2 PETER 3:16 - PATHIAN LEKHABU THIANGTHO (BSI)

¹⁶ A lekhathot zosia’n zia thute hi a gen hi. Ziate ah chun thu het haksate a um ah, ziate chu mi mawl leh detlote’n, Pathian Lekhathu dang a heikawi gual un a heikawi ua, a kisuksiat khawlaw sek ui.

2 PETER 3:16 Referans Kwoze

MATTHAI 15:6

Nangmau thugosia ziakin Pathian thupiak chu la botsia tau ahi.

HEBRAITE 5:11

Ama chanchin gen ding tampi um maleh, hilchian a hak sai, hetna lam ah la mawl ziak un.

2 PETER 2:14

A mit uh ângkawmna dim, gitlona haisan theilote a hiu a; mi detlote a thêm pûk ua; ênna lungthim a puu ah; hânsia law chate a hiu hi.

JAKOB 1:8

ama chu lungthim thua nei, a thil hi zosia ah det lo ahi ngal a.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

JEREMIAH 23:36

Himaleh, “Lalpa puaknat chu,” ti hivang la gen puak tâk lo ding uh ahi; puaknat chu mi tinte kamsuak haw zosia hi a hiziak in; tichun, Pathian hing, sepai honte Lalpa, I Pathian uh kamsuakte chu la kaikawi zo ta’ngal un.

1 PETER 2:8

Chuleh, “Zia suang chu a kipalnau leh, a kipûknau suangpi a hung suak tai”. Thu chu a matlo ziak un, a kipalpâi tau hi; zia gual ding mawng ah chu guat a la hi tangal a.

MATTHAI 22:29

Jesu’n a dawnhu ah, Pathian Lekha thu leh Pathian thilhitheina la het lo ziak un la ngai khial uh ahi.

HABAKKUK 1:4

Tichun, dan chu a tânjau in, vaihawmna dik a um puai. Migilo in mi diktatte a ûm vêl un, ziaziakchun, thudik chu bangmalo a suak tai.

SAM 56:5

Nitum in ka siatna ding a hawl sek un; a ngaituanau zosia le ka siatna ding ngen ahi.

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

2 PETER 2:1

Himaleh, mite lak ah jawlnei lêmte a hung pawt gual un, la lak unle thu diklo hilte hung intin uh, amau chun amau chawpa a puu hial chule kiheisan in, mi susiathei gindan chuamte a gûk in hun paw lut intiu in, amau chung in thakhat in manthaina tung in a.

MATTHAI 15:3

Himaleh, ama chun a kiang un, Aleh, nang un bangatia thugosia chu mang ah, Pathian thupiak chu botsia la hiu em?

1 PETER 1:1

Jesu Khrista nungzui Peter in, Pontas, Galatia, Kappadokia, Asia leh Bithunia gam ah kithejakte,

1 LENGTE 10:1

Sheba ah lengnu chun Solomon minthanna (Lalpa jal ah a minthanna) a het phat in, ama patepna ding ah dotna haksa takte tawh a hung kuan a.

DAN LEKHABU 16:19

Dikna chu manlo sua kiu inla, doichuam bîk la nei lo ding ahi; gawlgûkna le la kiu in; gawlgûkna chun mipilte mit a hi’thûm ah, a dikna thugen uh a changma sek hi.

PAWTDAWNA THU 23:6

Vaihawmna ma âng ah mi chaga ahiziak in a dikna chu kihiatlosak kin.

PAWTDAWNA THU 23:2

Thil diklo bawl dingin mi a tam lam lam la mawk zui lo ding ahi; mi kinialna hiatpitu ah la pan phat leh, a dik lai thiam lo chansak dingin a tam lam lam in pang ziang kin la;

THILSIAM THU 49:4

Tui gual ah det lo la hi’n, chungnung pen hi’na chang thei pua’n la; la pa khunpi la kai ziakin: zia chu la hi’buak ta’n, ka lupna la kãl ziakin.

2 PETER 3:2

Jawlnei thiangthote thugen lawk leh, la sawlchâkteu kam ah Lalpa leh Hukdampa thupiak chu la het zingna ding un.

2 PETER 3:14

Ziaziakchun, doitakte haw, zia gual thilte chu la kinep ziak un, buak bek lo, gensiat bei leh thamuang tak ah a hun mutheina ding in taimat sua unla;