2 KHANGTHU 6:4 - PATHIAN LEKHABU THIANGTHO (BSI)

⁴ a kiang un zia gual hin a gen ah: “Israelte Pathian, Lalpa chu pâk in um hen la, ama’n ka pa David kiang ah a la kikam tiam in:

2 KHANGTHU 6:4 Referans Kwoze

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

MATTHAI 24:35

Lei leh van mangthai intin, ka thu ahileh vang mangthai pua’n a.

SAM 68:4

Pathian chawihoi in La sau inla, a min pâk in La sau in; van sûm chung ah chia sekpa pâkna La, ngai tak in sau inla, a min chu Lalpa ahi’n, a ma-âng in kipak tau in.

SAM 41:13

Lalpa, Israel Pathian chu, kumtuang ah kipat kumtuang tiang in, chawihoi in um ta hen. Amen, Amen.

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

1 KHANGTHU 29:10

Ziaphatchun, David chun mipi kikhawm zosia ma-âng ah chun Lalpa a chawihoi ta’n; David in zia gual hin a gen a: “Aw Lalpa, ka suantu bul uh Israel Pathian, nangma chu kumtuang tiang in ka chawihoi hi.

1 KHANGTHU 17:12

Ama chun, ka In ding ei sak piak intin, a lalchutpha chu kumtuang dai dingin sudet ngei ding ka hi.

1 LENGTE 8:15

Zia gual hin a gen a: “Ka pa David kiang ah a kam ngei ah a la thutep zosia a khut ngei ah suguitungpa, Lalpa, Israelte Pathian chu maljawl in um ta hen!

2 KHANGTHU 6:3

Ziaphatchun, lengpa chu a kihei ah, Israel mipi zosia chu a kiangah a din khawm lai tak un, Israel mipi hung khawm zosia chu mal a jawl ah;

2 KHANGTHU 6:5

‘Aigupta gam ah kipat ka mipi ka puidaw ni’ kipat in, Israel phung tin lak ah khoima tak hile ka min umna ding ah In sakna dingin ka la têl ngai pua’n; ka mi Israelte chung ah hotu dingle kuama ka la têl ngai diak puai;

2 KHANGTHU 6:15

la suakpa, ka pa David kiang in la thutiam chu la la guitun ta hen; ahi ngut hi, la kam ah la la gendawsa chu tu’ni hin la khut in la pitinsak tai.

2 KHANGTHU 6:17

ziaziakchun, Aw Lalpa, Israelte Pathian! La suak David kiang ah la thutiamna paukamte chu sukpitin in um ta hen!

NEHEMIAH 8:6

Ezra in, Lalpa Pathian lopi tak chu a chawihoi ah, mipite chunle, “Amen, Amen,” ti ah dawnhu in a khut teu a jak ua. Chuleh, a luchang uh kûn in, a maichang ua lei tual si hial hial in Lalpa chu a ho tau a.