2 KHANGTHU 5:2 - PATHIAN LEKHABU THIANGTHO (BSI)

² Ziaphatchun Solomon in, Israel upate leh phung tin ah hotute leh Israel mipite lak ah a pu leh pateu dungzui ah phung u’pate zosia chu, David khawpi Zion ah kipat Lalpa thuthung thingkuang vapawdok dingin Jerusalem khua chun a ko khawm in,

2 KHANGTHU 5:2 Referans Kwoze

2 SAMUEL 6:12

Pathian thuthung thingkuang ziakin Obed-edom chanaute leh a nei a lamteu chu Lalpa‘n a malzawl hi, ti Lengpa David kiang ah a hil tau a. Tichun, David chu a kuan ah, Obed-edom In ah kipat Pathian thuthung thingkuang chu David Khawpi ah kipak tak in a vapaw ta’n;

2 KHANGTHU 1:4

(Ahi’n, David in Pathian thuthung thingkuang umna ding ah a bawlna mun ah koi dingin Kiriath-jearim ah kipat in a la pawdok zo tau a; Jerusalem ah chun a koina ding puanbûk a la jak zo tai.)

SAM 87:2

Lalpa‘n Zion kotkhakte chu, Jakob chênna mun zosia sâng inle a ngaina zawi.

SAM 2:6

“Keima ngei in ka tâng thiangtho Zion ah, ka lal chu ka chutsak ta ahi,” ti in.

2 KHANGTHU 5:12

thiampute dan ah La sa pawlte: Asaph, Heman, Jeduthun leh a chateu leh a Inkuanteu zosia, puan malngat ah kithuam ah, vai khutbette, theilete leh lilute chawi kawm ah, mâichâm sualam kâi ah thiampu pengkul mutte za khat leh sawmni chu tawh a ding khawm ui.)

2 KHANGTHU 5:1

Tichun, Lalpa In ah sep leh bawl ding zosia chu Solomon in a zo thiang tai. A pa David in a la lat thiansa zosia chu Solomon in a la lut sik sek ah, Pathian Insung go thil lak ah chun dangka thik, sana leh ûm leh bêl zosia chu a koikhawm tai.

1 KHANGTHU 28:1

Israel gam vaihawmte zosia tawh, phung tin ah vaihawmte zosia tawh, lengpa nasêm ding ah a pawl pawl ah kisiamte chung ah hotute zosia tawh, sepai a sang têl chung ah hotute tawh, sepai a za têl chung ah hotute tawh, lengpa leh a chate go thil leh gan-gual zosia chung ah mawpawte zosia tawh, leng Inpi sung ah milian leh lalte tawh, gâlhangsante tawh, sepai hat zosia chu Jerusalem khua hung khawm dingin David in a ko khawm tai.

1 KHANGTHU 26:26

Zia Shelomoth hi tawh a suapite chu, Lengpa David tawh, phung tin ah upate tawh, sepai sang khat chung ah leh za khat chung ah hotute leh, sepai lak ah hotu hi’na nei zosiate’n Pathian kiang ah a thillatteu chu enkoltu’n a pang ui.

1 KHANGTHU 24:31

Zia hi Lengpa David, Zadok, Ahimelekh tawh, thiampute leh Levi Inkuan ah a upa pen leh a chapang pente mit mu ah, Aron suan dungzui ah, a Inkuan a Inkuan un a âisân dan ua kia chu ahi.

1 KHANGTHU 24:6

Lengpa, hotute, thiampu Zadok, Abiathar chapa Ahimelekh, leh thiampute lak ah upate tawh Levi phung ah mite zosia ma-âng ah chun, Levi suan ah mi, Nathanel chapa Shemaiah lekhazikpa chun, a min uh chu a zikdok ah; Eleazar Inkuan ah mi pakhat tawh Ithmar Inkuan ah mi pakhat gêl a têldok tau hi.

1 KHANGTHU 16:1

Pathian thuthung thingkuang chu, David in a koina ding ah puanbûk a bawl ah chun a paw lut tau a; Pathian kiang ah hâlmang kithoina tawh kichamna kithoinate chu a bawl tau hi.

1 KHANGTHU 15:25

Tichun, David tawh Israel lawi upate leh sepai sang khat chung ah thuneite chu a chiau ah, Obed-edom In ah kipat Lalpa Thuthung thingkuang chu kipak tak ah vapawdok dingin a kuan tau hi.

1 KHANGTHU 15:12

a kiang un, “Nanghaw hi Levite Inkuan lak ah hotute la hiu a; Israelte Pathian, Lalpa thuthung thingkuang, a umna ding ah ka guatna la puak lut theina ding un, nangmau leh la chanauteu haw chu suthiangtho un.

2 SAMUEL 5:7

Himaleh, David in zia kulpi det Zion chu a la ta’n, zia tak chu David khawpi a hung hiden tai.

KISIMNA LEKHABU 10:36

Chuleh, thuthung thingkuang chu a chawlna ding a tun phat leh, zia gual hin a gen ding ahi: “Aw Lalpa, Israel mipi, a sâng ah simte kiang lam in hung kile’kit in,” ti in.

KISIMNA LEKHABU 10:33

Chutichun, Lalpa tâng ah kipat in a kipandok un, Lalpa thuthung thingkuang a ma lam un giamun kitûpna mun hawl lawk dingin ni thum lam in a jawn un;

THIAMPUTE LEKHABU 9:5

Mosi gen gual in kikhopna biakbûk mai ah chun a hun kai tau a; mipi zosia le hung khawm in Lalpa âng in a ding tau a.

1 KHANGTHU 15:1

David khawpi chun David in a In dingte a sa ta’n, Pathian thuthunna thingkuang umna dingle a siam ah, puanbûk a jak piak a.

1 KHANGTHU 15:3

David in Israelte zosia chu Jerusalem khua hung khawm ah, a umna ding mun a siamna chu Lalpa thuthunna thingkuang paw lut dingin mi a ko khawm a,