1 TIMOTHI 6:14 - PATHIAN LEKHABU THIANGTHO (BSI)

¹⁴ I Lalpau Jesu Khrista suklat ahi masia, thupiak chu buak lo leh dem bei in vop zing in.

1 TIMOTHI 6:14 Referans Kwoze

2 PETER 3:14

Ziaziakchun, doitakte haw, zia gual thilte chu la kinep ziak un, buak bek lo, gensiat bei leh thamuang tak ah a hun mutheina ding in taimat sua unla;

1 PETER 1:7

Sana, mei ah patep nung ah le mangthai thei sekte sâng ah man phazaw, la ginnau chu Jesu Khrista hung kilâk phat leh, pâkna leh choihoina leh lopina a hung hi’theina dingin.

1 THESSALONITE 5:23

Chamna Pathian ngei chun la pum un hi’thiangtho ta hen; chuleh, la thagau uh leh, la lungthim uh leh, la taksau chu I Lalpa Jesu Khrista hung tiang ah thiangtho leh demna bei in um ta hen.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.

TITA 2:13

kinepna kipak um, I Pathian lopi tak leh Hukdampa Jesu Khrista kilâkna chu ngâk dingin ei hil a.

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

2 TIMOTHI 4:1

Pathian mit mu leh Khrista Jesu, a thite leh a hingte vaihawm piak ding pa mit mu leh, a hung kilâkna ding leh a lenggam chu minsial in, ka hun tîl la hi:

2 THESSALONITE 2:8

Zia chu lakmang ahi’phat leh, dan susepa chu hung kilang intin, Lalpa Jesu’n ama chu a kam ah hu thâ khum in that intin, a hung kilâkna chun hi’mangthai in a.

KOLOSSA 4:17

Chuleh, Arkhippa kiang ah khan, “Nasepna Lalpa ah la mu kha mualsua dingin chingthei in,” a la tiu in.

KOLOSSA 1:22

tu’hin vang ama leisiat hinkhua taksa hun thi’sak in, thiangtho, demna bei leh mawchansak theilo ding ah a ma-âng ah a hun piakdaw theina ding in,

PHILIPPI 1:10

tichun, thil phazaw diakte chu la tup ua, Khrista ni ah thiangtho leh dem kâi lo ah la umtheina ding un.

1 KORINTH 1:8

Ama chun I Lalpau Jesu Khrista ni phat leh demna bei ah a hun koitheina dingin, a tawp chan in hun hi’det ding ahi.

SOLOMON LÂ 4:7

Ka hepi, La mêl chu a pha bukimna lawm lawm e! nangma ah chun demna ding him him a um puai.

1 JOHAN 3:2

Doitakte haw, tu’hin chu Pathian chate I hitau hi; bang gual ah I um ding uh vang a kilang nai puai. Ama chu a hung kilat phat leh, ama chu ahi’na gual tak in mu tai tiu in, ama gual in um ding I hiu ti vang I hiau hi.

1 PETER 1:19

belamno dem kâilo leh buak kâilo gual ah, Khrista thisan lûl ah tat la hiu, ti la he ngal un.

1 TIMOTHI 6:20

Timothi, la kiang ah vopsak ah um chu vêngpha ta’n. Diklo tak ah pilna a tiu, thu kigen mai mai leh kinialnate chu kiheimang san in;

2 THESSALONITE 2:1

Suapite haw, I Lalpa Jesu Khrista hung kitna leh ama tuak ding ah I kikhopna ding thuu ah chun,

1 THESSALONITE 3:13

Chuleh, I Lalpa Jesu, a mithiangtho zosia tawh a hung phat leh, I Pathian leh I Pau ma ah thianthona lam ah demna bei ah la umtheina ding un, la lungthimteu hun hi’hat piak ta hen.

PHILIPPI 2:15

Khangthak gilo leh lungkawite, khawvel ah a lak ua aksi vâkte gual ah la chênnateu lak ah, Pathian cha gensiat bei leh thiangtho,

PHILIPPI 1:6

Nangmau ah nasep pha panpa khan, Jesu Khrista ni tiang in sêm bukim ngei in ah ti chu, ka gingcha ahi.

EPHESA 5:27

a kochuam chu mêlhêmna bei leh thiangtho tak ah, ama â ding ah mêlpha leh gun tak ah a umtheina ding un a kipumpiak tangal a.

1 KHANGTHU 28:20

Zia ban ah chun, David in a chapa Solomon kiang ah chun zia gual hin a gen a: “Hat tak leh hangsan tak in um in, zia haw chu bawldok sik sek in. Lauthawng kin la, lungthuai diak kin; Lalpa Pathian, ka Pathian chun a hun umpi la hi.

2 PETER 2:21

Dikna lampi a het nung un thupiak thiangtho a kiang ua vopsak ah um chu nungngatsan kit sâng in, dikna lampi chu helo hizaw maileu amau â dingin phazaw ding hive’n!

2 PETER 3:2

Jawlnei thiangthote thugen lawk leh, la sawlchâkteu kam ah Lalpa leh Hukdampa thupiak chu la het zingna ding un.