2 PETER 2:12 - PATHIAN LEKHABU THIANGTHO (BSI)

¹² Himaleh, ziate hin thil a hetloteu chu a gensia sek ui. Amau chu ngaituana bei gancha, mat ah hi’bei kit ziang ding gual chu a hiu hi; ganchate gual in mangthai in au.

2 PETER 2:12 Referans Kwoze

JUDA 1:10

Ahi’n la, zia mite hin chu a het lo taphot uh a gensiau ah, ngaituana nei lo ganchate gual ah hetna pianpi a neiteu chun a susia sek uh ahi.

JEREMIAH 12:3

Himaleh, aw Lalpa, nang in lei hia’i. Ka lungthim in a hun nai zing hi ti la mu chian a, lei patep ta ahi. Amau chu belam thalup ding gual in kaidok inla, a kithana ding ni ngâk in koichuam ta’n.

2 PETER 2:19

Amau chu siatna suak hi kawm in, mite chu suak ah kipat pawtna ding thu a tiampiak un; mite chu zaw ah a umnau ma suak in a um sek ui.

GALATIA 6:8

Ama taksa lam ah tû’pa chun taksa lam ah siatna chu luak intin, Thagau lam ah tû’pa vang chun Thagau lam kumtuang hinna luak in a.

SAM 92:6

Zia chu mimawl in a hethei pua’n, mingol inle a hechian thei diak puai.

JEREMIAH 10:21

Belampute chu a ngong bel bul un, Lalpa a dong ngai puau a; ziaziakchun, a lamzang ngai puau a, a belam honteu le a taichek zo tau hi.

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

THUPILTE 14:32

Mi nunsiate chu a thil bawlkhialnau in a kipal pâi sek un; midik chun vang a diktatna ziakin bêl ding a mu zing hi.

2 PETER 1:4

Ziate ziak ah chun a thutiam lûl leh lopi takte chu ei pia’n; chutichun, nopna ziak ah khawvel ah siatna hung um hi taisan in, zia thutep lûl leh lopi takte ziak ah chun, Pathian nunchan kikoppi thei in lau.

JOHAN 8:21

Chuleh, a kiang un Jesu’n zia thu hi a gen kit a: “Chia mang ding ka hi, ei hawl in la tiu in; himaleh, nanghaw chu la gitlonau in thi ding la hiu. Ka chiana lam ah hung theilo ding la hiu,” a tia.

EZEKIEL 21:31

La chung in ka lungnatna buntha’ng ka tin; la chung ah ka hachang thakna mei sêm ing ka. Mi hiamngam, mi tha thiamte khut in hun pedok ing ka.

JEREMIAH 5:4

Ziaphatchun keima’n, “Zia mite hi migenthei leh, ngaituana neilote a hiu hilam e, Lalpa lampite leh a Pathian dan uh chu a hepuau hi.

SAM 94:8

Mi lak lak ah thada pente haw; mingol, bangtik leh hung pil ding la hem?

SAM 49:10

Mipil I vak et leh a thi tho un; mingol leh mimawlte le a thi gêl ui, a hausaknau mi dangte â dingin a nusiau hi.

MARKA 7:22

thanhuainate, du-âmnate, phatlonate, mithep nopnate, huknate, kisaktheinate, mi demsiat nopnate, ngolnate haw hi a hung pawt sek hi.

KOLOSSA 2:22

Ziate chu I mat zaw leh mangthai ding ahi; mihingte thupiak leh thugin mai ahi.