1 TIMOTHI 6:13 - PATHIAN LEKHABU THIANGTHO (BSI)

¹³ Pathian, thil bangkim hinna pepa leh Khrista Jesu, Pontia Pilat ma ah puandawna pha puangpa âng in thu ka hun pia ahi:

1 TIMOTHI 6:13 Referans Kwoze

MATTHAI 27:11

Jesu chu gam ukpa ma-âng in a ding ah, gam ukpa chun, “Judate Lengpa la hi em?” ti’n a dong a. Jesu chun, “La hi lei ti chu lam,” a tia.

1 TIMOTHI 5:21

Pathian leh Khrista Jesu leh, vansawlchâk têlte mit mu in ka hun hil la hi: zia thute hi doisak chuam neilo in zui inla, khen chuam nei in bangma bawl kin.

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi:

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

JOHAN 5:21

Pa chun, mithile kaitho kit ah hinna a piak sek gual in, Chapa hinle a nop nop chu hinna a pethei hi.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

1 TIMOTHI 6:12

Ginna kidona pha chu do inla; kumtuang hinna chu tudet ta’n; zia ding ah chu ko leh, hiatpitu tam takte ma ah puandawna pha chu bawl ta la hi kha.

1 TIMOTHI 2:5

A ziak chu, Pathian pakhat bep a um ah, Pathian leh mihing kikâl inle Palai pakhat bep a um hi, ama Khrista Jesu, Mihing ngei chu,

NASEPTE 17:25

ama chu thil tâksap nei gual in mihing khut ah zen lum let ngai le ahi puai; ama chun thithei zosia kiang ah hinna, hiattheina leh thil zosia a piak ahi zawi.

JOHAN 19:11

Jesu’n a dawnhu, “Chunglam ah kipat piak la hilo leh ka chung thu hin bangma thu nei thei pua’n la; ziaziakchun, la khut ah ei pedokpa chun gitlona a nei lian zawi,” a tia.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 5:26

Pa chun ama ah chun hinna a nei hi; zia gual ma chun Chapa’nle hinna nei dingin a pia’i;

1 SAMUEL 2:6

Lalpa‘n a thatah, a hinsak kit tai; Sheol ah a paitha suk in, a kaidok kit tai.

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

MATTHAI 27:2

Ama chu kân sa’n a pui ua, gam ukpa Pilat kiang in a pedok tau ahi.

2 KORINTH 9:13

Zia nasepna hin patep ah um in, Khrista chanchinpha ah la thugin uh la zui thuu leh, amau leh mi zosia â ding ah thilpiak ah la kiphal dan uh hin Pathian ahi’lopi hi.

GALATIA 3:26

Khrista Jesu gin ziakin Pathian chate la hung hi chiat tau hi.

1 TIMOTHI 1:12

Keima hatna ei pepa, Khrista Jesu I Lalpau kiang in kipak thu ka gen hi; ama chun ginum ah ei ngai in, a nasêm ding ah ei pansak ziakin.

1 TIMOTHI 1:15

Khrista Jesu chu migilote hukdam dingin khawvel ah hung ahi, ti hi taksan um leh pom tâk ahi. A lak ua gilo Chungnung pen chu keima ka hi.