1 TIMOTHI 5:15 - PATHIAN LEKHABU THIANGTHO (BSI)

¹⁵ Mi khenkhat in Setan nungzui in a pêtmang tau hi.

1 TIMOTHI 5:15 Referans Kwoze

2 PETER 2:2

Mi tam tak in a hûkna thilteu chu chîng intiu in, amau ziakin lam dik chu gensiat hi’n a.

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.

2 TIMOTHI 4:10

Dema chun tu’lai khawvel a ngainat ziakin ei nusia in, Thessalonika khua’n a chia tai; Kresen chu Galatia gam ah, Tita le Dalmatia gam lam in a chia tau hi.

1 TIMOTHI 1:20

ziate lak ah chun Humenai leh Aleksander le a hiu in; amau chun Pathian a gensiat tâk lona ding un Setan kiang in ka pedok tai.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

2 PETER 3:16

A lekhathot zosia’n zia thute hi a gen hi. Ziate ah chun thu het haksate a um ah, ziate chu mi mawl leh detlote’n, Pathian Lekhathu dang a heikawi gual un a heikawi ua, a kisuksiat khawlaw sek ui.

2 TIMOTHI 2:18

amau chun, thawkitna chu a tung zo tai, ti’n thutak a pêtmangsan tau a. Amau chun mi khenkhatte ginna a subuai tau hi.

2 TIMOTHI 1:15

Asia gam ah um zosia’n ei nusia zo tau hi ti la hia’i; a lak un Phigela leh Harmojinia le a pang ui.

MATTHAI 4:10

Ziaphatchun, Jesu’n a kiang in, “Setan, chia mang in! ‘Lalpa la Pathian chibai bûk inla, ama na bep sêm in,’ ti zik ahi,” a tia.