

La taksa chu a pum ah a vâk chun, nangma ah thimna um pua’n tin, thaumei pha tak ah kivâk gual chun, bangkim chu hung vâk suak ziang ding ahi, a tia.

LUKA 2:11

Nang uh â dingin tu’ni hin David khawpi ah Hukdampa a hung piang tai, Lalpa Messiah chu.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

ISAI 45:15

Nangma ngei chu ama leh ama kisêlgu, Pathian tak tak chu la hi; aw Israelte Pathian, Hukdampa ngei chu.

ISAI 43:3

Lalpa la Pathian, Israel Mi Thiangthopa, a hun hukdokpa chu ka hi’ngal a. Nangma kitatdawna dingin, Aigupta gam chu ka pedok ta’n, nangma thatheng dingin, Ethiopia leh Sheba gamte hi ka pedok tai.

1 JOHAN 4:14

Pa chun Chapa chu khawvel Hukdampa hiding in a hun sawl hi, ti ka muu ah, ka hiatsak uh ahi.

2 PETER 1:1

Simon Peter, Jesu Khrista suak leh nungzui hin, Jesu Khrista I Pathian leh Hukdampa dikna ziak ah ginna man tam tak I chan gual changte kiang in:

THUPUAN 20:14

Thina leh mithi khuate chu meidil ah a pai tau a. Zia chu thini’na chu ahi tai.

2 TIMOTHI 1:8

Chutichun, I Lalpau thu hiatsak leh, keima ama min ah suangkul ngâkpa hile ei jachatpi kin la; chanchinpha ziak ah thokgimna hi, Pathian thilhitheina dungzui in ei thokpi zaw’n.

2 TIMOTHI 4:1

Pathian mit mu leh Khrista Jesu, a thite leh a hingte vaihawm piak ding pa mit mu leh, a hung kilâkna ding leh a lenggam chu minsial in, ka hun tîl la hi:

2 TIMOTHI 4:8

Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.