2 SAMUEL 5:3 - PATHIAN LEKHABU THIANGTHO (BSI)

³ Tichun, Israel upate zosia chu Hebron ah lengpa kiang in a hung ua; Hebron ah chun Lengpa David in Lalpa ma-âng in a kiang un thuthung a siam tai; chuleh, amau inle David chu Israelte chung ah leng ah pang dingin sathau a nu’ tau hi.

2 SAMUEL 5:3 Referans Kwoze

2 SAMUEL 2:4

Ziaphatchun, Judah mipite chu a hung khawm tau a, zia mun ah chun Judah Inkuante chung ah Leng hidingin David chu sathau a nu’ tau hi. David in, “Saul kha Jabesh-gilead ah mite’n a la vui tau hi,” ti a het phat in,

1 SAMUEL 23:18

Tichun, amau teni chun Lalpa âng ah thuthung a siam un; David chu Horesh ah a um den ah, Jonathan chu In lam in a chia kit tai.

1 SAMUEL 16:13

Ziaphatchun, Samuel in sathau bûk sakî chu a hun la, a suapite mit mu ah chun sathau a nu’ tai; zia ni kipat chun Lalpa thagau a chung in a hung um ziang tai. Tichun, Samuel le a kipandok ah Ramah lam in a chia kit tai.

2 LENGTE 11:17

Jehoiada chun, Lalpa leh lengpa, chuleh mipite kikâl in leng ahi’na ding thuthung a bawl ta’n, amau chu Lalpa mite ahi’na ding un.

2 SAMUEL 3:21

Abner chun David kiang in, “Israelte zosia ka Lalpa lengpa kiang ah ko khawm dingin vachia ing ka tin, amau chun nang tawh kikâl ah thuthung a siam ua, nang inle la lung gual tak ah a chung ua vai la hawm theina dingin,” a tia. Tichun, David in Abner chu thamuang tak in a sawldok tai.

VAIHAWMTE 11:11

Ziaphatchun, Jephthah tawh Gilead khua upate chu a kiton tau a; chuleh, Gilead khua mite chun ama chu a hotu leh a puitu ding un a guat tau a; chuleh, Jephthah chun Mizpah mun ah Lalpa ma-âng in a thugen zosiau chu a puangjak tai.

NEHEMIAH 9:38

Ziaziakchun, thuthung det tak siam in ka zikdok tau ah, zia thu kizik ah chun ka gam vaihawmteu, Levite leh thiampute min chu a chuang hi.

2 KHANGTHU 23:16

Jehoiada chun mipite tawh lengpa chu a leng ua Lalpa mipite hi chiat dingin thuthung a siam tai.

1 KHANGTHU 11:3

Tichun, Israelte lak ah hotute zosia chu Hebron ah lengpa kiang in a hung tau ah, David inle Hebron ah chun Lalpa hetpi in thuthung a siam tai. Chuleh, Lalpa‘n Samuel kam ah thu a gen gual in, Israelte chung ah leng hiding in David chu sathau a nu’ tau hi.

1 SAMUEL 11:15

Tichun, a leng un Gilgal ah chun a chiau ah; chuleh, Gilgal ah chun Saul chu a lengpau hi dingin Lalpa âng ah chun a bawl tau a. Zia tak ah chun Lalpa kiang ah kichamna thillat a lân ua, Israel mipi zosia tawh Saul chu a kipak ma ma tau hi.

PAWTDAWNA THU 3:16

Chia inla, Israel upate ko khawm inla, a kiang un, ‘Lalpa, la pu la pateu Pathian, Abraham Pathian, Isak Pathian leh Jakob Pathian chu ka kiang in a hung kilâk hen, zia gual hin a gen hi: Aigupta gam ah, bang bang la chung ua tung a hem ti ka he’n, ka hun ngaisak zing la hiu;

JOSHUA 10:36

Joshua chu Israelte zosia tawh Eglon khua kipat in Hebron khua zuan in a chia kit ua; a vado ua,

1 LENGTE 1:34

Tichun, thiampu Zadok leh jawlnei Nathan in zia tak ah chun Israelte chung ah leng hiding in sathau nuu hen la; chun, ‘Lengpa Solomon dam sawt hen!’ ti’n pengkul mût un.

1 KHANGTHU 11:1

Ziaphatchun, Israelte zosia chu Hebron ah David kiang in a hung khawm tau ah, a kiang in, “Ngai in, keihaw hi la chipite ka hiu hi.

2 SAMUEL 2:7

Ziaziakchun, la khutteu chu suk-hat hi hen la, hangsan tak in um un; la lalpau Saul chu a thi ta ngal in, chuleh, Judah Inkuante’n a chung ua Leng hi dingin sathau ei nu’ ta’ngal un,” ti’n a vagensak tai.

1 KHANGTHU 28:4

Ahi’n la, Israelte Lalpa Pathian chun, ka pu leh pate Inkuan zosia lak ah kipat in, kumtuang ah Israelte chung ah leng hiding in ei la têl ta’n; ama chun Judah phung lak ah chunle ka pa Inkuan a têlchuam ah, ka pa Inkuan lak inle Israelte zosia chung ah leng hi dingin a chate zosia lak in keima ei têlchuam kit nalai hi.