2 KHANGTHU 7:3 - PATHIAN LEKHABU THIANGTHO (BSI)

³ Israel mipi zosia chun vanah kipat mei hung ketha leh, Lalpa lopina’n Tempul a hun chup ziang chu a mu phât un, dawdan chung ah lei tual si hial ah bokkhup in, Lalpa ho in a kiang ah zia gual hin kipak thu a gen tau a: “Ama a phat ziakin, a ngilneina’n le kumtuang a dai hi,” a tiu a.

2 KHANGTHU 7:3 Referans Kwoze

2 KHANGTHU 5:13

Pengkul mutte leh La sate mawpuakna chu: Lalpa pâkna leh kipak thugenna ding ah a thil githeiteu chu pakhat git gual ah hiat thei ding ah tumgit ahi, pengkul leh vai khutbette leh thil tumgit thei zosia tawh a awu hun sua in: “Ama a phat ziakin, a ngilneina chunle kumtuang a dai hi,” a tiu a; Ziaphatchun, Lalpa lopina sûmpi chun In chu a hun lua dim tai.

2 KHANGTHU 20:21

Mipite kiang ah thu a gen zaw phatin, nibîk poimaw ah a kithuamna ding uh a siampiakte chu kithuam ah, Lalpa pâkna La sa ding ah a la guatdawsate chu hung kipan in; “Aw, Lalpa kiang ah kipak thu gen un, a ngilneina chun kumtuang a dai ngâlah,” ti’n sepaite âng ah chun a chiau a.

LUKA 1:50

Ama ki’chate chung ah chun, a jangaina chu a khang, a khang inle um zing ta’n a.

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

EZRA 3:11

a kidawngtua in Lalpa pakcha’n La a sau a: “Ama a pha hen, Israelte chung ah a ngilneina’n kumtuang a dai hi,” a tiu a. Lalpa In suangphûm lep pat ahi tâk ziak ah kipak in, mipi zosia ngai tak ah kiko in Lalpa a pâkcha tau hi.

PAWTDAWNA THU 4:31

Mipite chun a taksang ngal tau ah: Lalpa chun Israel mipite a kantha tai ti leh, a gentheinateu le a mu tai ti a het phat un, a bokkhup ua, Pathian chibai a bûk tau hi.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

SAM 103:17

Lalpa ngilnei hepina vang, ama laute chung ah kumtuang ah pat, kumtuang tiang in um intin; a dikna chule a suan a pâkte tiang in um intin;

SAM 95:6

Aw hung unla, a ma-âng ah bokkhup in ho hitiu, Lalpa ei Siampa ma ah hin khiangkho hitiu!

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

1 KHANGTHU 16:41

Lalpa ngilneina leh hepina’n kumtuang a dai ziak ah, a kiangah kipakna thu gen zing ding ah Heman, Jeduthun, leh midang a min uh taklat ah umte cheng chu guat a hiu hi.

1 LENGTE 18:39

Mi zosia’n zia chu a mu phât un, a mai ua lei tual si’n, “Lalpa chu Pathian ahi ngei mai hi! Lalpa chu Pathian ahi ngei mai hi!” a ti tau a.

KISIMNA LEKHABU 16:22

Ziaphatchun, a maichang ua leitual si hial ah bokkhup ah pauchap in: “Aw Pathian, taksaphe leh vo nei zosiate hinna Pathian, mi pakhat gitlona ziakin mipi zosia chung ah lungna ziang ding la hi em?” a tiu a.

KISIMNA LEKHABU 14:5

Ziaphatchun, Mosi tawh Aron chu Israel mipite âng ah chun a bokkhup tau a.

THIAMPUTE LEKHABU 9:24

Lalpa ma ah kipat in meikuang a hung pawtdok ah, mâichâm chung ah hâlmang thillat leh sathaute chu a hun kângtum ta’n; zia chu mipi zosia’n a mu un a kiko ua, a mai ua leisi’n, a khupbok khep khup ziang tau hi.

1 KHANGTHU 16:34

Lalpa chu a pha ngal ah, a kiang ah kipak thu gen un; a ngilneina’n kumtuang a dai hi.

SAM 100:5

Lalpa chu a pha ngal a; a ngilneina chun kumtuang dai intin, a ginumna chule suan zosia tiang in, umzing ding ahi.

SAM 106:1

Lalpa chu pâk un! Aw Lalpa kiang ah kipak thu gen un, ama chu a pha ngal a; a ngilneina’n kumtuang dai ding ahi ngal a.

SAM 107:1

Aw, Lalpa kiang ah kipak thu gen un, ama chu a pha ngal ah; a ngilneina’n kumtuang a dai ngal a.

SAM 118:1

Aw Lalpa kiang in kipak thu gen un, ama chu a pha ngal a; a ngilneina’n kumtuang a dai hi.

2 KHANGTHU 20:18

Ziaphatchun, Lalpa chu ho in Jehoshaphat in lei tual si hial in a bokkhup ah; tichun, Judah mipi zosia leh Jerusalem khua chêngte zosia chule Lalpa âng in a bokkhup chiat tau hi.

2 KHANGTHU 29:28

Mipi kikhawm zosia chun Lalpa a biau ah, La sa pawlte chun La a sau ah, pengkul chawite chun a mût chiat un; hâlmang thillat zaw masia zia gual chun a bawl tau hi.

2 KHANGTHU 29:29

Thillat zaw phat chun, lengpa tawh a kiang ah um haw zosia chun, bokkhup in Pathian a ho tau hi.

2 KHANGTHU 29:30

Lengpa Hezekiah tawh a milian leh lalte chun, David La phuakte leh thiamgau Asaph La te chu Lalpa pâkna ding ah sa dingin, Levi mite chu thu a piau a. Lim tak in pâkna La te chu a sau ah, Pathian ho in a bokkhup tau hi.