2 KHANGTHU 1:12 - PATHIAN LEKHABU THIANGTHO (BSI)

¹² pilna leh hiatthiamna chu la kiang ah ka hun pia tai. Chuleh, la masang ah leng dang zosia leh la nung ah hung um nalai dingte zosia’n le a nei khak nai lo uh hausakna, nei leh lam leh ja’umna le hun piakbe ding ka hi,” ti’n a hun gen hi.

2 KHANGTHU 1:12 Referans Kwoze

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.

2 KHANGTHU 9:22

Chutichun, Lengpa Solomon chun khawvel ah leng dang haw zosia chu hausakna leh pilna’n a khum khêl vek hi.

MATTHAI 6:33

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

EPHESA 3:20

Tu’hin, eimau ah sêm sek thilhitheina gual in, I dot leh I ngaituana zosiau khêl ah lopi zaw ah hitheipa kiang ah chun,

1 KHANGTHU 29:25

Lalpa‘n Solomon chu Israelte zosia mit mu in nasa tak in a chawisâng ah; chuleh, Israel lakah ama masang ah leng zosia’n a la chan khak ngai lo uh ja’umna sâng tak chu a pia tai.

THUGENTU 2:9

Tichun, ka hung lopi ta ma ma ziang ah, Jerusalem ah ka masang ah a la um zosia chu nasa tak in ka khêl ah; ka pilna’n le ei nusia puai.

1 KHANGTHU 29:12

Hausakna leh ja’umna nangma ah kipat ahi’n, bangkim chung in vai la hawm hi. La khut ah thilhitheina leh hatna a um in; la khut in mi zosia letna leh hatna la pia thei hi.

NEHEMIAH 13:26

Israelte Lengpa Solomon khan le zia gual ah numeite ziak ah gitlona hi a bawl kha ta hilo a hem? Nam tam takte lak ah ama gual ah Leng hi a la um kha pua’n, ama chu Pathian doisakna a la chang in, Israelte zosia chung ah Leng hiding in Pathian in a la siam ta ahi kha; himaleh, nam dang numeite’n ama nasan le gitlona’n a pûk lutsak tau ahi.

THUGENTU 5:19

Zia gual ma chun, mitin Pathian in hausakna leh sum leh pâi a piak ah, a nopsakpi ding ah a piak chu a nopsakpi thei nâk ahi chun, zia chu a sepgimna ga, Pathian thilpiak chu ahi mai hi.

1 LENGTE 10:24

Lei ah mi zosia’n Pathian in a piak, a lungthim ah pilna a koi chu ngaithâk nuam in, Solomon kiang in a hung sek ui.