1 TIMOTHI 6:5 - PATHIAN LEKHABU THIANGTHO (BSI)

⁵ ngaituana gilo leh thutak neilo mite lak ah chun kinialnate a um sek ah, amau chun Pathian ngaisak hi lawkna ding bep in a ngaituau hi.

1 TIMOTHI 6:5 Referans Kwoze

2 TIMOTHI 3:5

pawlam bep ah Pathian ngaisak, himaleh a thilhitheina taksanglote hi ding a hiu. Zia gual mite chu kiheisan in!

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.

TITA 1:11

Zia gual mite chun lawkna dik lo ngaitua in, thu hilo lo gen in mi a Inkuan kuan in a susia sek ua, ziate chu a kam uh huk piak ding a hiu.

2 TIMOTHI 3:8

Janes leh Jambreste’n Mosi a kilanpi gual uh khan, zia mite hinle thutak chu a kãl sek ui; lungthim buak sa, ginna lêm nei mi a hiu hi.

1 TIMOTHI 6:6

Lungawina tawh kithua ah Pathian ngaisakna hi lawkna thupi tak chu vang ahi him hi;

1 TIMOTHI 3:3

zudawn mi hilo, khutthâk chîng lo ah mi nunnem hizaw, kinak chîng lo leh dangka ngaina lo ahi ding ahi.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

MATTHAI 12:33

Thing pha chu a ga le a pha’n, thing phalo chu a ga le a pha puai: thing chu a ga ah hetthei ahi.

1 TIMOTHI 1:6

Mi khenkhat in ziate chu pêtmangsan in, thuman lo phatchuamna beite chu a buaipi zaw tau a.

THUPUAN 18:3

A thanhuainau lungnatna uain chu a dawn khawm ua, lei ah lalte chun a thanhuai piu a, amanu nopsakna ah chun, lei ah sumkawlveite a hausak khawlaw tau a”.

JUDA 1:11

A chung uh a gik hi! Kaina lampi a zui un, lawkna del ah Balaam dik lona chun ha’tai in a tai un; Korah helna chun a mangthai khawm tau hi.

2 PETER 2:15

Bosor chapa Balaam, diklo tak sum thangaipa lampi chu a haw tâk ziak un, lam dik pêtmangsan in a vâk mang tau hi.

1 TIMOTHI 3:8

Zia gual ma chun kochuam ah hotu dingte chu mi titak ahi diu ahi; mi kam tam, zudu, dangka huaihap hi kiu hen.

2 THESSALONITE 3:6

Suapite haw, ka kiang ua kipat thugosia a mu gual ua umlo ah, dan lo gual ah um suapite zosia ah kipat kikoikâng dingin I Lalpa Jesu Khrista min in thu ka hun pia la hiu.

MATTHAI 21:13

A kiang un, Ka In chu pauchapna In kiti ding ahi, ti ah kizik ahi; himaleh, nang un guchate kikhum khawmna’n la mang ui, a tia.

EZEKIEL 33:31

Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

ISAI 56:11

Uicha chu a gawlsan un, vâ chintawk a nei puau hi. Belampute’nle hiatthiamna a nei puau in; a leng un amau lawkna ding bep ngaitua in, amau lampi chiat a zui zo tau hi.

THUPUAN 18:13

Chuleh, thîngthâlte, thilgimtuite, gimtui kinu’thawte, begawte, uainte, Oliv sathaute, changbuangte, gehu bute, bawngte, belamte, sakolte, kângtalaite, suak leh sal leh mihing hinnate, zia te hi a hiu.

1 KORINTH 11:16

Kuale kinial thanuam a um chun, zia gual dan him him chu I nei puau hi; Pathian kochuamte’n le a nei diak puau hi.

1 TIMOTHI 4:7

Thu kiphuak kawm polche leh tuanthu manlote ah chun kihi’ nât kin. Pathian ngaisakna lam in kisawizoi in.

1 TIMOTHI 4:8

Taksa lam ah kisoizoina hin phatchuamna a nei tho hi; himaleh, Pathian ngaisakna chu bang lam lam inle a phachuam hi; tu’ ah hinna leh hinna hung tung ding tiang ah thutep nei ahi.