1 TIMOTHI 5:3 - PATHIAN LEKHABU THIANGTHO (BSI)

³ Meithâi hi tak tak, meithâite chu jabawl in.

1 TIMOTHI 5:3 Referans Kwoze

DAN LEKHABU 27:19

Gamdang mite, nauchagate leh meithâite diklo tak ah vaihawm piakte chu hânsiadong in um tau hen, tiu hen la. Mipi zosia’n, “Amen,” ti’n dawnhu tau hen.

NASEPTE 6:1

Nungzuite chu a hung tam deu deu phat un, a nisi’n an hawmnau ah a meithâiteu a ngaisak zaw lo ziak un, Grikpau mangte chu Hebraite chung in a hung phun tau a.

DAN LEKHABU 14:29

Lalpa la Pathian un la khut nasep zosiau ah a hun maljawl theina dingin, la lak ua chantum nei lo Levite leh la lak ua gam dang mi chêngdente, nauchagate leh meithâite chun a vâ chiat un a hung ne ding uh ahi.

DAN LEKHABU 10:18

nauchaga leh meithâite dik tak ah vaihawm piak ah, gam chuam mite a khawtuana tâklang zing ah, a nêk ding, sil leh chên khomtua zing ahi ngâl a.

1 PETER 2:17

Mi zosia ja unla, gingtu suapite chu hepi un. Pathian lau unla, Lengpa chu ja tau in.

DAN LEKHABU 16:14

Zia kût ah chun, nangmau leh la chapateu, la chanuteu, la suakteu pawsal leh numeite, la khaw sung ua chêng Levite leh gam dang mite, nauchagate leh meithâite tawh lim tak in la chêng khawm ding uh ahi.

DAN LEKHABU 16:11

Lalpa la Pathian un a min umna ding ah a guatna mun ah chun, nang tawh la chapate, la chanute, la suakpa leh la suaknute, la lak ua um Levite, gam dang mite, nauchagate leh meithâite chu tawh la leng un, Lalpa la Pathian uh ma-âng ah lim tak in la ûm khawm ding uh ahi.

PAWTDAWNA THU 20:12

La nu leh la pa ja in; chutileh, Lalpa la Pathian in a hun piak gam ah hin la dam sung nikhua a sawt theina dingin.

1 PETER 3:7

Pawsalte haw, zia gual ma chun, numei chu bêl kêk vak zaw leh, hepina hinna gochanpite a hiu hezing kawm in chawihoi un; tichun, la pauchapnateu dâl in umlo ding ahi.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

1 THESSALONITE 2:6

Nangmau lak hin, midang lak ah hitaleh, mihingte pakchat ka hawl ngai puau hi,

NASEPTE 9:39

Tichun, Peter le a kipan ah, a zui ngal ah; a tun phatin pindan chungnung lam ah chun a pui to pai tau a. Meithâite zosia chu a kiang ah dingin a la kap un, Dorka chun a dam lai ah amau â ding ah a puanâk leh puan a bawlpiakte chu a la etsak ua.

LUKA 7:12

Khawpi kul kotkhak a hun nai phat un, mithi pakhat a hun jawndok ua. Ama chu a nu chapa changkhat neisun ahi’n, a nu chu meithâi ahi; khawpi mipi tam tak inle a hun zui un.

LUKA 2:37

chuleh kum sawmgiat leh li sung meithâi ah a la khawsa ta, tempul ah kipat pawtdok lo ah, a sun a jan ah anngawl ah pauchap sek ahi’n.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

MATTHAI 15:6

Nangmau thugosia ziakin Pathian thupiak chu la botsia tau ahi.

JEREMIAH 49:11

La nauchagateu chu nusiau in, keima’n a la enkol na’ng ka, la meithâiteu inle ei muang mai uh hen.

SAM 146:9

Lalpa‘n gamdang mite chu a vêngpha sek hi; nu leh pa neilote leh meithâite a khawtua in, mi gilote lampi’n vang siatna a tun sek hi.

SAM 94:6

Meithâi leh malzin a that un, nauchaga a that un,

SAM 68:5

Pathian, a umna thiangtho ah chêngpa chu, pa neilote pa leh meithâite khawtuapa ahi.

JOB LEKHABU 31:16

Migentheite thildoi ka la piak nop lo ah, meithâite mittung lo ah ka la um ah;

JOB LEKHABU 29:13

Mi beidongte maljawlna ka dong ah, meithâite lunggil ah kipakna La, ka sak sak sek in.

1 TIMOTHI 5:2

numei upa zaw te chu nute gual leh, numei naupang zaw te chu suapite gual ah thiangtho tak in hil in.

JOHAN 1:47

Jesu’n a kiang lam zuan ah Nathanael hung chu a la mu in, a chung thu a la gen a, “En tiam un, Israel mi tak, zuauthepna neilo mi saw!” a tia.

NASEPTE 9:41

A khut a vak pia, a hun kaitho tai. Mi thiangthote leh meithâite chu a hun ko ah, dam tak in amau kiang ah chun a hun puidok tai.