1 TIMOTHI 4:15 - PATHIAN LEKHABU THIANGTHO (BSI)

¹⁵ Mi zosia’n la phatchuamna a mutheina ding un zia thilte chu bawl inla, zia thilte ah chun kipe zo in.

1 TIMOTHI 4:15 Referans Kwoze

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

SAM 143:5

Nidang lai hunte kha ka hezing ah, la thilbawl zosia ka ngaitua in, la khut nasepte ka sût sek hi.

SAM 104:34

Ka ngaituana hi a kipakna lam hi hen la, Lalpa ah chun ka kipak ngal a.

NASEPTE 6:4

Kei uh ka hiu leh, pauchapnate leh thu nasepna’n kipia’ng kau,” a tiu a.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

SAM 119:97

Aw, la dan ka ngaina na lawm lawm e! Sun nitum ah ka ngaitua pen chu ahi.

JOSHUA 1:8

Zia dan lekhabu hin la kam pawtsan ki’hen la; a sung ah kizik dung zui ah chingthei tak ah la bawltheina dingin, a thute chu a sûn a jan in ngaitua sek in. Ziaphat chuleh, la lampi lamzang intin, lawting ding la hi’ngâl a.

1 TIMOTHI 4:6

Ziate chu unaute la hiatsak ahi chun, Khrista Jesu ah nasêm pha, ginna thute leh thuhilna pha la zuite ngei ah chu kivâk thahât hiding la hi.

SAM 119:148

La thutiam ka ngaitua theina dingin, janven hunbîte masang in, ka mit ka hak zo ta’i.

SAM 119:99

La thu hetsakte ka ngaitua zing ziakin, ei zilsakte zosia sâng in pilna ka hau zawi.

SAM 119:48

La thupiak ka ngainat ma ma te chu, ka ja ma ma hen; tichun, la thu guatte chu ngaitua ing ka.

SAM 119:15

La thununna thute ngaitua ing ka tin, la lampite ngaisak ing ka.

2 KORINTH 8:5

Zia chule ka kinep gual lo tak in, Pathian doilam in, amau ngei Lalpa kiang leh keimau kiang in a kipemasau a;

SAM 105:5

A thilbawl lamdang takte chu hawl unla, a thilmak bawlte leh a kamsuak, a vaihawmnate chu hezing un.

SAM 49:3

Ka kam in pilna thu gen intin, ka thinlung ngaituanate chu, hiatthiamna thu hi hen.

SAM 19:14

Aw Lalpa, ka suangpi leh ei Tanpa, ka kam ah thu pawtte leh, ka thinlung ah ka ngaituanate hi, la mit mu ah pom tâk hitau hen!

1 KORINTH 16:15

Suapite haw, Stephanas-te sunghaw kha Akaia gam ah gingtu masa pen a hiu ti la hiau a, mithiangthote nasepna hin theitawp suan a pang ui.

SAM 119:23

Milian leh lalte ka siatna ding ngaitua in, kichukhawm maleu; la suak hin la thu guatte ngaitua zing in a.

SAM 77:12

La thilbawl zosia kha ngaitua zing ing ka tin, la thilbawlte chu sût zing ing ka.

SAM 63:6

ka jalkhun laijawl ah nang ka hun ngaitua ah, janven si’n ah nangma ka hun pawl zing lai ah chun;

SAM 1:2

a kipaknau chu Lalpa dan in ahi zaw’n, a dan thu chu a sûn a jan in a ngaitua sek ui.

2 KORINTH 4:14

Lalpa Jesu kaithopa chun kei uh le Jesu ah chun ei kaitho intin, nang uh tawh a ma-âng ah ei dinsak ding ahi ti ka hiau.

1 TIMOTHI 4:14

Upa vaihawmte’n a khut ngat kawm ua thugenlawk dungzui ah thilpiak, nangma ah um chu ngaisak lo in um kin.

1 TIMOTHI 4:16

Nangma leh la thuhil ah pilvâng tak in um in; zia thilte chu bawl zom zing in, zia gual ah la bawl chun nangma leh la thu ngaithate chu hukdam in um in au.

KISIMNA LEKHABU 8:26

Kikhopna biakbûk ah mawpua, a suapite panpi thei intiu in; amau in vang a sep lo ding uh ahi tai. Zia gual ah hin nangma’n Levite chu a sep ding uh la gual tuak piak ding ahi, a tia.